Iðjuþjálfinn - 01.12.2000, Blaðsíða 21

málefni sjálfstætt starfandi iðjuþjálfa og
hefur m.a. skipulagt námskeið um stofn-
un eigin fyrirtækis og fleira tengt. Einnig
hefur félagið í samvinnu við trygginga-
yfirvöld sett saman gæðakröfur/staðla
fyrir sjálfstætt starfandi iðjuþjálfa. Á
næsta ári er mikið um að vera en þá
verður fagblaðið 20 ára. Finnar sjá einnig
um COTEC fund og um svipað leyti
heldur félagið ráðstefnu um iðjuþjálfun.
Svíþjóð
Sænska félagið er langstærst norrænu
félaganna og telur um 9000 félaga. Félag-
ið stendur fyrir viðamikilli útgáfustarf-
semi bæði um fagleg og kjaratengd
málefni. Skipulagning og undirbúningur
fyrir WFOT þingið í Stokkhólmi í júní
2002 tekur nú mikið af tíma og orku
félagsins. Búist er við allt að 5-6000
iðjuþjálfum og standa hátíðahöldin í
rúma viku ef allt er talið með. Við þetta
tilefni verður líka haldið upp á að 50 ár
verða liðin frá stofnun WFOT í
Stokkhólmi árið 1952. Sjálft þingið stend-
ur frá 24.-28. júní en 22. og 23. er prekon-
ferense. Verð er áætlað um 4.000 SEK
fyrir ráðstefnuvikuna. Reikna má með að
þetta verði upplifun af stærri sortinni. og
kjaratengd. Viðbúið er margir íslenskir
iðjuþjálfar noti þetta tækifæri til þess að
komast á heimsþing þegar það er haldið
svo nálægt okkur.
Noregur
Sagt var frá því að norska félagið hafi
samið við norska hjúkrunarfræðinga-
félagið um kaup á ýmis konar þjónustu
t.d. varðandi viðhald félagaskrár og inn-
heimtu o.fl. Þetta er talið hentugt og
ódýrara en að hafa starfsmenn í þessu hjá
félaginu sjálfu.
Norska iðjuþjálfafélagið er að vinna að
gerð heimasíðu fyrir félagið. Þar á bæ er
málið unnið afar skipulega og nú liggur
fyrir nákvæm ferlilýsing, reglur og
kröfur til þess hvað heimasíðan á að
innihalda. Þetta er töluvert plagg og
ýmislegt í því sem við getum nýtt okkur.
Á þessum formannafundum er töluvert
skipst á slíku efni, þ.e. útgefnu efni frá
félögunum. Oft eru þetta plögg sem búið
er að leggja mikla vinnu í og geta nýst
fleirum en viðkomandi félagi. Þetta var
rætt sérstaklega núna og tekið fram að
félögunum væri velkomið að nýta slíkt
efni hvert frá öðru en sjálfsagt að geta
þess hvaðan það er fengið ef efni er þýtt
og gefið út í öðru landi. Ég hvet félaga til
að skoða þetta efni sem er að finna á
skrifstofu IÞÍ og nýta það eins og kostur
er.
Danmörk
I danska félaginu er nú unnið að viða-
miklum breytingum á uppbyggingu og
starfsemi félagsins. Fyrir liggur tillaga
um að skipta félaginu í 7 svæði (regioner)
og að hvert svæði fái meira sjálfstæði og
fjárráð en núverandi svæðafélög (amts-
kredse) hafa. Ákvörðun um þetta verður
tekin nú á haustdögum. Sjúkrahúskerfið í
Danmörku er að taka breytingum ekki
ósvipuðum þeim sem við erum að upp-
lifa á Islandi. Sjúkrahús eru sameinuð og
valdastrúktúr eða stjómskipurit þeirra að
breytast. Mörgum þykir nóg um og má
nefna að sumir telja að þessar breytingar
kunni að verða til þess að læknar fái
aukin völd en til að mynda áhrif
hjúkrunarfræðinga minnki. Iðjuþjálfum
þykir mikilvægt að fylgjast vel með
þessum breytingum og nýta þær til
áhrifa ef hægt er. Danskir iðjuþjálfa-
nemar eru að undirbúa stofnun nýs
félags og hafa óskað eftir auknum
áhrifum innan danska iðjuþjálfafélagsins.
KS
www. islandia.is/idjuthjalfun
Munið heimasíðuna okkar
Þar finnurðu upplýsingar um:
• Starfsemi IÞÍ
• Fagið
• Fagblaðið
• Kjaramálin
• Ýmsar rannsóknir
• Nám
• Lög
• Gagnlegar slúðir
IÐJUÞJÁLFINN 2/2000 2 1