Skólavarðan - 01.02.2007, Side 12

12
SKÓLAVARÐAN 1.TBL. 7. ÁRG. 2007
Greinilegur munur er á svörum eftir
kynjum. Þegar á heildina er litið er
brottfall meira meðal stráka en stelpna á
því tímabili sem skoðað var. Greinilegastur
er munurinn þegar litið er til þeirra sem
hætta í skóla til þess að fara að vinna.
Þrefalt fleiri strákar en stelpur gefa upp
þessa ástæðu (24:8). Fleiri strákar falla á
prófum í lok annar (57:40) og fleiri strákar
en stelpur hætta vegna slæmra mætinga
(24:16). Á hinn bóginn hætta fleiri
stelpur en strákar vegna persónulegra
vandamála (47:39) og fleiri stelpur hætta
vegna flutnings í aðra skóla. Neil álítur
að þetta skýrist m.a. af því að stelpur hafi
tilhneigingu til að elta vinkonur sínar.
Þegar ein skipti um skóla eða íþróttafélag
komi vinkonurnar gjarnan á eftir.
„Upplýsingarnar sem fengust í
könnuninni staðfesta það sem fram
hefur komið í fjölmörgum alþjóðlegum
rannsóknum að námsgengi stráka er
almennt lakara en stelpna. Þessi þróun
hefur innan menntageirans verið nefnd
„Boy Crisis“ eða strákakreppa.
Þetta kemur ekki svo mjög á óvart
þegar tekið er tillit til þess að fleiri strákar
en stelpur eiga við námsörðugleika eða
athyglisbrest að etja, þeir lenda frekar
í vandræðum vegna framkomu sinnar,
fleiri strákar en stelpur nota ritalín og
tiltölulega fleiri strákar en stelpur svipta
sig lífi,“ segir Neil McMahon.
Hver er ástæðan fyrir því að strákar
eru í þessari kreppu? „Hér er um
flókið mál að ræða sem á sér vafalaust
margvíslegar skýringar, félagslegar og
líffræðilegar. Varðandi félagslega þáttinn
er mikilvægt að hafa í huga að verulegur
árangur hefur náðst í jafnréttismálum á
undanförnum þremur áratugum og hafa
stúlkur sérstaklega notið góðs af því.
Þær hafa fengið hvatningu til að brjóta
sig út úr hefðbundnu mynstri og málefni
þeirra hafa verið mjög í fókus. Aftur á
móti hefur vandamálum strákanna verið
minni gaumur gefinn og ekki hefur verið
tekið af sömu alvöru á vandamálum
þeirra. Afleiðingarnar birtast m.a. í því
að hlutfallslega fleiri strákar en stelpur
flosna upp úr námi og lenda í alvarlegum
vandræðum vegna hegðunar, gerast
sekir um ofbeldi og aðra glæpi, fara út
í eiturlyfjaneyslu og hlutfallslega fleiri
strákar en stelpur svipta sig lífi eins og ég
nefndi áðan.”
Neil bendir á að samkvæmt rannsókn
sem birt var í tímaritinu „Journal of
Epidemiology and Community Diseases“
árið 2006 minnki lífslíkur stráka sem sýna
mikla áhættuhegðun, eru árásargjarnir og
bæla tilfinningar sínar. Hér sé samkvæmt
rannsókninni um bein tengsl að ræða.
Neil segir að stöðugt sé deilt um það
hvað séu erfðir og hvað sé áunnið. „Ég er
þeirrar skoðunar að munur sé á kynjunum
sem taka verði tillit til og viðurkenna í
skólakerfinu. Eins og Madeleine Arnot
prófessor heldur fram getur „gender
blindness“, þ.e. þegar menn viðurkenna
ekki þann mun sem er á kynjunum, verið
beinlínis skaðlegt fyrir bæði kynin.
Ég tel að bæta mætti úr þessu til dæmis
með aukinni fjölbreytni í starfsnámi.
Það kæmi þeim strákum að gagni sem
eiga erfitt uppdráttar í hefðbundnu
bóknámsumhverfi. Við höfum mjög góða
reynslu af þessu í MK sem er að hluta til
starfsnámsskóli í matvælagreinum. Það
er sorglegt hve stjórnvöld verja litlu fé í
starfsnámsþátt skólastarfsins.
Því hefur verið haldið fram að hátt
BROTTFALL Í MK HAUSTÖNN 2004
Fjöldi nemenda sem rætt var við: 60
BROTTFALL Í MK VORÖNN 2005
Fjöldi nemenda sem rætt var við: 112
BROTTFALL Í MK HAUSTÖNN 2005
Fjöldi nemda sem rætt var við: 123
BROTTFALL Í MK HAUSTÖNN 2005
Fjöldi nemda sem rætt var við: 123
Þátttakendur frá Íslandi, Eistlandi, England og Ítalíu. Myndin er frá Chieti á Ítalíu.
STRÁKAKREPPA