Skólavarðan - 01.03.2006, Qupperneq 12

12
SKÓLAVARÐAN 2.TBL. 6. ÁRG. 2006
NMKU eru norræn samtök tónlistarskóla
þar sem sitja fulltrúar Norðurlanda í
EMU, samtökum tónlistarskóla í Evrópu.
Fundinn sátu fulltrúar frá Danmörku,
Finnlandi, Noregi, Svíþjóð og Íslandi.
Samtökin funduðu hérlendis í lok
febrúar, bæði á Húsavík í boði Árna
Sigurbjarnarsonar þar sem tækifærið
var notað til að sjá hið svokallaða
„Húsavíkurmódel“ af tónlistarskóla, og
í Reykjavík.
Þegar komið var til Akureyrar var greini-
legt að íslensk náttúra í frosthjúpi gladdi
gestina. Leiðin til Húsavíkur sýndi þeim
líka einstaka fegurð fjallanna í öllum
sínum sólglitrandi gráma.
Á Húsavík tóku á móti okkur bæjar-
stjórinn, Reinhard Reynisson, og Erla
Sigurðardóttir, menningarfulltrúi. Var
okkur sýndur tónlistarskólinn og bæjar-
stjórinn hélt ræðu þar sem hann kom
inn á mikilvægi samvinnu grunnskóla
og tónlistarskóla fyrir sveitarfélag eins
og Húsavík. Hann nefndi hversu hátt
hlutfall nemenda grunnskólans væri í
tónlistarskólanum og leit á þetta fyrir-
komulag sem góða fjárfestingu.
Eftir að hafa skoðað aðstöðu tónlistar-
skólans var gestum boðið á sal, hvar
nemendur tónlistarskólans léku á ýmis
hljóðfæri, bæði samleik og einleik.
Mesta athygli vöktu atriði þar sem bæði
var leikið á afrísk hljóðfæri, djembe
trumbur og marimbur af öllum stærðum.
Sú stærsta var bassamarimba með að
því er virtist stór mjó leirker hangandi
niður úr hverri nótu. Á veitingastaðnum
Gamla Bauk niðri við höfn var svo
formleg kynning á Húsavíkurlíkaninu.
Þar fór Árni Sigurbjarnarson skólastjóri
tónlistarskólans yfi r söguna. Kom í ljós að
mjög hátt hlutfall grunnskólabarna er í
tónlistarskólanum og fá öll börn í 1. og 2.
bekk forskólakennsluna fría. Einnig er mikil
samvinna við leikskólann og fá öll fjögurra
og fi mm ára börn tónlistarkennslu tvisvar
í viku. Árni sagði m.a. að tónlistarskólinn
hefði alla tíð litið á það sem hlutverk sitt að
vera þjónustumiðstöð fyrir alla bæjarbúa,
börn jafnt og fullorðna, og stuðla að því
að gera búsetu á Húsavík ákjósanlega.
Veðrið lék við gestina á meðan á dvöl
þeirra stóð og Húsavíkurhöfn með sínum
vinalegu bátum sem spegla sig í sjónum
og fallegu húsum sem ýmist er búið að
endurbyggja eða endurgera var hin
fegursta sjón. Eftir kynningu Árna var
snæddur léttur hádegisverður sem sló
í gegn enda fi skurinn mjög ferskur og
góður. Eftir hádegismat hófust fundarhöld
NMKU hópsins og var komið inn á bæði
samnorræn mál og stefnu og framtíð
Evrópusamtakanna. Helstu niðurstöður
voru eftirfarandi:
• Mikilvægi upplýsingaöfl unar og að
sameina það sem liggur að baki töl-
fræðinni frá hverju Norðurlandanna.
Tölfræði á að gefa öðrum Evrópu-
löndum hugmynd um það sem er að
gerast hjá okkur.
• Mikilvægi þess að virða kerfi og aðferðir
tónlistarkennslu í öðrum löndum og
þau félagslegu og menningarlegu
gildi sem þar liggja að baki. Ekki er
hægt að koma upp hinu „fullkomna“
tónlistarfræðslukerfi , löndin ættu
frekar að horfa til góðra fyrirmynda
og læra af þeim. Hér þarf að opna
umræðuna í EMU.
• Mikilvægi þess að skrifstofa EMU
verði alltaf á sama stað með föstum
starfsmanni þrátt fyrir formanna- og
stjórnarskipti og að henni verði séð
fyrir rekstrarfé.
• Hugmynd um að skipta EMU upp í 3-4
landfræðileg svæði sem komi saman
og ræði sín mál og kynni síðan á EMU
ráðstefnunum. Svipað og Norðurlöndin
hafa gert nú þegar.
Tímamótafundur í Reykjavík
NMKU hafði óskað eftir fundi í Reykjavík
til að fræðast um fyrirkomulag tónlistar-
kennslu þar og stefnu stjórnvalda í mál-
efnum tónlistarskólanna. Einnig vildu
fulltrúar NMKU miðla af reynslu sinni og
veita upplýsingar um þróun þessara mála
á hinum Norðurlöndunum.
Boðaði Félag tónlistarkennara fulltrúa
Reykjavíkurborgar og Sambands íslenskra
sveitarfélaga, stjórn og skólamálanefnd FT,
stjórn STS (Samtaka tónlistarskólastjóra),
stjórn STÍR (Samtaka tónlistarskóla í
Reykjavík) og fulltrúa stjórnmálafl okka
til slíks fundar á Radisson SAS Hótel Sögu,
en FT er nýlega orðinn aðili að EMU. Hér
á eftir fer það sem undirrituðum fannst
markverðast.

Timo Veijola forseti Evrópusamtaka
tónlistarskóla (EMU)
Tónlist er besta fjárfesting mannkynsins
og við berum mikla ábyrgð á að styrkja
tónlistarleg gildi. EMU styrkir sjálfsálit
skólanna, hjálpar þeim til að fá alþjóða
sambönd og að halda þeim lifandi,
tengir saman fólk og málefni. Hlutverk
samtakanna er ekki að breyta neinu, ekki
laga eða betrumbæta, heldur aðeins að
gefa okkur nýjar hugmyndir um hvernig
halda megi áfram.
Jens Bloch og Ejvind Bitsch frá
Danmörku
Von er á nýjum lögum í Danmörku um að
öll sveitarfélög skuli hafa tónlistarskóla og
að þriðjungur kostnaðar við skólana skuli
Norrænir tónlistarskólastjórar funda á Íslandi
TÓNLIST OG MENNTUN
Á hverasvæðinu að Hverarönd við
Námafjall.
Þar söfnuðu fundarmenn hveraleir
undir skóna sína til að taka með
heim til minja.
Lj
ó
sm
y
n
d
ir
f
rá
h
ö
fu
n
d
i