Skólavarðan - 01.09.2005, Blaðsíða 20

20
SKÓLAVARÐAN 4.TBL. 6. ÁRG. 2005
Fimmta námskeiðið hérlendis
í Davisnámstækni var haldið í
Smáraskóla í Kópavogi í júní.
Þátttakendur voru 37 talsins, víðs-
vegar af landinu. Leiðbeinandi var
Richard Whitehead frá Bretlandi og
honum til aðstoðar þrír íslenskir
kennarar sem eru í þjálfun sem
námstæknileiðbeinendur fyrir kenn-
ara. Mikil ánægja var með nám-
skeiðið. Um 150 íslenskir kennarar
frá 25% af grunnskólum landsins
hafa til þessa sótt námskeiðin.

Davisnámstæknin á rætur sínar að rekja
til Ronalds D. Davis, höfundar bókarinnar
Náðargáfan lesblindan, og byggist á sömu
hugmyndafræði. Í bókinni fjallar Davis um
hvernig hægt er að kenna fólki allt frá
níu ára aldri, sem þegar hefur þróað með
sér dyslexíu, að lesa á árangursríkan hátt.
Námstæknin er aftur á móti hugsuð sem
fyrirbyggjandi aðferð og er einkum ætluð
5 - 9 ára gömlum nemendum. Þeim er
kennd sérstök aðferð til að þjálfa sig í að
halda athyglinni við það sem þeir eru að
gera hverju sinni. Þeir læra slökun og að
beisla eigin orku, eða „stilla orkuskífuna“
eins og það er kallað.
Lögð er áhersla á að virkja
sköpunargáfu hvers og eins. Með
skemmtilegum aðferðum á borð við leir-
vinnu er nemendum gert kleift að ná
tökum á stöfum, orðum og hugtökum.
Síðan er þeim kennd lestrartækni sem
eykur lestrarfærni, orðaforða, mál- og
lesskilning. Þessar aðferðir má nota einar
sér eða samhliða öðrum lestrarkennsluað
ferðum.
Jafnframt því að vera lestrarkennslu-
aðferð er Davisnámstæknin hugsuð sem
hluti af heildarnámi innan bekkjarins og
getur nýst í öllum námsgreinum, óháð
námsgetu og námsstíl hvers nemanda. Hún
er talin auka námsárangur almennt, þar á
meðal hjá afburðagreindum og seinfærum,
og minnka þörf fyrir sérkennslu.
Námstæknin hefur einnig góð áhrif á
nemendur með ofvirkni og athyglisbrest
og auðveldar kennurum að halda uppi
betri aga og eiga samskipti við nemendur
á jákvæðan hátt. Nemendur fá í hendur
verkfæri sem hjálpar þeim að þekkja
sjálfa sig og hafa stjórn á athygli sinni og
hegðun. Með þjálfun í þessari námstækni
eru börnin betur búin undir ævilangan
námsferil.
Íslenskir kennarar sem nota Davis-
námstæknina segjast skilja nemendur
sína á annan hátt en áður, vera fljótari
að greina vísbendingar um lestrar-, náms-
og hegðunarörðugleika og hafa fengið
í hendur tæki eða aðferð sem hjálpar
þeim að grípa fyrr inn í en ella og á
árangursríkan hátt.
Oft reynist kennurum erfitt að taka
upp nýjar starfsaðferðir. Til þess að
styðja við bakið á þeim kennurum sem
sótt hafa námskeið í Davisnámstækni er
boðið upp á a.m.k. tvo eftirfylgnifundi
og eru þeir hluti af námskeiðinu. Næsta
Davis námstækninámskeið verður haldið
sumarið 2006. Nánari upplýsingar eru á
heimasíðu Lesblind.com.

Guðbjörg Emilsdóttir sérkennari
í Snælandsskóla,
Davis®leiðbeinandi og
Davis®námstæknikennari/leiðbeinandi
Yfirskrift málþingsins er Nám í nútíð
og framtíð: Pælt í PISA. Á málþinginu
munu erlendir og íslenskir fyrirlesarar
m.a. skoða aðferðir og niðurstöður PISA-
kannana á námsárangri. Sérstaklega
verður sjónum beint að læsi á öllum
skólastigum.
Árið 2004 var erlendum fyrirlesurum
boðin þátttaka í fyrsta sinn. Í ár verður
Andreas Schleicher, forstöðumaður
námsmatsstofnunar OECD og aðalstjórn-
andi PISA-rannsóknanna einn af aðal-
fyrirlesurum þingsins, en hann fjallar um
aðferðir og niðurstöður PISA 2003.
Aðra aðalfyrirlestra föstudaginn
7. október halda:

• Hrafnhildur Ragnarsdóttir, prófessor
við KHÍ, sem fjallar um málþroska
leikskólabarna og tengsl hans við
læsi.
• Rúnar Sigþórsson, dósent við Háskól-
ann á Akureyri, kallar sitt erindi: Að
þekkja matinn frá moðinu: Gagn og
ógagn að samræmdum prófum í
grunnskóla.
• Sveinbjörg Sveinbjörnsdóttir kennari
við FÁ: Skakki turninn og Pisa
• Laufey I. Gunnarsdóttir, þroskaþjálfi
á Greiningarstöð ríkisins mun fjalla
um nám, kennslu og þjálfun barna,
unglinga og fullorðinna einstaklinga
með sérkennsluþarfir.
• Amalía Björnsdóttir, dósent við KHÍ :
Árangur íslenskra nemenda í PISA
2003, segja þessar tölur okkur eitthvað
nýtt?

Á laugardeginum lesa þau Baldur
Sigurðsson dósent KHÍ, Rannveig Lund
lestrarfræðingur og Anna S. Þráinsdóttir
lektor KHÍ fyrir okkur. Fyrirlestrarnir fjalla
um lestrarnám og um lestrarerfiðleika.
Fáið forsmekkinn að krásunum á
malthing.khi.is
Ekki missa af:
Pælt í PISA – níunda málþingi RKHÍ
sem haldið er í Kennaraháskólanum í Reykjavík 7. og 8. október
Nýtist öllum nemendum
MÁLÞING OG NÁMSKEIÐ
Orðið skífa er útskýrt fyrir nemendum og notuð samlíking við
að hækka og lækka í sjónvarpinu eða útvarpinu. Nemendur
eru beðnir um að ímynda sér að þeir
eigi sína eigin skífu sem er á bilinu 1 - 9. Á 1 ertu sofandi en á
9 ertu mjög glaður, æstur eða reiður. Best er að vera á 5 þegar
þú ert að læra. Þetta er æft og nemendur spurðir hvað þeir
haldi að orkuskífan sé stillt á núna. Einföld aðferð sem lærist
fljótt og kennarar geta notað til að biðja nemendur um að
stilla orkuskífuna á 5. Þá eru þeir tilbúnir að fara að læra. Öll
samskipti verða jákvæðari og börnin læra að bera ábyrgð á og
stjórna hegðun sinni.
Um „orkuskífuna“