Bændablaðið - 14.08.2014, Blaðsíða 23
19Bændablaðið | Fimmtudagur 14. ágúst 2014
Alþjóðleg ráðstefna – 4th North Atlantic Native Sheep and Wool Conference:
Ráðstefna á Blönduósi um sauðfé og ull
Dagana 4.-8. september
næstkomandi verður haldin á
Blönduósi fjórða ráðstefnan um
norður-evrópskt sauðfé, ull og
ullarvinnslu. Aðild að henni eiga,
auk Íslands, Færeyjar, Grænland,
Hjaltlandseyjar, Noregur,
Orkneyjar og Suðureyjar.
Fyrirlesarar koma víða að en
flestir erlendu þátttakendurnir verða
frá Norður-Evrópu. Jafnframt verður
lista- og handverkssýning með
munum úr ull o.fl. Þá verður farið í
kynnisferðir til að skoða sauðfé og
skilyrði til sauðfjárræktar hér á landi.
Sameiginleg arfleifð sauðfjárkynja
Íbúar í löndum og eyjum Norður-
Atlantshafs eiga mjög sterka,
sauðfjárkynjum sem heyra til norður-
evrópsku stuttrófufé (dindilfé). Þar er
einnig sterk hefð fyrir nýtingu ullar
og skinna í ýmsum tilgangi og ber
þar hæst nýting til klæða en síðar
í handverki og list. Fyrir nokkrum
árum fóru Helga Tulloch í Orkn-
eyjum, Karin F. Svarstad í Noregi,
og Ólafur R. Dýrmundsson á Íslandi
af stað með þá hugmynd að mynda
tengslanet þess fólks sem býr í þessum
löndum og vinnur við sauðkindina
og úr afurðum hennar. Niðurstaðan
var að halda ráðstefnu til þess að
skoða þessar hefðir. North Atlantic
Native Sheep and Wool Conference
var haldin í fyrsta skipti á Orkneyjum
vorið 2011, árið 2012 var hún haldin á
Hörðalandi í Noregi og Hjaltland varð
fyrir valinu haustið 2013.
Haustið 2014 verður ráðstefnan
haldin á Íslandi, og varð Blönduós
fyrir valinu. Húnavatnssýsla er þekkt
fyrir hefðir í textíl, og á Blönduósi
eru Kvennaskólinn á Blönduósi,
Heimilisiðnaðarsafnið sem er eina
sinnar tegundar hér á landi og
Ullarþvottastöð Ístex. Einnig er
norðvesturland fjárflesta svæði
landsins og því var valið að halda
ráðstefnuna á réttatíma snemma hausts.
Stuttrófu sauðfé til umræðu
Markmið ráðstefnunnar er að fólk
sem tengist stuttrófukynjum sauðfjár
á einn eða annan hátt hittist og miðli
reynslu og menningu í sambandi
við fjárkynin, ullina og menningar-
landslagið í kringum umhirðuna.
Hefur það verið gríðarlega lærdóms-
ríkt. Því var ákveðið að þessi ráð stefna
á rannsóknarverkefnum sem kæmi
fólkinu í þessum löndum vel.
Þetta er meira en bara ráðstefna.
Hún er orðinn vettvangur þar
sem þátttakendur frá Íslandi,
Færeyjum, Grænlandi, Hjaltlandi,
Orkneyjum, Suðureyjum, Mön (á
Írlandshafi) og Noregi miðla reynslu
sinni innan sauðfjárræktar, sögu,
ullarframleiðslu, textílhandverki og
menningarlandslags.
Komið hefur í ljós að víðtæk
þekking, bæði vísindaleg, fagleg
svo og almenn þekking, leynist
í þeim hópi sem hefur sótt
ráðstefnuna á undanförnum árum.
Markmiðið með þessari ráðstefnu
er að draga þekkinguna saman og
nýta upplýsingarnar til rannsókna.
Einnig leita eftir hugmyndum að
rannsóknarverkefnum sem nýtist
fólkinu sem býr við stuttrófufé.
Ráðstefnan færist á milli landa til
að allir geti átt þess kost að kynnast
störfum, menningu og vinnslu
sauðfjárafurða hvers lands fyrir sig.
Bændur og textíl handverks fólk í
þessum löndum hafa sömu markmið
en veðurfar og landslag þeirra er mjög
ólíkt. Ekki er vafi á að ráðstefnurnar
hafa verið lærdómsríkar, bæði með
fyrirlestrum og heimsóknum, á
hverjum stað fyrir sig.
Ráðstefnan á Blönduósi saman-
stendur af fyrirlestrum fyrir
hádegi, kynningum á handverki og
vinnuaðferðum í sauðfjárbúskap.
Eftir hádegi eru m.a. heimsóknir
í réttir og til bænda. Fyrirtæki svo
sem Ístex, Ullarselið á Hvanneyri,
Þingborg í Flóa og Gestastofa sútarans
í Skagafirði verða heimsótt, sem og
Þingeyrakirkja, en þar er talið að
Orkneyinga saga hafi verið skrifuð.
Einnig verða sýningar á handverki,
þjóðbúningum og miðaldabúningum.
Sauðfé skoðað í réttum
Í ferðalögum verður keyrt norður
um Mosfellsbæ, Hvanneyri, Þing,
Vatnsdal, Svínadal, Skagafjörð og
yfir Kjöl þar sem sýnd verða beitilönd
og menningarlandslag þess fjár sem
gestirnir sjá í ferð sinni í réttum.
Allt þetta gefur gestum
frábært tækifæri til að kynnast
sauðfjárræktinni, úrvinnslunni,
menningarlandslagi okkar og ekki síst
búháttum á svæðinu. Allt uppfyllir
það með sínum hætti markmið
ráðstefnunnar og gefur þátttakendum
ógleymanlegar minningar héðan
frá Íslandi. Aldrei má vanmeta
þær hefðir og menningu sem hafa
þróast á þessum stöðum og er það
mjög verðmætt fyrir þátttakendur að
upplifa slíkt hvor hjá öðrum.
Í undirbúningsnefnd eru fulltrúar
frá eftirfarandi aðilum:
• Textílsetur Íslands tók að
sér verkefnið 2012 og hefur
• Þekkingarsetrið á Blönduósi
kemur að skipulagi og um sóknum
um styrki. Þekkingarsetur og
Textílsetur Íslands hafa nýlega
undirrituð samstarfssamning
um framkvæmd verkefna á
sviði textíls og fellur undir-
búningsstarf við ráðstefnuna
undir þann samning.
• Bændasamtök Íslands hafa
faglega umsjón og annast
leiðsögn, þýðingar, textaskrif
og ritstjórn ráðstefnugagna.
• Ullarselið á Hvanneyri kemur
að skipulagi, faglegri umsjón og
móttöku gesta.
Ýmsir aðrir aðilar styðja einnig
við ráðstefnuna, svo sem Ístex
hf, Landssamtök sauðfjárbænda,
Landbúnaðarháskóli Íslands,
Gestastofa sútarans og Þingborg.
Nánari upplýsingar fást á
woolconference2014@gmail.com
og textilsetur@simnet.is.
Aðalskrifstofa - Borgarbraut 74 - 310 Borgarnes
Söluskrifstofa - Vesturvör 29 - 200 Kópavogur
Netfang - sala@limtrevirnet.is
Aðalnúmer: 412 5300 | Söludeild: 412 5350
limtrevirnet.is
Yleiningar fyrir
íslenska veðráttu
Hjá Límtré Vírnet færðu léttar stálsamlokueiningar
með polyúreþan- eða steinullareinangrun á milli.
Henta í útveggi og þök, milliveggi og loft, kæli- og frystiklefa, fyrir heimili
og fyrirtæki. Raka- og vindþéttar, einangra vel, auðþrifnar, iIltendranlegar,
gæðaprófaðar, léttar, fljótuppsettar, þaulreyndar og hagkvæmar.
Kynntu þér Yleiningar á limtrevirnet.is.
Amma mús – handavinnuhús
Ármúla 18, 108 Reykjavík • Sími 511 3388
Opið mán - fös 9 - 18, Lokað er á laugardögum til 31. ágúst.
Hannyrða-
vörur
í úrvali
Bragaþing 2014, landsmót
hagyrðinga, verður haldið á
Hótel Heklu á Brjánsstöðum á
Skeiðum laugardagskvöldið 20.
september næstkomandi og hefst
með borðhaldi kl. 19.00.
Verð fyrir matinn (forrétt, aðalrétt
og eftirrétt) verður um 7.000 krónur
á mann.
Verð fyrir gistingu með
morgunverði á tvíbýli er 7.300
krónur á mann á og aukanótt 5.000
kr. en á einbýli 11.100 kr. á mann og
aukanótt 5.500 kr. á mann.
Þátttaka tilkynnist Guðmundi
Stefánssyni á netpóstfangið
gummiste@hive.is fyrir
miðvikudags kvöldið 27. ágúst
næstkomandi. Taka skal fram fjölda
þátttakenda í mat og í gistingu ásamt
fjölda gistinátta. Frekari upplýsingar
eru gefnar í síma 899-9623.
Bragaþing 2014:
Landsmót
hagyrðinga