Víkurfréttir - 13.04.1989, Blaðsíða 15

mMíuuu
Björgun Mariane Danielsen:
Finnbogi Kjeld mun
gera skipið út
„Þetta var gott mál og tókst
eins og til stóð“ sagði Guð-
laugur Guðmundsson, fram-
kvæmdastjóri Lyngholts s.f. í
Vogum, á laugardagsmorgun
um björgun danska flutninga-
skipsins Mariane Danielsen úr
Grindavíkurfjöru kvöldið áð-
ur. Kom björgunarskipið
Goðinn með skipið, fánum
prýtt, til Njarðvíkur á áttunda
tímanum um morguninn.
-En var björgunin þess virði?
„Já, það var þess virði að
borga sjö þúsund krónur fyrir
skipið'* sagði Guðlaugur í
samtali við blaðið. „Við töld-
um alltaf að þetta væri hægt og
þær áætlanir sem við gerðum
stóðust 99%. Þær stóðust svo
vel að málið gekk upp um
hálfri klukkustund fyrir flóðið
með lágmarksafli, eðlisfræð-
inni, hugviti og lágmarks
orku.“
-Hvað er framundan?
„Við hugsum okkur að
gera tilraun til að komast und-
ir vélarúmið og afturhlutann
og þétta skipið þar. Framend-
inn verður eins og hann er.
Eftir að búið verður að þétta
afturhlutann og hugsanlega
styrkja lestina eitthvað, verð-
ur fengið skip til að draga það
til Póllands, þar sem endanleg
viðgerð fer fram. Þó munum
við Iíklega hreinsa vélina hér
upp og ganga þannig frá að
ekki skemmist meira en nú er
orðið. Mun skipið líklega fara í
,,dokk“ ytra um mánaðamót-
in. Þar verður botninn brennd-
ur af við ákveðna línu og nýr
botn settur í staðinn."
-Verður skipið selt erlendis
eða gerir Finnbogi það kannski
út?
„Lyngholt s.f. er eigandi
þess. Það fyrirtæki er með bak-
samninga við Finnboga. Mun
skipið verða flutt út héðan sem
brotajárn" sagði Guðlaugur.
-En hvað segir Finnbogi
Kjeld um málið?
„Eg mun gera þetta skip út í
framtíðinni, enda er þetta gott
skip, tæplega tólf ára gamalt.“
-Nú má ekki Jlytja hingað til
lands eldri skip en 12 ára, hvað
mun gerast þá?
„Skipið verður ekki tólf ára
fyrr en í haust. Það er því alveg
á mörkunum að það megi
flytja það inn hingað. Það
verður þó ekki gert út undir
íslenskum fána.“ Meira vildi
Finnbogi ekki tjá sig um fram-
tíð skipsins.
-Lokaspurningin til þeirra
félaga varþví, hvers vegna skip-
ið hefði ekki náðst út áfimmtu-
deginum?
Hér varð Finnbogi fyrir
svörum: „Það stóð aldrei til,
þó við létum Goðann toga í
það. Fimmtudagurinn var
„general prufan“, sjálf frum-
sýningin átti að fara fram á
föstudag og það tókst eins og
til var ætlast." Hér bætti Guð-
laugur við: „Það hefði verið
meiriháttar klúður af okkar
hálfu, hefði það ekki tekist."
Þreyttir og ánægðir, komnir með skipið (il Njarðvíkur á laugar-
dagsmorguninn, Guðlaugur Guðmundsson (t.h.) og Finnbogi Kjeld.
Botn skipsins er víða mjög illa farinn og er algengt að risabjörg
standi föst í lionuin eins og hcr sést.
Grindavík:
ðnýtur
eftir
veltu
Fólksbíll gjöreyðilagðist
eftir bílveltu á Grindavíkur-
veginum skömmu eftir mið-
nætti aðfaranótt þriðjudags-
ins í fyrri viku. Engin slys
urðu á fólki í veltunni en fjar-
lægja varð bílinn með krana-
bíl.
A miðvikudeginum var til-
kynnt til lögreglunnar í
Grindavík um umferðarslys
á gatnamótum Ægisgötu og
Hafnargötu. Hafði ung
stúlka hjólað í veg fyrir bif-
reið með þeim afleiðingum
að hún fótbrotnaði og hlaut
skrámur.
Miðneshreppur
Miðneshreppur auglýsir eftir-
talin störf til umsóknar:
• Starf verkstjóra við Vinnuskóla Sand-
gerðis.
• Starf flokksstjóra. Æskilegur aldur 20
ára.
Umsóknarfrestur er til 23. apríl nk. Um-
sækjendur þurfa að geta hafið störf um 20.
maí 1989.
Sveitarstjóri
Fimmtudagur 13. apríl 1989 15
Botnimi undir vélarúminu og þar í kring er nánast ónýtur og eru
sum göt allt að þremur fermetrum að stærð. Tómas Knútsson kaf-
ari, vinnur þessa dagana að því að þétta botninn svo koma megi
skipinu yfir Atlantshafið. Ilann tók neðansjávarmyndirnar tvær
sem hirtast liér á síðunni.
Mariane Danielsen laust af strandstað í Grindavíkurfjöru.
Ljósm.: hbb.
Vélstjórafélag Suðurnesja:
VÉLSTJÓRAR
SUÐURNESJUM
Aðalfundur Vélstjórafélags Suð-
urnesja verður haldinn sunnu-
daginn 16. apríl. Fundurinn
verður haldinn í húsnæði félags-
ins að Tjarnargötu 2, Keflavík,
og hefst kl. 14 stundvíslega.
STJÓRNIN