Víkurfréttir - 13.04.1989, Blaðsíða 11

10 Fimmtudagur 13. apríl 1989
muR
jutUi

Fimmtudagur 13. apríl 1989 11

yfir löggæslunni á Suðurnesjum, - segir formaður Lögreglufélags Gullbringusýslu
Mikil óvissa ríkir nú meðal
lögregluþjóna á Suðurnesjum í
kjölfar þeirrar ákvörðunar
ríkisvaldsins að fækka um átta
lögregluþjóna til viðbótar við
þá er urðu að víkja um síðustu
áramót. Tala lögregluþjóna
hefur verið sveiflukennd nú
hin síðustu ár. Fimm menn
stóðu vaktir á lögreglustöð-
inni í Kellavík fram á mitt ár
1983, en þá var lögregluþjón-
unum fjölgað í sex. Um ára-
mótin ’84-’85 var afturfækkað
í fimm lögregluþjóna. Ára-
mótin ’85-’86 var lögreglu-
þjónum fjölgað að nýju í sex á
vakt en um síðustu áramót var
fækkað enn á ný um einn á
vakt. Næsta haust verður
gengið enn lengra og fækkað í
fjóra á þremur vöktum og
fimm lögregluþjónar verða á
einni.
Eins og sjá má á þessari
upptalningu hér á undan þá
hefur verið rokkað með fjölda
lögregluþjóna og mikil óvissa
rikir meðal þeirra. Með fækk-
uninni næsta haust verður
búið að skapa þeim lögreglu-
þjónunt, sem eftir verða, óvið-
unandi starfsskilyrði. En hvað
segir formaður Lögreglufélags
Gullbringusýslu, Jón Pétur
Jónsson:
„Það er algjört lágmark að
sex ntenn séu á vakt á lögreglu-
stöðinni í Keflavík hverju
sinni.“
Ekki mætt skilningi
„Fækkunin næsta haust er
dauðadómur yfir löggæslu á
Suðurnesjum. Nú erum við
komnir með fólk sem hefur
góða starfsreynslu og er að
ljúka námi í Lögregluskólan-
uin, þegaráaðfækkaennfrek-
ar. Við höfum ekki mætt nein-
um skilningi varðandi sér-
stöðu Suðurnesja. Það er alltaf
eitthvað að gerast í öllum
byggðarlögunum, sem sést
best ef litið er til þess að lög-
reglan fékk rúmlega 5000 út-
köll (öll Suðurnes) á síðasta
ári.
Ríkisvaldið hefur verið
gjarnt á það að bera okkur
saman við Hafnarfjörð og það
lögreglulið sem þar er. Mun-
urinn á Suðurnesjum og Hafn-
arfirði sést bést á því að árið
1988 gistu 118 fangageymslurí
Hafnarfirði, 429 í Keflavík, en
53 gistu fangageymsluna hjá
Grindavikurlögreglunni.
Þjónusta við
borgarana minnkar
-Hvað mun fækkunin næsta
haust hafa í för með sér?
„Fækkunin mun hafaslæm-
ar afleiðingar fyrir löggæslu á
Suðurnesjum, sem reyndar
hafa komið í ljós eftir síðustu
fækkun. Okkar þjónusta við
borgarana hefur minnkað
mikið. Byggðarlögin utan
Kellavíkur og Njarðvíkur hafa
orðið útundan í öllu almennu
eftirliti og við höfum misst öll
tök á Reykjanesbrautinni, sem
er stórhættuleg og hrað-
inn orðinn mikill. Veturinn
hefur verið erfíður á brautinni
og færðin en við höfum litla
sem enga aðstoð getað veitt.
Það er ekki stætt á því að
vera með einn mann á stöð ef
fangi er inni, en 429 gistu
fangageymslur iögreglunnar á
síðasta ári. Nauðsynlegt er að
tveir menn séu á stöð. Nú get-
um við eingöngu mannað eina
bifreið en aðra í neyðartilfell-
um. Næsta haust komum við
ekki til með að geta mannað
nema eina bifreið og enga í
neyð. Það þykir ekki verjandi
að vera með einn mann í út-
köllum eða eftirlitsferðum á
bíl“ sagði Jón Pétur og bætti
við:
Breyting á
Suðurnesjum
„Það hefur orðið mikil
breyting hér á Suðurnesjum á
nokkrum árum. Haustið 1983
fékk Glóðin vínveitingaleyfi.
Síðan hafa sex staðir bæst við
og einn staður í Grindavík
bættist fljóUega við þann sem
fyrir var. Á Suðurnesjum eru
einnig starfrækt fjögur hótel
og á síðasta ári voru veitt 363
skemmtanaleyfi, fyrir utan þá
staði sem hafa ársleyfi.
Til þess að kóróna þessa
fækkun rikisvaldsins í lög-
regluliðinu hjá okkur, þá
munu allir þeir lögregluþjón-
ar. sem eftir verða, vinna því
sem næst allar helgar ársins.“
Smærri sveitarfél-
ögin eftirlitslaus
-Er verið að gera Suðurnes
að gullkistu fyrir þjófa og
skemmdarvarga?
„Nú þegar eru nágranna-
sveitarfélög Keflavíkur eftir-
Jón Pétur Jónsson, formaður Lögreglufélags Gullbringusýslu.
Viðtal og Ijósm.: hbb.
litslaus mestan part sólar-
hringsins. Það má fastlega eiga
von á mikilli aukningu á inn-
brotum og skemmdarverkum.
Þegar búið verður að fækka
allt niður í fjóra á vakt, þá mun
eftirlitsbifreið lögreglunnar
verða staðbundin á Keflavík-
ur/Njarðvíkursvæðinu en aðr-
ir byggðakjarnar munu svelta
áfram.
Einn best fyrirbyggjandi
þátturinn hjá lögreglunni ersá
að við séum sem mest á ferð-
inni og að við náum að fylgj-
ast með því sem er að gerast.“
Ofbeldisbrotum
fjölgar
„Ofbeldisbrotum hefur
fjölgað og á síðasta ári bárust
70 kærur vegna slagsmála og
líkamsárasa. Eitt morð var
framið og tvær tilraunir til
morða. Sex kærur bárust
vegna kynferðisafbrota, 120
innbrot voru á árinu, 115
rúðubrot, 142 skemmdarverk,
150 þjófnaðir, 18 innbrot í
verslanir og 41 slys með
meiðslum í umferðinni, þannig
að það er full ástæða til að efla
löggæslu til muna en ekki
draga úr.“
Boðað til fundar
með ráðamönnum
-Hefur eitthvað verið gert til
þess að fá þessari ákvörðuii
breytt?
„Lögreglufélag Gullbringu-
sýslu er nú að vinna að því að
koma á fundi með dómsmála-
ráðherra, forsætisráðherra,
fjármálaráðherra, þingmönn-
um kjördæmisins og bæjar- og
sveitarstjórnarmönnum hér á
Suðurnesjum til þessaðfá leið-
réttingu á okkar málum, en
hér hafa verið settar stöður
eins og t.d. tveir menn í boð-
unardeild, án þess að aðrir
menn komi til almennra lög-
gæslustarfa í þeirra stað.
Okkar krafa er að lágmarks-
fjöldi á hverri vakt verði sex
menn því annað eróviðunandi
og hreinn og klár dauðadómur
yfir löggæslu á Suðurnesjum,
eins og ég hef áður sagt“ sagði
Jón Pétur Jónsson, formaður
Lögreglufélags Gullbringu-
sýslu, að lokum.
Við kynntumst
fyrst í Keflavík
AUKASÝNINGAR
Vegna fjölda áskorana verða aukasýningar
á revíunni „Við kynntumst fyrst í Keflavík“
fimmtudaginn 13. apríl (í kvöld) kl. 21 og
laugardaginn 15. apríl kl. 21.
Sýnt er í Félagsbíói. Miðasala opnar kl. 19
sýningardagana.
LEIKFÉLAG KEFLAVÍKUR
SKAK
Hraðskákmót Suðurnesja
verður haldið í Víkinni,
þriðjudaginn 18. apríl kl.
20:00.
Skákfélag Keflavíkur
YTRI NJARÐVfKURKIRKJA:
10 ára vígslu-
afmæli framundan
Á sumardaginn fyrsta,
sem nú ber upp á 20. apríl,
verður þess minnst sérstak-
lega að liðin eru 10 ár frá því
að kirkjan í Ytri-Njarðvík
var vígð. Verður þessara
tímamóta getið sérstaklega í
næsta tölublaði sem kemur
út síðasta vetrardag.
Framundan eru ýmsar
framkvæmdir við kirkjuna
s.s. að leggja flísar á kirkju-
Frá fundi sóknarnefndar nýlega með arkitektum kirkjunnar.
Ljósm.: epj.
gólfið, en búið er að panta
þær og er ráðgert að fram-
kvæmdir við verkið fari fram
í ágúst eða septembermán-
uði. Þá eru framundan loft-
skreytingar og að fullgera
loftið í anddyri.
Aðalverkið og það dýrasta
er að fá nýtt og stærra pípu-
orgel. Liggja frammi teikn-
ingar og tillögur um 16
radda orgel frá Danmörku
er myndi kosta 8-9 milljónir
króna. U m orgel þetta svo og
fjáröflun greinum við nánar í
næsta tölublaði.
Sóknarprestur Ytri-
Njarðvíkursóknar er séra
Þorvaldur Karl Helgasop,
meðhjálpari er Árni Júlíus-
son, en hann er jafnframt
formaður sóknarnefndar og
organisti er Gróa Hreins-
dóttir. I stjórn sóknarnefnd-
arinnar eru auk Árna,
Guðrún Greipsdóttir vara-
gjaldkeri, Ingólfur Bárðar-
son varaformaður, Ingvi
Þorgeirsson meðstjórnandi,
Olafur Þ. Guðmundsson rit-
ari, Sigríður Aðalsteinsdótt-
ir gjaldkeri og Sigríður Erla
Jónsdóttir meðstjórnandi.
G0DAR GJAFIR TIL
ÞROSKAHJALPAR
A aðalfundi Þroskahjálp-
ar á Suðurnesjum, sem fram
fór í síðustu viku, voru félag-
inu færðar góðar gjafir að
verðmæti tæplega 300 þús-
und krónur. Stærsta gjöfin
var frá Verslunarmannafél-
agi Suðurnesja í tilefni af 35
ára afmælis félagsins. Um
var að ræða 130 þúsund
krónur til tækjakaupa í end-
urhæfingarstöð félagsins og
hefur þegar verið keypt fyrir
þær hljóðbylgjutæki.
Þá færði Soroptimista-
klúbbur Suðurnesja félaginu
80 þúsund krónur til kaupa á
innanstokksmunum í
skammtímavistunina og
kvenfélagið Gefn í Garði gaf
50 þúsund krónur tilsumar-
dvalar.
FULL BÚÐ AF NÝJUM
GÖÐUM VÖRUM
■ MIKIÐ ÚRVAL AF SKYRTUM NÝKOMIÐ.
■ VERÐ FRÁ KR. 1090.-
■ JAKKAFÖT OG STAKIR JAKKAR FRÁ
PETER VAN HOLLAND OG 2-VIKTORY
■ FRÖNSKU GALLABUXURNAR
ERU KOMNAR AFTUR.
PERSÓNA
Hólmgarði 2 - Keflavík - Sími 15099
- ÞEGAR ÞÚ KAUPIR FÖT '
Viltu losna við auka-
kílóin eða bara lagast
í vextinum?
Erum komin með lóð
fyrir hendurnar.
Þú færð 10% afslátt í Sport-
buð ðskars og barnafata-
versluninni ANDREU. ef þú átt
tíu tíma kort í líkamsræktinni
FL0TT F0RM
Líkamsrækt öskars
Hafnargötu 23-2. hœð - Simi 15955
- fyrir ofan sportbúðina