Skírnir - 01.01.1943, Page 122
120
Agnar Kl. Jónsson
Skímir
vildi ekki kaupa dósamjólk þaðan, enda þótt mjólkin þætti
mjög góð meðal nágrannaþjóðanna. Við rannsókn kom í
Ijós, að kýrin á dósamiðunum var of heilög til að hún væri
óvirt á þennan hátt. Þegar búið var að breyta til um miða,
var ekkert lengur til fyrirstöðu mjólkursölunni.
Að því ér gæzlu viðskiptahagsmuna snertir, er það líka
mikils vert, að ræðismaður svari fyrirspurnum, bæði kaup-
manna í heimalandinu og dvalarlandinu. Aðalatriðið er,
að svörin séu eins hagnýt og gagnleg og mögulegt er. Sé
um stofnun viðskiptasambands að ræða, skal, ef fyrir-
spyrjandinn er frá heimalandinu, athuga hvaða fyrirtæki
af þeim, sem til greina koma, eru vænlegust til viðskipt-
anna. Áður en þau eru sett í samband við fyrirspyrjanda,
ber ræðismanni að athuga, hvort þau séu fyrsta flokks
firmu. Sé fyrirspyrjandinn borgari í dvalarríkinu, ber að
sýna fyrirspurn hans sams konar alúð, og, að athugun
lokinni, koma honum í samband við góð fyrirtæki í heima-
landinu, sem verzla með þær vörur, sem um er að ræða.
Þess eru mörg dæmi, að ágæt viðskiptasambönd hafa stofn-
azt á þennan hátt fyrir atbeina og milligöngu ræðismanns.
Á ýmsan annan hátt getur ræðismaður orðið verzlun og
viðskiptum að liði. Komi kaupsýslumaður að heiman, get-
ur verið mikils vert fyrir hann að fá góða aðstoð og leið-
beinipgar. Það er t. d. þýðingarmikið fyrir hann, að ræðis-
maður gefi réttar upplýsingar um hann, ef firmu, sem
hann hefir leitað til, snúa sér til ræðismanns til þess að fá
upplýsingar um hann og firma hans. Ræðismaður getur
greitt úr alls konar vandamálum og umkvörtunum, sem
upp kunna að koma, leiðrétt misskilning og gefið margs
konar upplýsingar og bendingar um viðskiptavenjur á
staðnum, er allt má að góðu gagni koma. Því meir, sem
hann hefir kynnt sér störf sín, og því dýpri, sem þekking
hans er á atvinnuháttum beggja landanna, því betur get-
ur hann leyst hið mikla hlutverk sitt, að greiða fyrir við-
skiptum milli þjóðanna, af hendi.
Ræðismönnum ber að fylgjast með siglingum heimaríkis
síns eftir beztu getu. Þegar skip að heiman kemur í höfn,