Ljóðormur - 01.12.1990, Side 10

8
Steinunn Ásmundsdóttir
-JTn\
Steinunn Ásmundsdóttir
Opinskátt leyndarmál
Þú veist það ekki
— ekki ennþá,
að ég ætla alltaf að vera hjá þér
og gæta þín
um leið og þú gætir mín.
Ég ætla að sjá til þess
að augun þín
grænu
fyllist ekki hryggð né vanmætti,
að bakið þitt
beina
bogni ekki íyrir vonbrigðum,
að hugur þinn
margbrotinn
þjáist ekki af myrkurdraugum.
Og svo ætla ég að biðja þig
að halda fast utan um mig.
Kvöldbrot
Hálfrökkur í marrandi snjónum
við stóðum í rauðu biðskýli
og biðum eftir brottför þinni
til fiskibæjar í suðri
og öll þessi angist
sem braust um í hjartanu
grét í tímagöt fjarlægða
ástin eins og lífið;
traust jörð eða örþunn skel
— eftir atvikum
síðan hef ég saknað þín sárt.