Skólavarðan - 01.09.2006, Blaðsíða 29
29
STARFSSEMI KÍ, SKIPTING MENNTASVIÐS
SKÓLAVARÐAN 6.TBL. 6. ÁRG. 2006
Á þriðja þingi Kennarasambands Íslands
í mars 2005 var samþykkt ályktun um
að leggja til við stjórn að fá óháðan
sérfræðiaðila til að gera úttekt á starfsemi
og rekstri sambandsins. Markmið með
úttektinni er að leita leiða til að nýta
fjármuni sem best og að starfsemin skili
sem mestum árangri.
Í samræmi við ályktunina fól stjórn KÍ
fyrirtækinu „ParX - viðskiptaráðgjöf IBM“
að vinna úttekt á starfsemi og rekstri
Kennarasambands Íslands í júní 2005.
Tvö meginsvið
Í lokaskýrslu ParX er lagt til að starfsemi
KÍ skiptist í tvö meginsvið, þjónustusvið
og félagssvið. Þá er lagt til að komið
verði á fót hagdeild innan sambandsins
í samstarfi við önnur stéttarfélög. Einnig
að sett verði fram starfsáætlun til þriggja
ára þar sem verkefnum er raðað í tímaröð
og einstökum starfsmönnum eða hópi
falin meginábyrgð á einstaka verkefnum.
Jafnframt er lagt til að komið verði á fót
mánaðarlegum samráðsfundi stjórnenda
KÍ og formanna félaga. Starfsmannafundir
verði tvisvar í mánuði. Yfirmarkmið þessara
breytinga er að sú þekking og reynsla sem
KÍ býr yfir sem skipulagseining komist enn
betur til skila út í samfélag kennara og
samfélagið í heild.
Tillögurnar þykja góðar og stjórn
ákvað í kjölfarið að skipta starfsemi KÍ í
tvö svið og skilja þannig að annars vegar
þjónustuhlutverk samtakanna og hins
vegar fag- og stéttarfélagslegt hlutverk.
Í desember 2005 kom út þjónustustefna
KÍ og handbók í starfsmannamálum sem
byggðar eru á tillögum ParX. Unnið er
að undirbúningi framkvæmdar fleiri
megintillagna. Úttektina, ályktun 3. þings
og önnur tengd gögn er öll að finna á
www.ki.is
Varaformaður með
skóla- og menntamálin
Varaformaður sem er staðgengill formanns
í öllum málum gegnir nú skilgreindu fullu
starfi fyrir samtökin í fyrsta skipti frá
stofnun þeirra árið 2000. Í samræmi við
áherslur um forystuhlutverk KÍ í skóla- og
menntamálum og margvíslegum sam-
skiptum við aðila innan lands og utan á
því sviði hefur nú verið ákveðið að fela
varaformanni yfirumsjón með skóla- og
menntamálum auk annarra verkefna. Það
felur í sér formennsku í skólamálaráði og
yfirumsjón með nefndum sem KÍ kemur
að eða eru á þess vegum og sinna skóla-
og menntamálum. Einnig yfirumsjón
með erlendu samstarfi og jafnframt
samskiptum við menntamálaráðuneyti,
Alþingi og aðrar stofnanir um skóla-
og menntamál. Elna Katrín Jónsdóttir
varaformaður KÍ segir að með þessu sé
tekin meðvituð ákvörðun um að lyfta
undir skóla- og menntamál og þetta hafi
ekki verið gert áður með svo markvissum
hætti. Formaður og varaformaður KÍ skipta
sem fyrr með sér málefnum sem tengjast
kjara- og réttindamálum skólastiga, félaga
og sambandsins í heild, samskiptum við
fjölmiðla, kynningar- og þróunarmálum
og fleiru.
keg
Félag leikskólakennara og Kennarafélag
Reykjavíkur hafa sent Gerði G.
Óskarsdóttur sviðsstjóra menntasviðs
Reykjavíkur umsögn um skiptingu
menntasviðs og menntaráðs. Í erindi
sem Gerður sendi félögunum 17. ágúst
sl. var óskað eftir slíkri umsögn og þar
sem skoðanir og áherslur félaganna í
þessu máli eru þær sömu ákváðu þau að
veita hana sameiginlega. Þar er ítrekað
að félögin telja að stigið sé stórt skref
aftur á bak með skiptingu menntaráðs í
tvö ráð og menntasviðs í tvö svið.
Í umsögninni segir meðal annars:
„Félag leikskólakennara og Kennarafélag
Reykjavíkur telja það stórt skref aftur á
bak að skipta menntaráði upp í tvö ráð og
sviðinu upp í tvö svið og mælast eindregið
til þess að fallið verði frá þessari breytingu
strax, þannig að menntasvið verði starfrækt
og eflt í núverandi mynd. Einnig er brýnt
að skoða hlutverk þjónustumiðstöðvanna
og bæta þá þjónustu sem þær eiga að
veita í skólasamfélaginu úti í hverfum. Að
mati félaganna er ekkert sem mælir gegn
því að menntaráð sé fjölmennt ráð. Fundi
og starfið í ráðinu má skipuleggja á ýmsan
hátt þannig að umræðan verði skilvirk og
árangursrík. Ábyrgð og skipulagshæfi-
leikar formanns ráðsins ráða mestu þar
um en ekki fjöldi þeirra sem sitja fundi.“
Að mati félaganna eru það fyrst
og fremst eftirfarandi fagleg rök sem
mæla gegn því að skipta menntasviði
og menntaráði og í umsögninni eru
tilgreindar tíu slíkar ástæður sem hverri
um sig er fylgt úr hlaði með umfjöllun og
röksemdafærslu. Umsögnina í heild er að
finna á www.ki.is
• Um leikskólann sem hluta af mennta-
kerfinu segir meðal annars: „Segja má
að frá upphafi tíunda áratugarins hafi
nánast öll börn á Íslandi gengið í skóla
í 3 – 5 ár áður en þau hefja skólagöngu
í grunnskóla og skyldunám hefst.
Leikskólakennarar og leikskólastjórar
hafa lagað starfsemina að þessari
staðreynd og skipulagt leikskólastarf
með það í huga að undirbúa börnin
sem best fyrir það sem á eftir kemur.
Félögin telja að þau sveitarfélög sem
staðsetja málaflokkinn á einu sviði/
ráði staðfesti þessa sýn og viðurkenni
mikilvægi þess að tengja skólastigin á
sem bestan hátt.“
• Um samstarf leik- og grunnskóla segir
meðal annars: „Kennarar á báðum
skólastigum vilja að samfellan á milli
skólastiganna sé meiri en á yfirborðinu
og vilja sjá samfellu í hugmyndafræði,
kennsluaðferðum og skipulagi á
mörkum skólastiga ... Félögin telja
að með því að skipa málaflokknum á
eitt svið/ráð gefist betra tækifæri til
samræðu kennarahópanna, sameigin-
legrar stefnumörkunar og umræðu um
menntun barna á mótum skólastiga.“
Breytingar á starfsemi KÍ
FL og KFR senda frá sér sameiginlega umsögn
Skipting menntasviðs og -ráðs
Björg Bjarnadóttir formaður Félags leikskóla-
kennara og Þorgerður Diðriksdóttir formaður
Kennarafélags Reykjavíkur.