Frjáls Palestína - 01.06.2007, Blaðsíða 19
FRJÁLS PALESTÍNA 19
Aðalfundur 2006
22. mars 2006 hélt Félagið Ísland-
Palestína aðalfund í Norræna húsinu.
Stjórnin sem þá tók við skipti þannig með
sér verkum: Sveinn Rúnar Hauksson
formaður, Eldar Ástþórsson gjaldkeri,
Vésteinn Valgarðsson ritari, Eva
Einarsdóttir varaformaður og Borgþór
Kjærnested meðstjórnandi.
Mótmæli
Tvennar mótmælaaðgerðir voru haldnar.
Þær fyrri voru í júlí á Austurvelli, gegn
árásunum á Gaza. Hljómsveitin Llama
safnaði fólki saman fyrir framan sviðið
og hitaði fólk upp í rigningunni með
stórskemmtilegri samba sveiflu. KK tók
nokkur lög með Llama og spilaði síðar
einn og sér nokkur af sínum fallegu lögum.
Ræðumenn fundarins voru Guðrún
Ögmundsdóttir alþingismaður og Sveinn
Rúnar Hauksson læknir og formaður
Félagsins Ísland-Palestína, Þorbjörn
Guðmundsson, framkvæmdastjóri Sam-
iðnar, sá um fundarstjórn. Slagorð fund-
arins voru eftirfarandi: Stöðvið stríðs-
glæpina! Ísraelsher burt úr Palestínu!
Viðurkennum sjálfsákvörðunarrétt pal-
estínsku þjóðarinnar! Niður með múrinn!
Alþjóðlega vernd fyrir íbúa herteknu
svæðanna! Frjáls Palestína!
Í nóvember var mótmælafundur við
utanríkisráðuneytið, gegn heimsókn
ísraelska sendiherrans. Fyrirvarinn var
mjög stuttur, en rúmlega 100 manns
komu og mótmæltu. Sendiherrann laum-
aði sér bakdyramegin út.
Félagsfundir
Tveir opnir félagsfundir voru haldnir
á starfsárinu. Sá fyrri var árlegur sam-
stöðu fundur 29. nóvember, þar sem
Ziad Amro, frumkvöðull í rétt inda baráttu
öryrkja í Palestínu, var gestur FÍP,
Öryrkjabandalags Íslands og Blindra-
félagsins.
Hinn opni fundurinn var í Friðarhúsinu
við Snorrabraut (Njálsgötu 87) í mars.
Þar sagði Egill Bjarnason frá nýlegri ferð
sinni til Palestínu og sjálfboðastarfi sínu á
herteknu svæðunum í máli og myndum,
og Sveinn Rúnar Hauksson sagði frá
jólaferð sinni og Kristínar dóttur sinnar
til Palestínu. Þá var heimildarmyndin
Sófakynslóðin sýnd, en hún fjallar um
aktivisma á Íslandi. Fundurinn var vel
sóttur og nánast húsfylli.
Kvikmyndasýning
Félagið stóð líka fyrir sýningu á
heimildarmyndinni Gaza Strip á Kaffi
Kúltúra í nóvember. Unglingahljómsveitin
Retro Stefson lék nokkur lög og Sveinn
Rúnar Hauksson hélt tölu.
Tónleikar
Fimmtudaginn 25. maí hélt Félagið
Ísland-Palestína, í samvinnu við UNIFEM
á Íslandi, vel heppnaða styrktar- og
stuðningstónleika fyrir konur í hertekinni
Palestínu á Grand rokk. Á tónleikunum
komu fram Reykjavík!, Mr. Silla, Wulfgang,
Seabear og Shadow Parade. Myndir frá
Hugleiki Dagssyni voru boðnar upp og
varningur seldur, m.a. sérhannaðir bolir
Nakta apans og Dead. Allir listamennirnir
sem komu fram á tónleikunum gáfu vinnu
sína. Sama má segja um Söru, Tolla og
alla í Nakta apanum, Jón Sæmund í
Dead, Bros-boli sem gáfu peysur og boli
í framleiðsluna og Steini og Maggi sem
hönnuðu plakatið.
Ferðir til Palestínu
Egill Bjarnason fór á eigin vegum til
Palestínu og var í þrjá mánuði, frá
september til desember, og starfaði mest
með aktífistasamtökunum ISM og gat sér
gott orð fyrir. Sveinn Rúnar Hauksson
formaður félagsins og Kristín Sveinsdóttir
dvöldu í Palestínu yfir hátíðirnar og
voru í Bethlehem á aðfangadag. Þau
afhentu Palestinian Working Women
Society for Development 4000 dollara úr
neyðarsöfnun félagsins, sem á starfsár-
inu var einkum ætluð palestínskum
konum.
Aðalfundur 2007
Þann 21. mars hélt Félagið Ísland-
Palestína síðan aðalfund ársins 2007 í
Norræna húsinu. Jóhanna K. Eyjólfsdóttir
sagði frá starfi Amnesty International í
Palestínu, Petter Winnberg flutti tónlist
og Ingólfur Gíslason las ljóð. Fundurinn
samþykkti að fjölga stjórnarmönnum í 7
aðalmenn og 4 varamenn. Viku seinna
hittist svo ný stjórn og skipti með sér
vekrum sem hér segir:
Í aðalstjórn
Sveinn Rúnar Hauksson, formaður
Eva Einarsdóttir, fyrsti varaformaður
Borgþór S. Kjærnested,
annar varaformaður
Vésteinn Valgarðsson, ritari
Eldar Ástþórsson, gjaldkeri
Einar Teitur Björnsson, sölustjóri
Egill Bjarnason, sjálfboðaliðastjóri.
Í varastjórn
Anna Tómasdóttir, neyðarsöfnunarstjóri
Hjámtýr Heiðdal, kynningarstjóri
Quassay Odeh, framkvæmdarstjóri
matur & menning
Yousef Tamimi, sniðgöngustjóri
Byggt á skýrslu stjórnar á aðalfundi
2007, en hana má lesa í heild sinni á
heimasíðu félagsins, www.palestina.is
Refsiaðgerðirnar leggjast ofan á það
hrikalega ástand sem Palestínumenn
búa við; hundruð þúsunda þeirra dúsa
í flóttamannabúðum, fjögurra áratuga
hernám í landi þeirra varir enn og innbyrð-
is átök hafa blossað upp. Það eykur
auðvitað enn á örvæntinguna í Palestínu
að lýðræðislega kjörin stjórn landsins
sé sniðgengin. Nú hefur verið mynduð
þjóðstjórn í Palestínu sem Hamas,
Fatah og fjöldi smærri flokka á aðild að.
Valgerður Sverrisdóttir utanríkisráðherra
hefur tekið það þarfa og lýðræðislega
skref að lýsa því yfir að taka eigi upp
eðlileg samskipti við hana. Geir H. Haar-
de forsætisráðherra sagði hins vegar í
kosningaþætti á Stöð 2 að skoða verði
„gaumgæfilega“ samskipti Íslendinga
við heimastjórn Palestínumanna, um
leið og hann lýsti þeirri skoðun sinni að
hann væri „ekkert sérstaklega hrifinn af
Hamas-hreyfingunni“.
Er Geir að grínast? Telur hann eðlilegt
að íslenska ríkisstjórnin sniðgangi
lýðræðislega kjörna stjórn í Palestínu
vegna þess að í henni séu flokkar sem
hann er ekki hrifinn af? Vill Geir ekki bara
sjálfur sjá um að raða upp ríkisstjórn
Palestínu? Íslenska ríkisstjórnin á að
sjá sóma sinn í því að viðurkenna
lýðræðislega kjörna stjórn í Palestínu.
Strax! Það að refsa Palestínumönnum
og sniðganga þjóðstjórnina grefur ekki
aðeins undan lýðræðisþróun í Palestínu
og Mið-Austurlöndum – heldur eru mjög
skýr skilaboð frá Íslandi til íbúa herteknu
svæðanna, sem hafa staðið í baráttu fyrir
frelsi sínu og mannréttindum í áratugi; til
helvítis með Palestínu!
Höfundur situr í stjórn félagsins
Ísland-Palestína.
Til helvítis . . .
Framhald af bls. 20
Stutt yfirlit
yfir
liðið starfsár