Fréttablaðið - 02.11.2016, Síða 28

Svipmynd
IngIbjörg Ásdís
ragnarsdóttIr
„Starfið leggst rosalega vel í mig, það
er mikil samkeppni á markaðnum
en tækifærin á sama tíma mörg
og spennandi. Við leggjum okkur
fram við að veita framúrskarandi
þjónustu og erum með þráðlaust
net í öllum okkar vélum, Vildar-
punktasöfnun, afþreyingarkerfi
fyrir alla fjölskylduna og glæsi-
legt úrval áfangastaða, en á næsta
ári bætast við tvær stórborgir sem
henta Íslendingum afar vel, þær
Tampa og Philadelphia.“ Þetta segir
Ingibjörg Ásdís Ragnarsdóttir sem
tók í gær við stöðu svæðisstjóra fyrir
Icelandair á Íslandi.
„Við skiptum markaðnum upp í
fimm svæði, Norður-Ameríku, Vest-
ur-Evrópu, Skandinavíu, Ísland auk
GSA-svæða fyrir Suður- og Austur-
Evrópu, Asíu, Mið-Austurlönd,
Afríku og Suður-Ameríku. Þetta er
ábyrgð og rekstur á sölusvæðinu,
innleiðing og eftirfylgni á sölu-
stefnu, markaðs- og fjármálaáætl-
anir og svo framvegis.“
Ingibjörg Ásdís lauk B.Sc.-prófi
í viðskiptafræði og MBA-gráðu
frá Háskólanum í Reykjavík. Hún
hefur starfað í tólf ár hjá Icelandair,
nánast allan feril sinn. Áður starfaði
hún hjá Air Atlanta og hjá Vodafone.
„Maður bara elskar fyrirtækið og ég
hef alltaf verið með flugbakteríuna.
Ég vann sem flugfreyja á sumrin
samhliða námi og eftir að ég lauk
prófi í viðskiptafræði fór ég að vinna
sem verkefnastjóri vef- og markaðs-
mála árið 2005,“ segir Ingibjörg. Frá
2007 til 2010 sá hún um samninga
og samskipti við fjármálastofnanir
og banka fyrir hönd Icelandair Saga
Club, og hefur starfað sem forstöðu-
maður yfir Customer Loyalty síðan
2010.
„Það er nóg að gera í vinnunni,
þetta er fjölbreytt starf sem tekur á
svo mörgu. Íslendingar elska líka að
ferðast, þannig að þessi flugbaktería
er rótgróin í okkur. Það sýnir sig líka
í því þegar við erum að auglýsa eftir
starfsmönnum hversu margir sækja
um, það vilja svo margir vinna við
flugið,“ segir Ingibjörg Ásdís.
Ingibjörg Ásdís er í sambandi
með Ragnari Ágústssyni og á hún
tvö börn og hann tvö börn sem eiga
hug þeirra allan. Utan vinnunnar
eyðir hún tíma með fjölskyldunni
og sinnir líkamsrækt. „Helst núna á
dagskrá eru kraftlyftingar, ég er að
æfa hjá honum Ingimundi úti á Nesi
og hef verið þar í eitt ár. Ég var að
lyfta fyrir mörgum árum síðan og
langaði alltaf að byrja aftur. Þetta
er að mínu mati frábær hreyfing
og gott að komast þangað til að fá
útrás. Blanda þessu saman við hot
yoga sem er mjög góð blanda, sér-
staklega í kuldanum.“
Ingibjörg Ásdís stefnir líka á að
skíða í vetur. „Við ætlum bæði
á skíði innanlands og utan, það
er verið að stefna á Akureyri og
Denver í Colorado með skíðin í
vetur. Við veljum að sjálfsögðu þá
áfangastaði sem Icelandair flýgur
til,“ segir hún kímin.
saeunn@frettabladid.is 
Kraftlyftingakona sem skíðar
Ingibjörg Ásdís Ragnarsdóttir er nýr svæðisstjóri fyrir Icelandair á Íslandi. Hún segist vera með flugbakteríuna
en hún hefur starfað hjá Icelandair í tólf ár, fyrst sem flugfreyja og nú síðast sem yfirmaður Customer Loyalty.
Utan vinnunnar stundar hún kraftlyftingar, rennir sér á skíðum og nýtur þess að vera með fjölskyldunni.
Ingibjörg Ásdís Ragnarsdóttir hefur starfað hjá Icelandair frá árinu 2004. FRéttablaðIð/GVa
Það er nóg að gera í
vinnunni, þetta er
fjölbreytt starf sem tekur á
svo mörgu. Íslendingar elska
líka að ferðast, þannig að
þessi flugbaktería er rótgróin
í okkur.
Ragnheiður E. Stefánsdóttir hefur
verið ráðin í starf mannauðsstjóra
skóla- og frístundasviðs Reykja-
víkurborgar. Hún hefur starfað
hjá Reykjavíkurborg í um þrjátíu
ár, meðal annars sem stjórnandi,
fræðslustjóri, jafnréttisráðgjafi,
mannauðsráðgjafi og starfsmanna-
stjóri, lengst af hjá ÍTR en hjá SFS
frá stofnun sviðsins. Í maí síðast-
liðnum tók Ragnheiður við starfi
mannauðsstjóra á Landsbókasafni
Íslands – Háskólabókasafni.
Mannauðsstjóri
hjá borginni
ragnheIður e.
stefÁnsdóttIr
Flosi Eiríksson hefur verið ráðinn
sem verkefnastjóri á sviði ráðgjafar
og fræðslu hjá Íslandsstofu. Fram
kemur í tilkynningu að hann mun
starfa með íslenskum fyrirtækjum
að margvíslegum verkefnum við
erlenda markaðsókn. Undanfarin
10 ár hefur Flosi starfað hjá KPMG,
síðast sem verkefnastjóri í við-
skiptaþróun og tengslum. Flosi er
viðskiptafræðingur að mennt. – sg
Til Íslandsstofu
flosI eIríksson
erla ósk ÁsgeIrsdóttIr
Erla Ósk Ásgeirsdóttir var kjörin
stjórnarformaður Félagsstofn-
unar stúdenta (FS) á stjórnarfundi
stofnunarinnar 28. október 2016,
Erla Ósk tekur við af Davíð Gunn-
arssyni, framkvæmdastjóra Dohop,
sem stýrt hefur stjórninni undanfar-
in átta ár. FS er sjálfseignarstofnun
sem á og rekur 19 Stúdentagarða
sem hýsa um 1.800 stúdenta. Stofn-
unin rekur jafnframt Bóksölu stúd-
enta, Kaffistofur stúdenta, þrjá Leik-
skóla stúdenta, Stúdentamiðlun,
Stúdentakjallarann, Hámu, Hámu
heimshorn, Bókakaffi stúdenta og
Kaupfélag stúdenta. – sg
Formaður
stjórnar FS
Olíurisinn BP hagnaðist um 933
milljónir dollara, jafnvirði 105
milljarða íslenskra króna, á þriðja
ársfjórðungi. Hagnaðurinn dróst
verulega saman milli ára en hann
nam 1,8 milljörðum dollara, jafn-
virði 202 milljarða íslenskra króna,
á sama tímabili í fyrra.
Forsvarsmenn BP kenna lækk-
andi hrávöruverði á olíu um lélegri
afkomu. BBC greinir frá því að for-
svarsmenn keppinautarins Royal
Dutch Shell hafi einnig varað við
slæmri afkomu sökum lækkandi
olíuverðs. Hagnaður Shell jókst hins
vegar um 18 prósent milli ára. Hagn-
aðurinn nam 2,8 milljörðum doll-
ara, jafnvirði 314 milljarða króna,
sem var ofar spám greiningaraðila.
Fjármálastjóri BP segir að verið
sé að ná góðum árangri í að aðlaga
rekstur BP að nýju rekstrarumhverfi
með erfiðu verði. Hann segir góða
trú á að ná rekstrinum á réttan
stað á næsta ári miðað við að hrá-
vöruverð á olíu verði á bilinu 50 til
55 dollarar. Á sama tíma sé BP að
fjárfesta í verkefnum, fyrirtækjum
og öðrum möguleikum til að auka
hagnað á komandi árum. – sg
Hagnaður olíurisa dregst verulega saman
Forsvarsmenn bP kenna lækkandi olíuverði um afkomuna. Mynd/bP
2 . n ó v e m b e r 2 0 1 6 m I Ð v I K U D A G U r8 markaðurinn
0
2
-1
1
-2
0
1
6
0
4
:1
9
F
B
0
4
8
s
_
P
0
3
3
K
.p
1
.p
d
f
F
B
0
4
8
s
_
P
0
2
8
K
.p
1
.p
d
f
F
B
0
4
8
s
_
P
0
1
6
K
.p
1
.p
d
f
F
B
0
4
8
s
_
P
0
2
1
K
.p
1
.p
d
f
A
u
to
m
a
tio
n
P
la
te
re
m
a
k
e
: 1
B
2
6
-4
4
D
C
1
B
2
6
-4
3
A
0
1
B
2
6
-4
2
6
4
1
B
2
6
-4
1
2
8
2
7
5
X
4
0
0
.0
0
1
4
B

F
B
0
4
8
s
_
1
_
1
1
_
2
0
1
6
C
M
Y
K