Tölvumál - 01.11.2015, Side 41

41
Gott starf hefur verið unnið á vegum Ský um alllangt skeið við að safna
efni um sögu upplýsingatækni á Íslandi. Margt hefur þegar ratað á vef
Skýrslutæknifélagsins, annað er í fórum félagsmanna og á liðnum vetri
var unnið talsvert við öflun efnis, skrif og úrvinnslu. Nú um þessar
mundir er verið að ráðast í lokaátakið. Undirrituð, Anna Björnsson
sagnfræðingur og tölvunarfræðingur, hefur verið ráðin til að skrifa það
sem enn vantar upp á þessa sögu og samræma við eldra efni. Þetta
verk verður unnið í nánu samstarfi við ritnefnd undir stjórn Arnlaugs
Guðmundssonar og framkvæmdastjóra Skýrslutæknifélagsins Arnheiði
Guðmundsdóttur.
Þótt mikið sé til af efni má alltaf bæta um betur. Þess vegna langar mig
að leita til ykkar, sem lesið þessi orð og þekkið þessa sögu, og biðja
ykkur að leggja ykkar að mörkum til að sagan verði eins góð og unnt er.
Við leggjum áherslu á að fá að vita sem mest um hvað hefur gerst á
þessum fimmtíu árum sem liðin eru frá því tölvu- og upplýsingatækniöld
hófst fyrir alvöru á Íslandi. Leynast gömul fréttabréf, auglýsingar,
kynningar fyrir sýningar, tölfræði, ræður, greinar, endurminningar,
örsögur, myndir eða annað efni í fórum ykkar? Er þetta kannski tilefnið,
sem aldrei gafst til að koma á blað upplýsingum, sem annars gætu lent
í glatkistunni? Ef svo er þætti mér vænt um að þið létuð mig vita.
Auðveldast er að senda tölvupóst á netfangið mitt hér að neðan. Það
má líka alltaf reyna að hringja í mig ef það hentar betur, símanúmerið er
hér að neðan. Tölvupósturinn finnur mig alltaf, síminn bara stundum.
Það er von okkar að unnt verði að kynna fyrstu útgáfu þessarar sögu í
tengslum við UTmessuna í byrjun febrúar næstkomandi og þá sem
vefútgáfu. Við viljum gjarnan að sú útgáfa verði eins vönduð og fróðleg
og unnt er og því skiptir máli að þið svarið þessu kalli ef þið eigið efni
eða ábendingar handa okkur. Vegna tímamarkanna væri gott að sem
mest af gagnlegu efni bærist mér eigi síðar en 1. desember 2015 og
gjarnan fyrr.
Ekkert efni er svo ómerkilegt að það geti ekki haft gildi fyrir sögu sem
þessa. Upplýsingar um vélbúnað, hugbúnað, langlíf og skammlíf
fyrirtæki, nám og störf í upplýsingatækni, allt er þetta efni sem væri
gaman að fá að skoða. Tímabilið, sem er til umfjöllunar, er árin 1965 til
2014 en ef þið lumið á eldra efni, sem ykkur finnst að eigi erindi í rit sem
þetta, þá má endilega látið mig vita. Því þéttara net heimilda, sem ég
hef úr að moða, þeim mun meiri líkur á að sagan verði raunsönn og
upplýsingarnar gagnlegar fyrir alla, sem hafa áhuga á þessari ótrúlega
spennandi sögu. Þróunin síðustu áratugi hefur verið ævintýri líkust og
eins og í öllum ævintýrum skiptast á skin og skúrir.
Hvers vegna gekk vel á einu sviði en miður á öðru? Hvenær var fólk
aðeins á undan samtíð sinni, eða á eftir? Hvernig voru viðbrögðin við
nýjungum, hjá almenningi, einstökum hópum, fyrirtækjum, stofnunum
og samfélaginu í heild? Hvenær og hvers vegna urðu þær sveiflur í
framvindunni, sem orðið hafa? Á hvaða sviðum gekk vel að innleiða
nýjungar og á hvaða sviðum miður og hvers vegna? Hvaða aðstæður í
þjóðlífinu og umheiminum höfðu áhrif á það, sem þið voruð að fást við?
Þessar spurningar og margar fleiri eiga sér fjölmörg svör og því fleiri,
sem leggja sitt að mörkum til að svara einhverjum þeirra, þeim mun
betra.
Netfang: tolvusaga@gmail.com, Sími: 6921952
50 ÁRA SAGA
UPPLÝSINGATÆKNI Á
ÍSLANDI ­ EFNI FRÁ YKKUR
Anna Ólafsdóttir Björnsson, sagnfræðingur og tölvunarfræðingur
þátttakendur frá vestur Evrópu hópa sig frekar saman og tala ensku á
meðan austari hlutinn ræða frekar saman á þýsku eða rússnesku.
Það er heilmikil vinna að taka þátt í Evrópuverkefnum en einnig mjög
gefandi og lærdómsríkt. Á fundum koma fram ólík sjónarmið og er
áhugavert að fylgjast með hvað viðhorf til kennslu er ólík í ólíkum löndum
og að sjá hvernig innleiðing nýrrar tækni við kennslu gengur fyrir sig í
þessum ólíku löndum. Styrkurinn sem veittur er fer að mestu í ferðir,
vinnuframlag er að mestu eigið framlag og háskólans til framþróunar á
kennslu í tölvunarfræði. Mest fráhrindandi hlutinn af þátttöku í þessum
verkefnum er að halda utan um skráningu á tíma og kostnaði.
Stundum gefst tækifæri til að skoða sig um eftir fund og hefur það oft
verið mikil upplifun og mig langar að koma því á framfæri að Búlgaría á
margar náttúru- og menningarperlur sem áhugavert er að skoða,
klaustur, kirkjur, t.d. í hellum, markaði og gamlar byggingar og söfn.
Á meðan stór hópur fólks er tilbúinn að leggja á sig vinnu auk langra og
þreytandi ferðalaga til að ræða nám og kennslu í tölvunarfræði getum
við verið viss um menntunin er í stöðugri þróun og að mörg ólík sjónar-
mið fá að komast að og hafa áhrif.