Morgunblaðið - 02.11.2015, Blaðsíða 12

12 FRÉTTIRInnlent
MORGUNBLAÐIÐ MÁNUDAGUR 2. NÓVEMBER 2015
Árin segja sitt1979-2015
Hjónin Ragnar Guðmundsson, matreiðslu-meistari og kona hans
Bára Sigurðardóttir, stofnendur og eigendur Lauga-ás.
Laugarásvegi 1
104 Reykjavík • laugaas.is
)553 1620
Verið velkominn
Lauga-ás hefur frá 1979
boðið viðskiptavinum
sínum uppá úrval af
réttum þar sem hráefni,
þekking og íslenskar
hefðir hafa verið hafðar
að leiðarljósi.
SVIÐSLJÓS
Björn Björnsson
bgbb@simnet.is
Það teygðist úr kvöldinu á hagyrð-
ingamóti í menningarhúsinu Mið-
garði í Skagafirði síðastliðið föstu-
dagskvöld. Þar var „Ort í þágu
lífsins“ eins og sagði í auglýsingu um
þennan atburð og fullt hús áheyr-
enda skemmti sér konunglega þegar
listamenn til orða og tóna fóru á
kostum.
Forseti Alþingis, Einar K. Guð-
finnsson, stjórnaði þingi hagyrðinga,
en hann og sr. Hjálmar Jónsson
höfðu frumkvæðið að samkomunni
og því að allur ágóði kvöldsins myndi
renna óskiptur til Skagafjarð-
ardeildar Krabbameinsfélagsins.
Séra Hjálmar bauð gesti vel-
komna og kallaði á svið og kynnti
hagyrðingana Halldór Blöndal, Sig-
urð Hansen, Gunnar Rögnvaldsson
og Eyþór Árnason. Síðan flutti
framkvæmdastjóri Krabbameins-
félags Íslands, Ragnheiður Haralds-
dóttir, ávarp.
Að þessu loknu tóku hagyrðingar
til máls og svöruðu spurningum sem
stjórnandi vék til þeirra. Meðal ann-
ars spurði stjórnandi: „Hvaða
drykkur annar en vatn er í uppá-
haldi hjá þér?“
Þessu svaraði Sigurður Hansen:
Fljótlega ég fann þess vott,
við fyrsta nætursukkið.
Að áfengi er ekki gott,
án þess að vera drukkið.
Svo hef ég reyndar síðan þá
séð mig um hönd hvað þetta varðar,
setið hesta og sopið á
og sungið í kórum Skagafjarðar.
Einnig var spurt um hver yrði
næsti forseti Íslands. Þessu svaraði
Halldór:
Um Gálgahraun er gengið eftir göml-
um tröðum,
beina leið að Bessastöðum.
Mjög er spurt og margan hefur mann-
inn langað;
séra Hjálmar horfir þangað.
Gunnar svaraði:
Forsetinn má hlæja hátt,
og heilla fólk í röðum.
Það yrði alger þjóðarsátt,
um Þórólf á Hjaltastöðum.
Óskað var eftir lýsingu á með-
hagyrðingum, en þessu svaraði
Gunnar, (en honum á hægri hönd
voru Sigurður, Halldór, Hjálmar og
Einar).
Það mætti reka myndarbú
og manna á þóftur áraskip,
með forsetunum fyrr og nú,
fræðimanni og kirkjugrip.
Um það á hvern hátt unnt yrði að
hafa meiri tekjur af ferðamönnum
sagði Gunnar:
Til að finna viðráðanlegt verð,
skal virkja náttúrunnar helstu flokka.
Rukka fyrir kopp og kamarferð,
klósettpappír, dömubindi og smokka.
Í vísnaefnum var víða drepið nið-
ur, meðal annars var rætt um skag-
firska efnahagsvæðið og umræður
um „skagfirska mafíu“ og í því tilviki
þingflokk Pírata. Gunnar sagði:
Með sjóræningja sjálfsagt er
í sagnaleitabankann.
Þeir gerðu ei fleiri glennur hér,
sem ganga þyrftu plankann.
En er þá skagfirska mafían til?
Halldór svaraði:
Svipir reika að sjálfsögðu
um söguslóðir Sturlungu.
Það setur beyg að Birgittu
hún bendlar það við mafíu.
„Að mafían sé með breyttum brag“
Birgitta spyr sig, slag í slag,
hver hún sé og hvar í dag,
hún heldur að ’ún sé kaupfélag.
En einnig kom fram að stjórn
kaupfélagsins hefði heimsótt Bessa-
staði og kom þá fram þessi vísa frá
Gunnari:
Sögu einni svo er lýst
að sunnan kom með hraði.
Kaupfélagið keypti víst,
komplett Bessastaði.
Spurt var: Ef þú fengir það hlut-
verk að fara til Moskvu og tala máli
Íslendinga við Vladimír Pútín,
hvernig yrði ræðan þín? Halldór
svaraði:
Ég auðvitað mikla áherslu legði
á mína voldugu skagfirsku vini.
Við Pútín karlinn ég kotroskinn segði:
„Ég er kunnugur Þórólfi Gíslasyni“.
Um jafnréttið sagði Gunnar:
Um jafnrétti ég eygi veika von
vígin falla, staðan orðin svona.
Við barnagæslu Bjarni Maronsson
og biskupinn á Íslandi er kona.
Ekki er unnt að tíunda allt það
sælgæti sem flaug um salinn í fer-
hendum en einnig í óhefðbundnara
formi. Eyþór fann meira að segja
upp nýjan bragarhátt sem félagar
hans treystu sér ekki til að finna
nafn á, þó að eftir væri leitað. Voru
undirtektir áheyrenda slíkar að vel
hefði mátt sitja lengur en til ellefu
en þá var talið nóg kveðið.
Um mitt kvöld var gert hlé á kveð-
skap og kallaði þá Gunnar Rögn-
valdsson til söngs þau Írisi Olgu
Lúðvíksdóttur, Sigvalda Gunn-
arsson og Jón Hall Ingólfsson sem
ásamt honum fluttu frumsamið efni
um ýmis þau vandamál sem þjaka
þessa dagana. Flutningurinn féll í
góðan jarðveg hjá áheyrendum sem
þökkuðu með dynjandi lófataki.
„Ég er kunnugur Þórólfi Gíslasyni“
 Fullt hús á hagyrðingakvöldi í Miðgarði í Skagafirði  Afrakstur kvöldsins rann til Krabbameins-
félagsins  Ortu m.a. um forsetakjör, Pírata, biskupinn, kaupfélagið og „skagfirsku mafíuna“
Morgunblaðið/Björn Björnsson
Skemmtun Hagyrðingakvöldið í Miðgarði var vel sótt og hefði verið hægt að halda lengi áfram inn í nóttina.
Hagyrðingar F.v. þeir Sigurður Hansen, Halldór Blöndal (í vari), Hjálmar
Jónsson, Einar K. Guðfinnsson, Gunnar Rögnvaldsson og Eyþór Árnason.
Flugbjörgunarsveitin í Reykjavík
hélt um helgina upp á 65 ára afmæli
sitt, en sveitin var stofnuð 27. nóv-
ember 1950 í kjölfar björgunarinnar
á áhöfn flugvélarinnar Geysis á
Vatnajökli það sama ár.
Rúmlega 130 manns mættu á há-
tíðina, sem haldin var á Hótel Nat-
ura við Reykjavíkurflugvöll, en gest-
ir voru á öllum aldri og þeir elstu á
níræðis- og tíræðisaldri og hafa
starfað með sveitinni í meira en
hálfa öld.
Á hátíðinni var Stefán Bjarnason
gerður að heiðursfélaga, en hann
gekk inn í sveitina árið 1954. Hefur
Stefán setið í stjórn félagsins í fjölda
ára, sinnt ýmsum ábyrgðarstörfum
fyrir sveitina og leiddi hann meðal
annars byggingu núverandi hús-
næðis sveitarinnar fyrir um 25 árum
og smíði fjallaskála félagsins í Tind-
fjöllum. Þá fengu einnig fjölmargir
félagar heiðursorður fyrir störf sín
fyrir félagið gegnum árin.
Stofnfélagar sveitarinnar voru 29
talsins og fyrsti formaður var kjör-
inn Þorsteinn E. Jónsson flugmaður.
Síðan þá hafa 13 gegnt því embætti
og voru myndir af öllum formönn-
unum afhjúpaðar í tilefni af afmæl-
inu í húsnæði sveitarinnar.
Ljósmynd/Jón Svavarsson
Heiðursverðlaun Stefán Bjarnason (t.v.) og Jóhannes Ingi Kolbeinsson, for-
maður Flugbjörgunarsveitarinnar í Reykjavík, sem heiðraði Stefán.
Stefán heiðraður
fyrir sitt framlag
 Flugbjörgunarsveitin orðin 65 ára