Fréttablaðið - 10.05.2016, Blaðsíða 22

Þeir Gísli Marteinn Baldursson og
Felix Bergsson eiga það sameigin­
legt að hafa verið þulir í útsendingu
RÚV frá Eurovision. Felix var fyrst
kynnir í Malmö árið 2013 og tók svo
tvær næstu keppnir, í Kaupmanna­
höfn 2014 og Vín 2015. Gísli Mar­
teinn hefur kynnt keppnina sex
sinnum, í Jerúsalem 1999, Stokk­
hólmi 2000, Kaupmannahöfn 2001,
Ríga 2003, Istanbúl 2004 og í Kíev
árið 2005. Hann mun einnig verða
þulur keppninnar í Stokkhólmi í ár.
Þeir segjast báðir vera sérlegir
áhugamenn um keppnina og finnst
hún frábær skemmtun. Við feng­
um þá til að svara nokkrum spurn­
ingum um Eurovision og upplifun
þeirra af keppninni.
Felix
Hver er skemmtilegasta keppnin
sem þú hefur verið á?
Þær hafa allar verið mjög sér­
stakar og skemmtilegar og
ómögulegt að nefna eina frekar
en aðra. Malmö var sérstök því
það var í fyrsta sinn sem ég var
kynnir og ég naut þess að fylgjast
með hinum frábæru sænsku at­
vinnumönnum búa til besta sjón­
varp í heimi. Kaupmannahöfn var
líka ótrúlega skemmtileg með
Conchitu og Common Linnets frá
Hollandi og svo var Vín allt öðru­
vísi, miðevrópsk og klassísk og
mjög skemmtileg á sinn máta.
Vakti einhver keppandi sérstaka
athygli þína?
Já, þeir eru sko margir. Norð­
mennirnir í fyrra, Debrah
Scarlett og Mörland, voru algjör­
lega mögnuð og einstaklega við­
kunnan legt fólk. Þá fannst mér
Sergej Ćetković frá Svartfjalla­
landi 2014 sérstaklega flott­
ur söngvari og manneskja. Svo
voru Pólverjarnir í Kaupmanna­
höfn ógleymanlegir með brjóstin
úti og strokka á sviði. En þetta er
nú bara til að nefna nokkra. Allir
þessir listamenn eru manni enn
ofarlega í huga.
Hverjir voru bestu gestgjafarnir?
Ég segi Vínarbúar. Þar var
mjög vel tekið á móti okkur.
Áttu þér uppáhalds Eurovision-
lag?
Já, uppáhaldslagið mitt er
Love Shine a Light með Katar­
ina and the Waves frá 1997 fyrir
Bretland. Algjört konfekt.
Hvert er uppáhalds íslenska
lagið?
Úff, þar er erfitt að velja. Ég
segi Pollapönk. Þeir voru hrein­
lega stórkostlegir með lagið sitt
Enga fordóma.
Er mikil vinna fólgin í því að
vera kynnir?
Já, þetta er mikil yfirlega og
ef maður vill gera þetta vel þarf
maður að vera búinn að undirbúa
sig áður en maður kemur út, taka
svo inn stemninguna á staðnum
og skrifa mjög nákvæm handrit
sem maður er búinn að tímasetja.
Ákaflega skemmtileg vinna.
Hittir þú einhverjar stjörnur á
keppnunum?
Ég er auðvitað búinn að hitta
Graham Norton og svo hittir
maður allar Eurovision­stjörn­
urnar. Það var einstaklega gaman
að rabba við Conchitu í Kaup­
mannahöfn og Ástralinn Guy
Seb astian var líka mjög viðkunn­
anlegur. Það skrítna við Eurovis­
ion er hins vegar að sumir eru
bara stjörnur í tvær vikur og svo
springur sápukúlan og veruleik­
inn tekur við.
Eignaðist þú einhverja vini í
keppninni sem þú heldur sam-
bandi við ennþá?
Já, fjölmarga, og ég held sam­
bandi við þá allt árið. Sumir
þeirra eru farnir að mæta á
Söngvakeppnina heima og aðrir
eru stöðugt að bjóða manni til
sín. Eurovision er vinafundur
og ég hvet alla sem hafa áhuga
að skella sér einhvern tímann og
upplifa keppnina.
Gísli Marteinn
Hver er skemmtilegasta keppn-
in sem þú hefur verið á?
Kaupmannahöfn 2001 var frá­
bær því Danirnir gerðu þetta allt
svo vel. Íslandi gekk að vísu illa
og enginn man eftir eistneska
sigurlaginu – en það var fullt
af fínum lögum og skemmtileg
stemning. Þetta er líka stærsta
keppni sem hefur verið haldin,
talið í fjölda áhorfenda í sal, enda
var hún haldin á Parken.
Hver finnst þér vera eftirminni-
legustu atriði keppninnar – af
hverju?
Fyrir utan íslensku atriðin,
sem ég man auðvitað best eftir,
eru nokkur atriði sem ég get
nefnt. Tatu­stelpurnar frá Rúss­
landi voru mjög eftirminnilegar í
Ríga 2003, Olsen­bræður í Stokk­
hólmi 2000 því enginn hafði trú á
þeim og íslenski hópurinn reyndi
að vera almennilegur við þá og
bjóða þeim með okkur að borða
og svona. Mummy Trolls sem var
fulltrúi Rússa árið 2001 er mjög
fræg í heimalandinu og kemur
meðal annars fyrir í skáldsög­
unni Hreinsun – þau urðu góðir
kunningjar okkar. Ruslana kom
til Íslands að kynna lagið sitt
fyrir keppnina 2004 og varð
fyrir vikið kunningjakona okkar
alla þá keppni.
Hverjir voru bestu gestgjafarnir?
Svíar og Danir hafa gert þetta
allra þjóða best.
Áttu þér uppáhalds Eurovision-
lag?
Þau eru mörg, en ætli ég
nefni ekki Divine með Sebasti­
an Tellier.
Hvert er uppáhalds íslenska
lagið?
All Out of Luck og Nína. Og
síðan er Í síðasta skipti að vinna
mjög hratt á.
Hvað var skemmtilegast við að
vera kynnir?
Ætli það sé ekki það að fá
tækifæri til að sökkva sér ofan í
alls konar furðuleg smáatriði við
framlög hverrar þjóðar. Núna er
ég til dæmis að reyna að grafast
fyrir um hvað hundur rússneska
söngvarans heitir, ef ske kynni
að ég gæti notað það í kynning­
unni.
Tengjast kynnar ólíkra landa
eitthvað?
Já, heilmikið. Ég var síðast
kynnir 2005, þannig að marg­
ir kunningjar mínir úr þessum
bransa hafa hætt, en fleiri eru
þó enn að. Það eru því fagnaðar­
fundir núna.
Eignaðist þú einhverja vini í
keppninni sem þú heldur sam-
bandi við enn þá?
Bresku vinir okkar, sem nú
eru orðnir hluti af íslensku
sendinefndinni, Peter, Paul og
Jonathan, eru orðnir mjög mikil­
vægur hluti af hópnum. Þeir
koma á eigin vegum ár eftir ár
og vilja allt fyrir íslenska hóp­
inn gera.
Uppáhaldslagið mitt
er Love Shine a Light
með Katarina and the
Waves frá 1997 fyrir
Bretland. Algjört
konfekt.
Felix Bergsson
Ég er til dæmis að
reyna að grafast fyrir
um hvað hundur rúss-
neska söngvarans
heitir, ef ég gæti notað
það í kynningunni.
Gísli Marteinn Baldursson
Stjörnur í tveggja vikna sápukúlu
Felix Bergsson og Gísli Marteinn Baldursson eru sammála um að það sé mikil vinna að vera þulur í Eurovision-keppni. Þeir hafa báðir
gegnt því hlutverki nokkrum sinnum og haft gaman af. Sumir keppendanna eru stórstjörnur í tvær vikur en svo tekur raunveruleikinn við.
VE
R
T
Eurovision
partý?
Þetta verður veisla
EUrovíSir Kynningarblað
10. maí 20164
1
0
-0
5
-2
0
1
6

0
4
:1
4
F
B
0
4
8
s
_
P
0
3
4
K
.p
1
.p
d
f
F
B
0
4
8
s
_
P
0
2
7
K
.p
1
.p
d
f
F
B
0
4
8
s
_
P
0
1
5
K
.p
1
.p
d
f
F
B
0
4
8
s
_
P
0
2
2
K
.p
1
.p
d
f
A
u
to
m
a
ti
o
n
P
la
te
r
e
m
a
k
e
:
1
9
6
0
-4
B
3
8
1
9
6
0
-4
9
F
C
1
9
6
0
-4
8
C
0
1
9
6
0
-4
7
8
4
2
7
5
X
4
0
0
.0
0
1
4
A

F
B
0
4
8
s
_
9
_
5
_
2
0
1
6
C
M
Y
K