Skólavarðan - 01.09.2005, Blaðsíða 4

Tveir nýir starfsmenn
hjá Félagi framhaldsskólakennara 8
Anna María Gunnarsdóttir og Haukur Már Haraldsson hafa verið ráðin í störf
faglegs ráðgjafa og erindreka hjá FF.
Fæðingarorlof 10
Ingibjörg Úlfarsdóttir launafulltrúi KÍ skrifar um þetta brýna málefni, en
margir félagsmenn velta fyrir sér hvernig best sé að haga fæðingarorlofinu.
Sóknarfæri framundan 13
Viðtal við Ólaf Loftsson formann Félags grunnskólakennara. Ólafur settist í
formannsstólinn í kjölfar átakatíma í kjaramálum kennara en sér sóknarfæri
framundan í stöðunni.
Bókstafir kynntir til leiks 18
Anna Þorbjörg Ingólfsdóttir lektor við KHÍ segir sjálfsagt að svara áhuga
barna á leikskólaaldri á bókstöfum og ýta undir hann með ráðum og dáð.

Nýtist öllum nemendum 20
Námskeið í Davisnámstækni var haldið í Kópavogi í sumar. Guðbjörg
Emilsdóttir sérkennari og Davisleiðbeinandi segir frá námstækninni sem
nýtist öllum börnum, ekki bara þeim sem eiga við lesblindu að stríða.
Veturinn framundan hjá Orlofssjóði KÍ 21
Vetrarleiga, hótelmiðar, Spánn og Kanarí. Margt í boði í orlofsmálum
félagsmanna Kennarasambandsins.
Tölum saman 22
Bjartey Sigurðardóttir og Ásthildur Bj. Snorradóttir hafa samið málörvunar-
námsefnið Tölum saman sem einkum er ætlað elstu nemendum leikskólans
og yngstu nemendum grunnskólans.
Nýjar áherslur í skólastjórnun 24
Ásdís Ingólfsdóttir segir frá Comeniusarverkefni um skólastjórnun sem hefur
leitt hana til fjögurra landa og þar á meðal Rúmeníu.
Dregið hefur úr einelti í grunnskólum 27
en framhaldsskólinn er óplægður akur, segir Þorlákur H. Helgason í viðtali
við Helga E. Helgason.
Formannspistill 3
Björg Bjarnadóttir skrifar.
Gestaskrif 5
Hanna Ragnarsdóttir mannfræðingur og lektor við KHÍ fjallar um skólaþróun
í fjölmenningarsamfélagi.
Krossgátan 26
Bókaverðlaun!
Smiðshöggið 29
Gunnar Kristmannsson skólastjóri Tónlistarskóla Grindavíkur rekur
smiðshöggið á blaðið og gagnrýnir einsetningu og misvægi námsgreina.
Að auki...
er blaðið stútfullt af fréttum, kjaramálum, tilkynningum og fleiru að
ógleymdum leiðara.
Góðan dag Pakpao*
Mér finnst ég næstum komin aftur til Frakklands. Yngri dóttirin
er að hefja nám í grunnskóla og við búum til að byrja með hjá
eldri systur hennar. Skólinn er í 101 Reykjavík en heimilið í 109
Reykjavík. Á stoppistöðinni spjalla allir saman um ókosti nýja
strætókerfisins, hver á sinni tungu. Svo kemur vagninn. Margir í
strætó eru af asískum uppruna. Fleiri bjóða góðan dag en í fyrra,
þegar ég fór síðast í strætó á Íslandi. Kannski er það bara vegna
þess að við mæðgur bjóðum sjálfar góðan dag.
Eftir ríflega hálfa stund stoppar vagninn á mótum Hverfisgötu
og Barónsstígs. Við köllum takk og bless til vagnstjórans og
rennum að okkur úlpunni. Örkum upp götuna. Skólinn er í
stórri gamalli byggingu en afskaplega vinalegur. Á göngunum
býður fólk góðan dag, hver á sinni tungu. Í Suður-Frakklandi,
en þar bjuggum við mæðgur frá október 2004 og þar til í ágúst
á þessu ári, er annar hvor maður af norður-afrískum uppruna.
Nánast hver einasti í okkar hverfi og allir bjóða góðan dag. Það
er heimilislegt að koma í nýja skólann dóttur minnar. Ég dæsi.
Mikið er þetta nú indælt allt saman.
En það er auðvitað blekking. Óvíða er meiri rasismi en í Suður-
Frakklandi. Ef þú heitir áberandi útlenskulegu nafni færðu
ekki vinnu nema falsa það á ferilskránni. Og guð hjálpi þér ef
þú þarft að senda mynd með umsókninni. Ég býð aftur góðan
dag og hrylli mig um leið við tilhugsunina um að rasismi fari
vaxandi á Íslandi. Það er þó kostur í Frakklandi að þar eru ekki
stundaðar persónunjósnir af ríkinu. Um leið og þú ert franskur,
ertu franskur. Enginn veit fyrir víst hvar þú fæddist eða hvaða
trúfélagi þú tilheyrir, nema þú segir honum það sjálfur. Punktur
og basta. Þessi tilskipun virkar svo langt sem hún nær, því miður
nær hún ekki mjög langt. Á Íslandi er hinsvegar allt skráð, meira
að segja nýskráð. Hvorum megin þú fórst fram úr í dag og hvers
vegna þú fórst ekki á fætur í gær. Vonandi langar okkur öll að
fara á fætur á morgun. Og bjóða hvert öðru góðan dag.
Faðmlag og mjólkurkex
Í gamla daga fengu nýir kennarar faðmlag og mjólkurkex frá
reyndum samstarfsmönnum áður en þeim ýtt inn í bekkjarstofuna
fyrsta daginn. Einhvers staðar rakst ég á þessar upplýsingar,
nema hvað kexið var Oreo og bekkjarstofan í Ameríku. Faðmlag
er notalegt og mjólkurkex er gott, sérstaklega ef glas af ískaldri
mjólk fylgir. En það er ekki nóg. Nýir kennarar þurfa „fóstru“ sem
heldur í höndina á þeim til að byrja með; hagnýtar ráðleggingar,
svör og auðvitað huggun ef með þarf. Einu sinni hóf ég störf á
fjölmennum vinnustað sem hugði þó að hverjum og einum. Ég
fékk svona fóstru. Hún labbaði með mig um allt hús, kynnti mig
fyrir fólki og setti mig að því loknu inn í starfið. Fyrstu vikurnar
hafði ég aðgang að fóstrunni minni, ekki kannski ótakmarkaðan
en mikinn og góðan. Hún fékk greitt fyrir. Svona á þetta að vera.
* Taílenskt nafn
Kristín Elfa Guðnadóttir
4
LEIÐARIEFNISYFIRLIT
FASTIR LIÐIR
SKÓLAVARÐAN 6.TBL. 5. ÁRG. 2005
GREINAR
Ritstjóri: Kristín Elfa Guðnadóttir kristin@ki.is
Ábyrgðarmaður: Helgi E. Helgason helgi@ki.is
Umsjónarmaður félagatals: Sigríður Sveinsdóttir
sigridur@ki.is / sími 595 1115
Hönnun: Zetor ehf.
Ljósmyndir: Jón Svavarsson, nema annars sé getið
Auglýsingar: Stella Kristinsdóttir
stella@ki.is / sími 595 1142 eða 867-8959
Prentun: Svansprent
Skólavarðan, s. 595 1118 (Kristín) og 595 1119 (Helgi).
Laufásvegi 81, 101 Reykjavík