Morgunblaðið - 09.09.2015, Blaðsíða 17

FRÉTTIR 17Erlent
MORGUNBLAÐIÐ MIÐVIKUDAGUR 9. SEPTEMBER 2015
Vilt þú vita hvers virði
eignin þín er í dag?
Pantaðu frítt söluverðmat án skuldbindinga!
HRINGDU NÚNA 820 8080
Sylvía
Löggiltur fasteignasali
sylvia@fr.is
Brynjólfur
brynjolfur@fr.is
Elísabet II Englandsdrottning verður í dag sá þjóð-
höfðingi Bretlands, sem lengst hefur ríkt. Slær hún þar
með met langalangömmu sinnar, Viktoríu drottningar,
sem ríkti í 63 ár, sjö mánuði og tvo daga. Embættis-
menn bresku krúnunnar hafa reiknað það út að tíma-
mótin muni eiga sér stað um klukkan hálf fimm í dag
að íslenskum tíma.
Drottningin mun sjálf ekki vilja gera mikið úr þess-
um tímamótum en mun þó taka þátt í stuttri og lát-
lausri athöfn vegna vilja almennings. „Það þarf að hafa
í huga að fyrir drottninguna er þessi tímasetning feng-
in út með því að reikna út andlátstíma föður hennar og
langalangömmu, og það litar viðhorf hennar,“ sagði
heimildarmaður nákominn drottningunni.
Elísabet er jafnframt elsti konungborni þjóðhöfðingi
Evrópu. Sonur hennar, Karl, prins af Wales varð fyrir
þremur árum sá ríkisarfi, sem lengst hefur beðið eftir
krúnunni. sgs@mbl.is
Elísabet II drottning
Síðari heimsstyrjöld Elísabet prinsessa byrjaði að
koma fram opinberlega fyrir hönd konungsfjölskyldunnar.
1947 • 20. nóv. Giftist Philip Mountbatten. Þau
eignuðust fjögur börn: Karl, Önnu, Andrés og Játvarð.
1952 • 6. febr. Varð drottning, 25 ára að aldri,
þegar faðir hennar, George VI konungur, lést.
1977 Hátíðarhöld þegar 25 ár voru
liðin frá því að hún varð drottning. Pönk-
hljómsveitin Sex Pistols gaf út lagið „God Save the Queen“.
1992 Drottning kallaði árið „annus horribilis“, m.a.
vegna skilnaðarmála þriggja barna hennar.
1997 • 31. ágúst Díana prinsessa, fyrrverandi eigin-
kona Karls prins, lést í bílslysi í París.
2013 • 22. júlí Georg prins, sonur Vilhjálms prins,
sonarsonar drottningar, fæddist.
2015 • 9. sept. Elísabet hefur ríkt lengur í Bretlandi
en nokkur annar þjóðhöfðingi í sögu landsins.
1926 • 21. apríl Elizabeth Alexandra Mary fæddist.
1953 • 2. júní Krýnd drottning.
Met Viktoríu líklega slegið í dag
Bogi Þór Arason
bogi@mbl.is
Sigmar Gabriel, varakanslari Þýska-
lands, sagði í gær að landið gæti tek-
ið við hálfri milljón flóttamanna á ári
næstu árin en lagði áherslu á að önn-
ur aðildarríki Evrópusambandsins
þyrftu einnig að leggja sitt af mörk-
um til að leysa mesta flóttamanna-
vanda í álfunni frá síðari heimsstyrj-
öldinni.
Stjórn Þýskalands telur að alls
komi rúmlega 800.000 hælisleitend-
ur þangað í ár, fjórum sinnum fleiri
en á síðasta ári. „Ég tel að við getum
örugglega tekið við um það bil hálfri
milljón manna á ári í nokkur ár. Ég
hef engar efasemdir um það, talan
gæti ef til vill verið hærri,“ sagði Sig-
mar Gabriel, varakanslari, efnahags-
ráðherra og formaður þýskra jafn-
aðarmanna, SPD, sem sitja í stjórn
með Kristilegum demókrötum,
flokki Angelu Merkel, kanslara
Þýskalands. Hann bætti við að Evr-
ópusambandið gæti ekki reitt sig á
að nokkur ríki, m.a. Austurríki, Sví-
þjóð og Þýskaland, tækju á sig allar
byrðarnar vegna flóttamannavand-
ans.
„Ekki fullnægjandi að kaupa
sig út úr þessu“
Peter Sutherland, sérstakur er-
indreki Sameinuðu þjóðanna í mál-
efnum farandmanna, sagði í gær að
ríki utan Evrópusambandsins þyrftu
að taka þátt í því að leysa flótta-
mannavandann. Hann lagði áherslu
á að ríkin ættu ekki að líta svo á að
þau gætu losnað við að taka við
flóttafólki með því að senda peninga
til aðstoðar flóttamönnum í grann-
ríkjum Sýrlands. „Það er ekki full-
nægjandi að kaupa sig út úr þessu,“
sagði hann og nefndi sem dæmi að
auðug Persaflóaríki hefðu lagt mikið
fé af mörkum en tekið við mjög fáum
flóttamönnum. Það sama ætti við um
Bandaríkin og Bretland.
Um fjórar milljónir Sýrlendinga
hafast við í flóttamannabúðum í
grannríkjum Sýrlands, þar af tæpar
tvær milljónir í Tyrklandi, rúmlega
1,1 milljón í Líbanon og um 630.000 í
Jórdaníu, að því er fram kemur á
fréttavef breska ríkisútvarpsins.
Matvælaáætlun SÞ (WFP) kvaðst
í gær hafa þurft að minnka aðstoð
sína við 1,3 milljónir sýrlenskra
flóttamanna um helming vegna fjár-
skorts. Stofnunin hefði þurft að
hætta alveg matvælaaðstoð við
229.000 flóttamenn í Jórdaníu og
131.000 í Líbanon.
Taki líka við múslímum
Bernard Cazeneuve, innanríkis-
ráðherra Frakklands, gagnrýndi í
gær ummæli bæjarstjóra tveggja
franskra bæja, Roanne og Belfort,
sem sögðust vilja taka við sýr-
lenskum flóttamönnum að því til-
skildu að þeir væru kristnir og hefðu
flúið ofsóknir Ríkis íslams, samtaka
íslamista í Sýrlandi og Írak. „Kristið
fólk frá Miðausturlöndum verður að
sjálfsögðu að vera velkomið en það á
einnig við um múslíma og aðra
minnihlutahópa sem eru ofsóttir af
sömu grimmd,“ sagði Cazeneuve.
AFP
Ylja sér við eld Flóttamenn nálægt ungverska þorpinu Röszke, við landa-
mærin að Serbíu. Um 167.000 flóttamenn hafa komið til Ungverjalands í ár.
Þýskaland taki
við hálfri milljón
 ESB-ríki taki saman á vandanum
AFP
Lifandi feginn Flóttamaður fer með bæn á grísku eyjunni Lesbos eftir að
hann kom þangað með gúmmíbáti sem sigldi yfir Eyjahaf frá Tyrklandi.
Um 380.000 yfir hafið
» Rúmlega 380.000 flótta-
menn og aðrir hælisleitendur
hafa farið yfir Miðjarðarhafið
til Evrópu í ár, samkvæmt nýj-
ustu upplýsingum Sameinuðu
þjóðanna. Talið er að um 2.850
flóttamenn hafi drukknað á
leiðinni yfir hafið.
» Meirihluti flóttamannanna
er frá Sýrlandi og margir þeirra
fara til Evrópu í von um betra
líf vegna slæmra aðstæðna í
flóttamannabúðum í grannríkj-
unum Tyrklandi, Jórdaníu og
Líbanon.