Morgunblaðið - 18.07.2015, Blaðsíða 12

STANGVEIÐI
Einar Falur Ingólfsson
efi@mbl.is
Laxveiðin hefur víða tekið hraust-
legan kipp undanfarna viku. Sam-
kvæmt tölum úr viðmiðunarám
Landssambands veiðifélaga, sem
hér má sjá, er nánast um meðalveiði
á þessum tíma sumars að ræða. Þor-
steinn Þorsteinsson á Skálpastöðum,
sem tekur tölurnar saman, skrifar á
vefinn angling.is: „Af gagnagrunns-
ánum okkar 25 er það að frétta að
heildarveiðitölur úr þeim eru nú
7.094 laxar, eftir 3.526 landaða fiska í
liðinni viku. Veiðin er greinilega að
ná sér á strik. Ef við berum þetta
saman við undanfarin ár þá er með-
alveiðin úr ánum 25 nálægt 7.175
löxum síðan 2006. Því má segja að
veiðin núna sé ótúlega nærri pari.“
Sem dæmi um veiðina undanfarna
viku má nefna að í Norðurá, þar sem
1.000 laxa markinu var náð, gaf vik-
an 438 laxa, sem teljast má afar gott.
Í Blöndu gekk þó enn betur því þar
var 478 landað. Í Þverá og Kjarrá
veiddust 247, 348 í Miðfjarðará, 293
laxar veiddust í Ytri-Rangá og í
Langá á Mýrum tók veiðin hressi-
legt stökk; fyrir viku höfðu veiðst
130 laxar en á næstu sjö dögum var
345 landað.
Klapparpollur „on fire“
Ef rýnt er frekar í veiðitölurnar
má glögglega sjá hvað árnar á Vest-
urlandi eru miklum mun gjöfulli nú
en hörmungarsumarið í fyrra, þó á
veiðin í langt með að ná því sem
gerðist í mokinu 2013. Enda er veið-
in nú í ágætu meðaltali. Norðanlands
er veiðin hinsvegar jafnari milli ára.
Í Víðidal reyndar betri en á sama
tíma bæði fyrrnefnd sumur og í
Vatnsdalsá hefur veiðst 30 löxum
minna en á sama tíma í fyrra en ein
skýring kann að vera sú að sökum
vatnsflaums var hinn gjöfuli
Hnausastrengur ekki „inni“ fyrr en
á síðustu dögum, en þá fór líka að
mokast upp úr honum. Í Miðfjarðará
hefur þó veiðst rúmlega 300 löxum
meira en á sama tíma í fyrra. Hafa
verið hressilegar göngur í ána?
„Já, þær hafa verið mjög öflugar,“
segir Jóhann Birgisson, leið-
sögumaður í Miðfirðinum. „Þetta lít-
ur rosalega vel út. Það er bara
hörkuveiði, nú eru komnir um 700
laxar. Nú erum við að fá mikið af
rosalega vel höldnum og fallegum
smálaxi, 65 til 68 cm. Það er ekki
hægt að segja annað en að hann
komi mjög vel undan vetri.“
Jonni segir minna veiðast í Aust-
urá en Vesturá og Miðfjarðaránni
sjálfri en fiskur sé þó vel dreifður
um allt svæðið. „Fossarnir í Vesturá
eru hálfstíflaðir af laxi þessa dagana,
það eru bunkar fyrir neðan þá,“ seg-
ir hann og hlær. „Og laxinn gengur
af krafti í Miðfjarðarána, Klapp-
arpollurinn er til dæmis „on fire“! Í
gærmorgun var ég þar með veiði-
menn og þeir fengu sex í beit, auk
fiska í Grjóthyl og Brekkulæk I. Það
komu yfir tuttugu laxar bara af
svæði eitt í gær. Það er mjög
ánægjulegt að fá svona sterka smá-
laxagöngu – þetta lítur mjög vel út.“
Fjör fyrir neðan fossa
Laxveiðin í Aðaldal er á svipuðu
róli og síðustu sumur, ívið betri þó.
Æsilegar sögur hafa borist frá
Drottningunni, þar á meðal að veiði-
konur hafi staðið sig vel við að setja í
stóra laxa. Ása Hreggviðsdóttir
gerði sér þannig lítið fyrir á dög-
unum og landaði átta stórlöxum á
sömu morgunvaktinni á veiðisvæði
Laxárfélagsins fyrir neðan Æðar-
fossa en þar hefur verið hörkuveiði
undanfarið. Stærsti laxinn var 97 cm
langur eða nálægt 20 pundum. Lax-
arnir tóku rauða Frances og Sunray
Shadow. Öllum laxi er sleppt á veiði-
svæðunum.
Á Nessvæðinu í Aðaldal segir Árni
Pétur Hilmarsson staðarhaldari að
um 60 löxum hafi verið landað og þar
af eru fjórir yfir 100 cm langir – Ing-
ólfur Davíð Sigurðsson fékk einn 105
cm á Spegilflúð í fyrradag.
„Það eru mjög sterkar göngur í
ána og í heila viku hefur verið mjög
mikið fjör fyrir neðan fossa,“ segir
Árni Pétur. „Menn hafa verið að
setja upp í tuttugu fiska þar á vakt-
inni, og landað góðum hluta þeirra.
Áin virðist vera í fínu standi og mikið
af fiski á öllum stöðum. En nú hefur
verið mjög kalt hér lengi – við stönd-
um til að mynda nú úti í sex gráðum
og áin er komin niður í átta – og við
þær aðstæður er erfitt að fá laxinn
til að taka. Kuldinn deyfir hann mik-
ið. En um leið og hlýnar verður
veisla hérna.“
En er eitthvað að hlýna?
Árni Pétur hlær. „Það er ekki í
kortunum,“ segir hann svo. „Spáin
er hryllileg. En þetta hefur verið
skrýtið sumar. Staðir sem venjulega
eru sterkir síðsumars eru það nú og
öfugt. Þannig hefur Hólmavaðsstífla
verið virk frá fyrsta degi, full af fiski.
Og það er nóg af tveggja ára laxi.
Meðalvigtin er kringum 15 pundin
hjá okkur og einn smálax hefur
veiðst. Og það gengur ævintýralega
vel niðri á Laxamýri.“
Fossar sagðir hálfstíflaðir af laxi
 Nánast meðalveiði í laxveiðiánum  Hátt í fimm hundruð laxa vika í Blöndu og Norðurá  „Lítur
rosalega vel út,“ í Miðfjarðará  Gengur ævintýralega vel á Laxamýri  15 punda meðalvigt í Nesi
Líflegt Marvin Ingólfsson lukkulegur með 103 cm langan lax sem hann náði
á netta einhendu á Nessvæðinu í Aðaldal og var veginn í háfnum 23 pund.
Fylgdarmaðurinn Björgvin Viðarsson frá Kraunastöðum hampar laxinum.
Aflahæstu árnar
Heimild: www.angling.is
Norðurá (15)
Blanda (14)
Þverá-Kjarrá (14)
Miðfjarðará (10)
Ytri-Rangá & Hólsá (20)
Langá (12)
Haffjarðará (6)
Elliðaárnar (6)
Laxá í Aðaldal (18)
Flókadalsá (3)
Laxá í Kjós (8)
Grímsá og Tunguá (8)
Eystri-Rangá (18)
Víðidalsá (8)
Hítará (6)
Veiðivatn (Stangafjöldi) Veiði
Á sama
tíma í
fyrra
Á sama
tíma
2013
Staðan 15. júlí 2015
470
882
505
328
189
90
285
200
208
100
132
131
363
130
122
1817
1030
1423
678
516
815
905
517
218
420
330
515
438
170
480
1068
993
735
649
502
475
407
238
229
215
209
207
202
192
190
12 FRÉTTIRInnlent
MORGUNBLAÐIÐ LAUGARDAGUR 18. JÚLÍ 2015
Hágæða postulín frá Þýskalandi
• Hágæða postulín sem hefur verið á borðum
þjóðverja frá 1881.
• Sérhertir kantar sem koma veg fyrir að
kvarnist upp úr postulíninu.
• Bauscher notar næstharðasta efni í heimi-
num á eftir demanti í postulínið sitt.
• Gjöf sem endist og endist.
• Frábær brúðkaupsgjöf.
• Frábær borðbúnaður í veisluna.
• Ýmsar línur í boði.
• Þú færð Bauscher í Progastro.
Allt fyrir eldhúsið
Allir velkomnir
Progastro | Ögurhvarfi 2, Kópavogi | Sími 540 3550
progastro.is | Opið alla virka daga kl. 9–18
Skötumessa að sumri verður haldin
í Miðgarði Gerðaskóla í Garði mið-
vikudaginn 22. júlí klukkan 19.00.
Að venju verður skata og annað
fiskmeti og meðlæti á borðum og
fjölbreytt skemmtidagskrá.
Ræðumaður kvöldsins verður
Össur Skarphéðinsson alþing-
ismaður en auk hans koma fram
Rúnar Þór og hljómsveit, Dói og
Baldvin, Grænir vinir, Einar Freyr,
Sigurður Smári og Már Gunn-
arsson. Þá verða einstaklingum og
félagasamtökum veittir styrkir frá
Skötumessunni, sem er áhugafélag
um velferð fatlaðra, og gestum í
sal.
Aðgangurinn kostar 4.000 krón-
ur og er hægt að kaupa miða með
því að leggja inn á reikning Skötu-
messunnar 0142-05-70506, kt.
580711-0650 og gildir innleggs-
nótan sem aðgöngumiði. Venjulega
hefur verið uppselt á Skötumess-
una.
Skötumessa að
sumri í Garðinum
Fræðslu-
dagskrá verk-
efnisins
Reykjavík - ið-
andi af lífi fyrir
sumarið 2015
er komin vel á
veg og næsti
viðburður verð-
ur í dag, laugardaginn 18. júlí kl. 13.
Þá verður boðið upp á skemmtilega
smádýraskoðun við Rauðavatn.
Gestir munu taka þátt í að safna
ferskvatnssmádýrum eins og brunn-
klukkum, tjarnatítum, andablóðsug-
um og hornsílum svo fátt eitt sé
nefnt og skoða þau á staðnum. Líf-
fræðingur mun fræða gesti um líf-
ríki vatnsins.
Fræðsluviðburðurinn hefst kl. 13
og verður hist við bílastæðið vestan
við vatnið þar sem skautasvell er
gjarnan á veturna. Þaðan verður
gengið meðfram suðurströnd vatns-
ins og fundnir heppilegir staðir til að
leita að smádýrum. Allir sem vilja
mega taka þátt í að reyna að veiða
dýrin og verður þeim safnað í fötur
og í bakka þar sem þau verða skoð-
uð nánar áður en þeim er sleppt aft-
ur. Snorri Sigurðsson, líffræðingur
og verkefnastjóri Reykjavík - iðandi
af lífi, mun fræða gesti um það sem
fyrir augu ber. Þessi viðburður
hentar sérstaklega vel börnum og
eru þátttakendur hvattir til að koma
með eigin fötur og háfa. Allir eru
velkomnir og þátttaka er ókeypis.
Smádýrum safnað
við Rauðavatn
Brunnklukka
STUTT