Morgunblaðið - 02.11.2015, Blaðsíða 29

MENNING 29
MORGUNBLAÐIÐ MÁNUDAGUR 2. NÓVEMBER 2015
Helgi Snær Sigurðsson
helgisnaer@mbl.is
Lovestories, fyrsta EP-plata hljóm-
sveitarinnar Hide Your Kids, kom
út í sumar og hefur hún að geyma
sex frumsamin lög eftir sveitina
sem skipuð er Daníel Jóni Jónssyni
söngvara, trommaranum Jóni
Rúnari Ingimarssyni, bassaleik-
aranum Hauki Jóhannessyni, Ey-
rúnu Engilbertsdóttur hljómborðs-
leikara og Kristni Þór Óskarssyni
gítarleikara. Hljómsveitin var
stofnuð árið 2011, tók þátt í Mús-
íktilraunum árið 2013 og sumarið
sama ár hitaði hún upp fyrir tón-
leika Of Monsters and Men í
Garðabæ. Daníel segir þátttöku
hljómsveitarinnar í Músíktilraunum
hafa veitt henni aukin tækifæri til
tónleikahalds með öðrum hljóm-
sveitum og þá m.a. Of Monsters
and Men. Það hafi verið „fáránleg
heppni“ að fá að spila á undan Of
Monsters and Men og mikið stökk
fyrir lítt þekkta bílskúrshljómsveit
frá Garðabæ.
Hide Your Kids gefur plötuna út
sjálf og segir Daníel að hljóm-
sveitin hafi gefið hana fyrst út á
netinu og með fríu niðurhali.
Nokkrir tugir kynningareintaka
hafi komið út á geisladiskum og
fékk blaðamaður eitt þeirra. „Ég
varð eiginlega að sjá hana, hafa
hana í höndunum. Það er ekki nóg
að sjá hana á tölvuskjá,“ segir
Daníel um plötuna.
17 ára á Melodica Festival
En hvernig skilgreinir Daníel
tónlist hljómsveitarinnar? „Hún
byggist á hljóðgervlagrunni, við
semjum oftast í kringum hljóð-
gervla og kannski gítarinn aðeins
líka. Svo reynum við að finna línur
sem okkur finnst skemmtilegar og
klára lag einhvern veginn, eitthvað
sem við fílum,“ segir Daníel. Tón-
listinni megi lýsa sem hljóðgervla-
poppuðu indírokki.
– Að öðrum ólöstuðum í hljóm-
sveitinni þá tók ég fyrst eftir
söngnum á plötunni. Varstu búinn
að syngja mikið áður en þið stofn-
uðuð hljómsveitina?
„Já, já. Ég var búinn að spila og
syngja frá 16 ára aldri. Ég kom
fyrst fram með kassagítar á Mel-
odica Festival hátíðinni þegar ég
var 17 ára,“ svarar Daníel. Það var
árið 2008. „Þá var ég búinn að
semja mörg lög, „acoustic“-tónlist
og rökrétt framhald að spila á tón-
leikum. Svavar Knútur var að
skipuleggja þessa hátíð í fyrsta
skiptið á Íslandi ásamt stofnanda
hennar, Pete Uhlenbruch, en það
var systir mín, Heiða Dóra, sem
spilar undir listamannsnafninu
Bara Heiða, sem hvatti mig til að
spila.“
Áhugavert nafn
– Þetta nafn, Hide Your Kids,
hvernig datt ykkur það í hug?
„Við þurftum bara að finna nafn,
það er sjúklega leiðinleg saga. Við
þurftum að finna eitthvert nafn
sem léti fólk ekki fá kjánahroll,
væri ekki þetta eða hitt og það tók
heilu vikurnar að finna rétt nafn.
Við vorum með annan bassaleikara
í upphafi og hann sagði bara:
„Hvað með Hide Your Kids?“ og
við spurðum hvort það væri eftir
samnefndu vídeói. Hann kannaðist
ekki við það,“ segir Daníel og á þar
við fjögurra ára gamalt myndband
sem fékk mikið áhorf á YouTube,
fréttaviðtal þar sem bandarískur
karlmaður varar við nauðgara í
hverfinu sínu og hvetur fólk til að
fela börnin sín (sjá YouTube með
því að slá í leitarglugga „hide your
kids“). Daníel segir að sér hafi þótt
nafnið áhugavert og að hljómsveitin
hafi hreinlega viljað ljúka því af að
finna sér nafn.
Að lokum er Daníel spurður að
því hvort hann vilji koma einhverju
að til viðbótar. „Ef einhver vill gefa
okkur út þá væri það snilld,“ segir
hann og hlær. Hann vilji dreifa tón-
list hljómsveitarinnar sem víðast.
Hide Your Kids heldur tvenna
tónleika á Iceland Airwaves, eina í
Norðurljósum Hörpu, mvd. 4. nóv.
kl. 20.40 og aðra utan dagskrár á
Bar 11 föstudaginn 6. nóv. kl. 16.30.
Ljósmynd/Hekla Flóka
Á Prikinu Hide Your Kids við barinn á Prikinu. Frá vinstri Eyrún, Daníel, Jón Rúnar, Kristinn Þór og Haukur.
Útgefandi óskast
 Hide Your Kids gefur út sína fyrstu EP-plötu, Lovestories  Hljómsveitin heldur tvenna tónleika á
Iceland Airwaves, 4. og 6. nóvember  Flytur hljóðgervla-poppað indírokk, að sögn söngvarans
» Sýningin Tilurð Errós var opnuð í ListasafniReykjavíkur í Hafnarhúsi í fyrradag að við-
stöddu margmenni. Dagur B. Eggertsson borgar-
stjóri opnaði sýninguna að Erró viðstöddum. Við
sama tilefni var veitt viðurkenning úr Listasjóði
Guðmundu S. Kristinsdóttur sem Erró stofnaði til
minningar um Guðmundu frænku sína og er ætlað
að efla og styrkja listsköpun kvenna.
si á laugardag
Gleði Erró veitti Sirru, Sigrúnu Sigurðardóttur styrk úr Guðmundusjóði.
Félagar Þeir Þorsteinn J. og Sigurður Árni Sigurðsson skemmtu sér vel.
Ungir sem aldnir Fólk á öllum aldri mætti, f.v Þór Sebastían Wilkins, Arn-
grímur Dagur Arnarson, Margrét Norðdahl og Einar Sveinn Norðdahl.
JEM AND THE HOLOGRAMS 5:30,8
SCOUTSGUIDE,ZOMBIE APOCALYPSE 8,10
HÓTEL TRANSYLV. 2D ÍSL 6
CRIMSON PEAK 10:30
EVEREST 3D 5;30,8
SICARIO 10:30
LAUGARÁSBÍÓ Sýningartímar
Miðasala og nánari upplýsingar