Bændablaðið - 14.08.2014, Blaðsíða 34

30 Bændablaðið | Fimmtudagur 14. ágúst 2014
Eygló Gunnlaugsdóttir og
maður hennar Reynir Ásberg
Jómundsson tóku formlega við
búskap á jörðinni Ásthildarholti
áramótin 2014. Þá keyptu þau
af foreldrum Eyglóar, þeim
Gunnlaugi Vilhjálmssyni og
Sigrúnu Sigurðardóttir.
Áður höfðu þau þó verið
með í allri ákvörðunartöku um
rekstur búsins og séð alfarið um
kynbótastarfið í sauðfjárræktinni
síðustu fimm árin.
Býli: Áshildarholt.
Staðsett í sveit: Skarðshreppi
hinum forna í Skagafirði.
Ábúendur: Reynir Ásberg
Jómundsson og Eygló Gunn-
laugsdóttir ásamt heimasætunni
Sigrúnu Sunnu. Á jörðinni búa
einnig Gunnlaugur Vilhjálmsson
fyrrum bóndi jarðarinnar og
kona hans Sigrún Sigurðardóttir
hjúkrunarfræðingur. Einnig býr
systir Eyglóar, Lilja, maður
hennar Valur Valsson og dóttir
Ásrún (2011) á landareigninni en
þau hafa nýlokið uppgerð á gamla
íbúðarhúsi jarðarinnar.
Fjölskyldustærð (og gæludýra):
Þriggja ára dóttir okkar og bústýra
hún Sigrún Sunna. Hundarnir
Sunna, íslenskur blendingur,
og Lappi, Border Collie og
fjárhundur með meiru. Svo eru
kettirnir Moli og Snælda.
Stærð jarðar? 406 hektarar.
Gerð bús?
Sauðfjárbú.

Fjöldi búfjár og tegundir?
320 vetrarfóðraðar kindur og um
20 hross til að smala lopapeysunum
(eins og bóndinn kallar það).
Hvernig gengur hefðbundinn
vinnudagur fyrir sig á bænum?
Mjög misjafnt eftir árstíðum. Nú er
heyskapur aðalmálið, ásamt öðru
tilfallandi eins og girðingarvinnu
og tiltekt. Á veturna er farið í
fjárhúsin kvölds og morgna til
gegninga, en bæði Reynir og Eygló
vinna fulla vinnu utan búsins og því
geta dagarnir verið langir.
Skemmtilegustu/leiðinlegustu
bústörfin?
Sauðburðurinn er tvímælalaust
skemmtilegasta bústarfið þegar
vel gengur og eins að sjá lömbin
þegar þau koma af fjalli, en
þau leiðinlegustu eru almennar
gegningar á snjóþungum vetrum og
þegar illa gengur, til dæmis vegna
vélabilana.
Hvernig sjáið þið búskapinn
fyrir ykkur á jörðinni eftir 5 ár?
Áframhaldandi uppbygging húsa
með bættri vinnuaðstöðu og vonandi
búið að fjölga búpeningnum.
Hvaða skoðun hafið þið á
félagsmálum bænda? Þau eru í
réttum farvegi, en eins og annars
staðar er alltaf pláss fyrir úrbætur
og þarf ávallt að hafa vakandi auga
fyrir nýjum og betri lausnum. Þarf
m.a. að tryggja og auðvelda nýliðun
bænda sem eru að reyna að komast
inn í greinarnar.
Hvernig mun íslenskum
landbúnaði vegna í framtíðinni?
Íslenskur landbúnaður mun blómstra
ef rétt er haldið á spilunum, svo
framarlega að við göngum ekki inn
í ESB.
Hvar teljið þið að helstu
tækifærin séu í útflutningi
íslenskra búvara? Á flytja út
á litla en dýra markaði þar sem
íslenskar vörur geta haldið sinni
sérstöðu og íslensk framleiðsla
ræður við.
Hvað er alltaf til í ísskápnum?
Smjör, skagfirskur Sveitabiti, lýsi,
mjólk, egg og AB súrmjólk.
Hver er vinsælasti maturinn á
heimilinu?
Svar heimasætunnar er tvímælalaust
grjónagrautur og skyr, en ætli
fullorðna fólkið taki ekki grillaða
folaldakjötið með öllu tilheyrandi
fram yfir það.
Eftirminnilegasta atvikið við
bústörfin?
Þegar maður sá loks árangur
áralangrar vinnu í kynbótastarfinu
þegar fyrstu lömbin skiluðu sér í
efsta gæðaflokk í haustslátrun.
Einnig þegar við tókum formlega
við rekstrinum.
Líf og lyst
BÆRINN OKKAR
Ærinnralæri með íslenskum jurtum
Gott ærkjöt stendur alltaf fyrir
sínu. Það er bragðmikið og með
réttri eldun vekur það alltaf góða
lukku í veislum. Nú er um að
gera að nýta sér þær fjölbreyttu
kryddjurtir sem vaxa í íslenskri
náttúru og leyfa hugmyndafluginu
að ráða við kryddun kjötsins. Með
kjötinu er síðan kjörið að útbúa
bragðgóða sósu.
Fyrir 4
› 800 g ærinnralæri
› 1 dós maltöl (soðið niður um ¾)
› 2 msk. hunang
› Krydd:
Blóðberg, hvönn, birkilauf, te
› 1 stk. ristuð sellerírót
› safi úr 1 sítrónu
› 2 marin hvítlauksrif
og 50 ml ólífuolía
Aðferð
Innralæri kryddað. Kryddið
með íslensku te sem inniheldur,
birki, hvönn og blóðberg eða
öðru kryddi, helst kvöldið áður.
Fyrirtækið Íslensk hollusta er með
tilbúið bragðgott te sem er tilvalið
sem krydd. Það er líka hægt að tína
fersk krydd úti í náttúrunni eða
nota það sem ræktað er heima við.
Grillið á vel heitu grilli í tvær
mínútur á hvorri hlið eða þar
til kjötið er orðið fallega brúnt.
Kryddið með salti og pipar og ögn
af hvítlauk í ólífuolíu.
Lækkið þá hitann á grillinu eða
hækkið grillgrindina og grillið
í 8-10 mín. í viðbót. Passið að
snúa kjötinu reglulega á meðan.
Penslið með niðursoðnu maltöli
með ögn af hunangi, látið hvíla.
Setjið á fat með kartöflum að eigin
vali eða jafnvel grillaðri sellerírót
sem er búið að pensla með olíu.
Hana þarf að grilla þar til hún er
hálfelduð í gegn, þá er hún skorin
í þunna strimla og borðuð eins og
hrásalat með ögn af salti og sítrónu
og hvítlauksolíunni góðu.
Vorlauks engifer-
og sveppasósa
› 150 g sveppir
› 1 lítið knippi vorlaukur
› 250 ml rjómi
› 1 msk. smjör
› 1 cm engifer
› salt og pipar
› ferskur graslaukur
Stilkur af vorlauk og sveppir
saxaðir smátt. Steikt á pönnu
með smjöri í nokkrar mínútur.
Rjóma bætt við og þegar suða
kemur upp er slökkt undir og
hrært í sósunni. Saltað og piprað
eftir smekk. Rífið ferskan
engifer og fínsaxaðan graslauk í
sósuna (best er að taka hýðið af
engifernum áður með skeið, það
er auðveldlega skafið af).
MATARKRÓKURINN – BJARNI GUNNAR KRISTINSSON MATREIÐSLUMEISTARI
Sigrún Sunna á hestinum Hilmari. Eygló, Reynir og Sigrún Sunna.
Ásthildarholt