Morgunblaðið - 09.09.2015, Blaðsíða 13

FRÉTTIR 13Innlent
MORGUNBLAÐIÐ MIÐVIKUDAGUR 9. SEPTEMBER 2015
Alexandra Björk Magnúsdóttir,
elsti nemandi 9. bekkjar Hörðu-
vallaskóla, tók við fyrstu spjaldtölv-
unni fyrir hönd nemenda í 8. og 9.
bekk skólans í gærmorgun. Ár-
mann Kr. Ólafsson, bæjarstjóri
Kópavogs, afhenti Alexöndru tæk-
ið.
Í kjölfarið var vígt glæsilegt hús-
næði unglingadeildar Hörðuvalla-
skóla í Kórnum. Þar hafa verið inn-
réttaðar sjö skólastofur og starfs-
mannaaðstaða og verða fleiri stofur
teknar í notkun um áramót.
Nemendur í 8. og 9. bekkjar
Hörðuvallaskóla og annarra grunn-
skóla í Kópavogi fengu svo afhent-
ar spjaldtölvur í skólastofum sínum
og er þar með spjaldtölvuvæðing
grunnskóla Kópavogs hafin af full-
um krafti.
Tæplega 900 tæki eru afhent að
þessu sinni, en innleiðing spjald-
tölva í grunnskóla í Kópavogi hefst
með þessum tveimur árgöngum,
segir í frétt frá Kópavogsbæ.
Sjötti og sjöundi bekkur fær
spjaldtölvur upp úr áramótum og
síðustu tveir árgangar næsta haust.
Allir grunnskólakennarar í Kópa-
vogi fengu spjaldtölvur í júní síðast-
liðnum.
Ármann Kr. Ólafsson bæjarstjóri
sagði við þetta tækifæri að Kópa-
vogsbúar hefðu alla tíð verið stoltir
af skólum sínum. „En við höfum vit-
að um leið að það er ekki vænlegt
til árangurs að standa í stað.
Spjaldtölvuvæðing grunnskólanna
er byltingarkennt verkefni sem við
erum stolt af og hlökkum að fram-
kvæma,“ sagði bæjarstjóri.
900 spjaldtölvur afhentar
Ljósmynd/Kópavogsbær
Fyrsta tölvan Alexandra Björg Magnúsdóttir og Ármann Kr. Ólafsson.
 Spjaldtölvuvæðingu skólanna í Kópavogi lýkur næsta ár
Biskup Íslands
hefur skipað Evu
Björk Valdimars-
dóttur guðfræð-
ing í embætti
prests í Kefla-
víkurprestakalli
Kjalarnesspró-
fastsdæmi. Frest-
ur til að sækja
um embættið
rann út 7. ágúst
sl. Alls sóttu sex umsækjendur um
embættið, einn dró umsókn sína til
baka.
Umsækjendur auk Evu Bjarkar
voru guðfræðingarnir Dís Gylfa-
dóttir, Erla Björk Jónsdóttir, Fritz
Már Berndsen Jörgensson og María
Gunnarsdóttir og séra Þórhallur
Heimisson.
Embættið veitist frá 15. sept-
ember.
Sóknarprestur í Keflavík er séra
Erla Guðmundsdóttir.
Valin prestur
í Keflavík
Eva Björk
Valdimarsdóttir
Biskup Íslands
hefur skipað séra
Karl V. Matthías-
son í embætti
sóknarprests í
Grafarholts-
prestakalli
Reykjavíkur-
prófastsdæmi
eystra. Frestur
til að sækja um
embættið rann út 7. ágúst sl. Alls
sóttu þrír um embættið. Auk Karls
sóttu um embættið séra Arna Grét-
arsdóttir og Kristinn Snævar Jóns-
son guðfræðingur. Embættið veitist
frá 1. september.
Séra Karl tekur við embættinu af
séra Sigríði Guðmarsdóttur, sem
fór til prestsstarfa í Noregi.
Valinn sóknarprest-
ur í Grafarholti
Karl V. Matthíasson
Dagana 9. til 10. september verð-
ur haldin í Reykjavík alþjóðleg
ráðstefna um vernd jarðminja.
Það eru evrópsku samtökin Pro-
GEO sem standa fyrir ráðstefn-
unni.
ProGEO-samtökin voru stofnuð
árið 1988 með það að markmiði að
vekja athygli á merkum jarð-
minjum og efla verndun þeirra.
Flestar auðlindir jarðar tengjast
jarðminjum og rask á þeim er
óafturkræft. Ísland hefur mikla
jarðfræðilega sérstöðu og hér
finnast jarðminjar sem eru ein-
stakar á heimsvísu, segir í frétt
frá ráðstefnuhöldurum.
Á ráðstefnunni verða gestir frá
24 löndum sem kynna yfir 50
verkefni með erindum og á vegg-
spjöldum. „Vonir eru bundnar við
að ráðstefnan í Reykjavík verði til
þess að vekja athygli almennings,
fræðimanna og stjórnvalda hér á
landi á mikilvægi þess að vernda
jarðminjar og landslag á Íslandi,“
segir í fréttinni.
Gestir frá 24 lönd-
um ræða um vernd-
un jarðminja
Réttarhálsi 2 • 110 Reykjavík
Sími: 520 6666 • sala@rv.is • rv.is
Rekstrarvörur
– fyrir þig og þinn vinnustað
Velkomin
– í vefverslun RV.is24/7
3 fallegar gæðavörur
frá Curver í KAUPAUKA
með fyrstu pöntun
í vefverslun RV.is*
Curver bréfakarfa My Style
Curver box My Style
Curver karfa My Style A6
KAUPAUKAvörurnar
þínar frá
Skoðaðu g
læsilegt vö
rúrval RV
í vefverslun
RV.is
* Þegar þú verslar fyrir 18.600 kr. eða meira
í vefverslun RV færðu glæsilegan kaupauka - FRÍTT!
Tilboðið gildir til 30. sept. 2015
1 tilboð pr. viðskiptavin á gildistíma tilboðsins.