Morgunblaðið - 04.11.2015, Page 6

6 FRÉTTIRInnlent
MORGUNBLAÐIÐ MIÐVIKUDAGUR 4. NÓVEMBER 2015
Þessa dagana má telja minnst 21 byggingakrana
í Urriðaholti í Garðabæ. Þar eru alls 40 hús í
byggingu um þessar mundir, allt í senn einbýli,
raðhús og fjölbýli. Blokkirnar eru um 25 talsins
og eru tveggja til fjögurra hæða. Í sumum þeirra
eru allt að 24 íbúðir.
„Það er góður gangur í þessu núna og mikill
áhugi,“ segir Jón Pálmi Guðmundsson, fram-
kvæmdastjóri Urriðaholts ehf., í samtali við
Morgunblaðið.
„Nú þegar eru tæplega 100 íbúðir tilbúnar og
flutt inn í margar þeirra. Til viðbótar eru svo
framkvæmdir hafnar við aðrar 500 íbúðir sem
Urriðaholt hefur selt til ýmissa verktaka. Vegna
mikillar eftirspurnar er í undirbúningi að hverf-
ið verði stækkað og íbúðum fjölgað um að
minnsta kosti 300 á næstu árum.“
Í Urriðaholti eru allt í senn einbýli, raðhús og
blokkir. Íbúðirnar í fjölbýlishúsunum í Urriða-
holti eru litlar, það er tveggja til þriggja her-
bergja, en nú er einmitt mesta eftirspurn eftir
íbúðum af þessari stærðargráðu.
„Það þarf að skipuleggja lóðir fyrir slíkar
byggingar,“ segir Jón Pálmi. Miðað við eftir-
spurn á íbúðamarkaði telur hann að boginn sé
ekki spenntur of hátt. Þá sé fjöldi bygginga-
krana í Urriðaholti ekki váboði eða hættumerki,
en almennt er litið svo á að kranafjöldi sé góður
mælikvarði á stöðu efnahagsmála á hverjum
tíma. sbs@mbl.is
Miklar framkvæmdir í Urriðaholti í Garðabæ
Morgunblaðið/Sigurður Bogi
Fjöldi byggingakrana ekki sagður hættumerki
Kristján Jónsson
kjon@mbl.is
Myndband tónlistarmannsins Just-
ins Biebers með laginu I’ll show you
var sem kunnugt er tekið upp á Ís-
landi og birt í fyrradag. Ekki kom
þar fram hvar myndskeiðið væri tek-
ið en Bieber hrósaði á Instagram-
síðu sinni náttúrufegurð Íslands og
hvatti fólk til að skoða myndbandið.
En hvaða áhrif hefur þetta, er hægt
að mæla ágóðann fyrir landið?
„Það er svolítið erfitt að finna út
krónutölu eða fjölda ferðamanna,“
segir Daði Guðjónsson, verkefn-
isstjóri í ferðaþjónustu og skapandi
greinum hjá Íslandsstofu. „En Bie-
ber er með 42 milljónir fylgjenda á
Instagram. Og ég skoðaði myndir
sem hann póstaði úr Íslandsförinni
og hver mynd hefur fengið að með-
altali 1,3 milljónir „læka“ og mikið af
athugasemdum. Hann er með tæp-
lega 70 milljónir fylgjenda á Twitter,
rúmlega 70 milljónir á Facebook.
Hann er einn af áhrifamestu tón-
listarmönnum í heiminum í dag og í
dag [þriðjudag] hefur verið horft á
myndbandið tæplega fimm milljón
sinnum. Þetta eru gríðarlegar tölur
en það er svolítið erfitt að meta ná-
kvæmlega hvaða áhrif þetta hefur
fyrir Ísland til skemmri eða lengri
tíma. Það sem við vitum er að þetta
myndband vekur mikla athygli og
kemur Íslandi enn frekar á kortið og
þá líka hjá nýjum hópi ferðamanna
sem kannski hafa ekki verið hluti af
okkar markhópi.“
Daði sagði líka athyglisvert að
þeir sem sjái myndbandið séu mjög
forvitnir um það hvar það sé tekið.
Krakkarnir spyrji hvort þetta sé ein-
hver draumaveröld, hvar þetta sé.
Íslensk náttúra höfði greinilega
mjög til áhorfendanna en nafnið á
landinu komi hvergi fram. Þetta veki
enn meiri forvitni. Sumir tengi um-
hverfið við Nýja-Sjáland eða aðra
áfangastaði.
„En það sem mér finnst mjög
skemmtilegt er að sjá að Íslendingar
eru mjög duglegir að koma inn og tjá
sig. Þeir fræða áhorfendur um Ís-
land og þá hefst oft samtal um landið
inni á þessum spjallþráðum. Þarna
er ákveðið tækifæri.“
Náttúrubarn Stillimynd úr tónlistarmyndbandi Justins Biebers, hér er hann staddur við Reynisfjöru.
Ólaunuð Íslandskynning hjá Bieber
 Kanadíski tónlistarmaðurinn er með tugmilljónir fylgjenda á samfélagsmiðlum á netinu
Daði Guðjónsson segir að
auðvitað sé ýmislegt á mynd-
bandi Biebers sem Íslands-
stofa hefði ekki viljað sjá, til
dæmis að hann stingi sér í ís-
kalt vatnið í Jökulsárlóni. Það
sendi varasöm skilaboð til
ferðamanna. En könnun Ferða-
málastofu hafi sýnt að 14,3%
þeirra sem ferðist hingað
nefni sem áhrifaþátt að þeir
hafi séð Ísland í kvikmynd,
sjónvarpsþáttum og tónlistar-
myndböndum. Síðastnefndi
þátturinn sé því áhrifavaldur
sem menn séu mjög meðvit-
aðir um í ferðaþjónustunni.
Ungt fólk ferðist kannski til
Íslands þegar það hafi efni á
að sjá landið sem það kynnt-
ist fyrst á myndbandinu.
Myndböndin
áhrifavaldur
FERÐAÞJÓNUSTAN
Helgi Bjarnason
helgi@mbl.is
Áformað er að byggja gestastofu
Vatnajökulsþjóðgarðs á Kirkjubæjar-
klaustri á næstu
þremur árum.
Möguleiki verður
að byggja síðar við
húsið aðstöðu fyrir
þekkingar- og
menningarsetur,
eins og heimamenn
hafa haft áhuga á.
Vonast er til að
framkvæmdir geti
hafist í vor.
„Það hefur verið í umræðunni í átta
ár, alveg frá því ákveðið var að stofna
Vatnajökulsþjóðgarð, að koma þar upp
gestastofu til að miðla upplýsingum til
gesta,“ segir Sigrún Magnúsdóttir,
umhverfis- og auðlindaráðherra, sem
kynnti í gærmorgun í ríkisstjórn
áform um byggingu gestastofu.
Heimamenn höfðu áhuga á að í
tengslum við húsnæði þjóðgarðsins
yrði komið upp aðstöðu fyrir fleiri
stofnanir ríkisins og héraðsins, í svo-
kölluðu þekkingarsetri. Sigrún segir
að ekki hafi verið hætt við þá hug-
mynd. „Ráðuneytið ber ábyrgð á því
að koma upp þessari gestastofu fyrir
Vatnajökulsþjóðgarð. Ég tek það hlut-
verk alvarlega. Ég vil byrja á því að
koma henni upp. Jafnframt er samið
við arkitektana um að hanna húsið
þannig að síðar verði hægt að byggja
við það og hýsa ýmiskonar fræða- og
menningarstarfsemi,“ segir Sigrún og
bætir því við að framhaldið verði unnið
í samvinnu við sveitarstjórn.
Kostar 450 milljónir kr.
Gróf kostnaðaráætlun fyrsta áfanga
bendir til að kostnaður verði 450 millj-
ónir. Sigrún hefur lagt til við ríkis-
stjórn að veittar verði 150 milljónir
króna á ári til uppbyggingarinnar, í
þrjú ár. Í fyrsta áfanga verður gesta-
stofa Vatnajökulsþjóðgarðs og skrif-
stofur þjóðgarðsvarðar.
Gestastofa þjóðgarðsins verði
reist á Kirkjubæjarklaustri
 Mögulegt að byggja síðar við aðstöðu fyrir þekkingar- og menningarsetur
Gestastofur
» Innan Vatnajökulsþjóðgarðs
eru fjórar gestastofur: Gljúfra-
stofa í Ásbyrgi, Gamlabúð á
Höfn, Skaftafellsstofa og Snæ-
fellsstofa á Skriðuklaustri. Eft-
ir er að reisa stofur á Kirkju-
bæjarklaustri og við Mývatn.
» Gestastofur eru upplýsinga-
og fræðslumiðstöðvar fyrir
gesti þjóðgarðsins.
Sigrún
Magnúsdóttir
Morgunblaðið/Sigurður Bogi Sævarsson
Umhverfi Kirkjubæjarklaustur
stendur í fallegu umhverfi.
Íslensk skip voru í gær búin að landa
rúmlega 190 þúsund tonnum af kol-
munna á árinu, samkvæmt yfirliti
Fiskistofu. Um 18.500 tonn höfðu
veiðst í íslenskri lögsögu eða tæp 10%.
Það er meira en undanfarin ár og
til samanburðar má nefna að um 8,6%
kolmunnaaflans fengust í íslenskri
lögsögu í fyrra og 5,3% árið 2013. Eft-
ir sem áður hefur stærstur hluti kol-
munnans fengist við Færeyjar, alls
rúmlega 170 þúsund tonn í ár eða
tæplega 90%.
Á heimasíðu Síldarvinnslunnar
kemur fram að Börkur NK kom til
Neskaupstaðar með tæp 2.000 tonn
af kolmunna úr Rósagarðinum suð-
austur af landinu í vikubyrjun. Haft
er eftir Sturlu Þórðarsyni skipstjóra
að dálítið af kolmunna hafi verið að
sjá á þessum slóðum. Þeir hafi fengið
allt upp í 300 tonna hol en yfirleitt
hafi verið dregið í 12-16 klst. Börkur
hélt á ný til kolmunnaveiða síðdegis á
mánudag og í gær voru Venus NS og
Bjarni Ólafsson AK einnig á mið-
unum.
Meira af kol-
munna úr
lögsögunni
Kristján Þór
Júlíusson heil-
brigðisráðherra
kynnti á fundi
ríkisstjórnar í
gær tillögu að
þingsályktun um
stefnu og að-
gerðaáætlun í
geðheilbrigðis-
málum til fjög-
urra ára. Aukin
vellíðan, betri geðheilsa og virkari
samfélagsþátttaka fólks með geð-
raskanir óháð búsetu er megin-
markmið tillögunnar.
Allar aðgerðir sem lagðar eru
til í þingsályktunartillögunni hafa
verið kostnaðarmetnar og er
heildarkostnaður vegna þeirra
áætlaður rúmar 560 milljónir
króna.
Vegur þar þyngst stofnun geð-
heilsuteyma, ráðning sálfræðinga
á heilsugæslustöðvar og áform um
að efla þjónustu barna- og ung-
lingageðdeildar Landspítala.
560 milljónir í að-
gerðaáætlun í geð-
heilbrigðismálum
Kristján Þór
Júlíusson