Víkurfréttir - 18.05.1989, Blaðsíða 15

VlHWcifutUr
Fimmtudagur 18. maí 1989 15
Sæbjörgin tilbúin til sjósetningar utan við björgunarstöð Sigurvonar. Ljósm.: epj.
Áhöfn björgunarbátsins Sæbjargar:
Mikið um aðstoð
við smábáta
Þjónusta björgunarbátsins
Sæbjargar úr Sandgerði hefur
verið með meira móti í vetur að
sögn Sigurðar Guðjónssonar,
formanns slysavarnasveitar-
innar Sigurvonar í Sandgerði,
en þeir eiga bátinn ásamt Ægi í
Garði.
Hefur aðallega verið um
þjónustuútköll vegna bilaðra
smábáta. Það sem af er maí-
mánuði hefur áhöfn bátsins
verið kölluð út tvisvar. A
þriðjudag í síðustu viku var
það smábáturinn Kló RE, sem
var með bilað drif 6 sjómílur
vestur af Stafnesi. Var bátur-
inn dreginn til hafnar. Þá voru
þeir kallaðir út til leitarsíðasta
laugardag, en nánar er greint
frá því máli annars staðar í
blaðinu.
I aprílmánuði var sveitin
kölluð út fjórum sinnum.
Fyrst var það lítill dekkbátur,
Hera VE 66 frá Keflavík, sem
var bilaður 15 sjómílur norður
af Garðskaga. Þá var trilla
með bilaða vél 7 mílur norður
af Garðskaga dregin til hafn-
ar.
Auk þessa var kafari sendur
út á miðin til að aðstoða skip-
verja á Þuríði Halldórsdóttur,
187 tonna stálbáti úr Vogun-
um. Eins var sveitin kölluð út
vegna flugvélar sem var í
vandræðum á leið til Keflavík-
ur.
Eins og sést á þessu hefur
sveitin haft ærin verkefni að
undanförnu og svo hefur
raunar verið í allan vetur, að
sögn Sigurðar.
Börnin og við
Suðurnesjafólk
Kynningarfundur vegna væntanlegrar
stofnunar Neytendafélags Suðurnesja verð-
ur haldinn fimmtudaginn 18. maí kl. 20.00 í
Holtaskóla í Keflavík. Kaffiveitingar.
Áhugafólk um stofnun
neytendafélags.
Þú nærð árangri
- með auglýsingu í Víkurfréttum.
Símarnir eru
14717 og 15717.
Opið á laugardögum kl. 14 - 16.
Aörir timar eftir samkomulagi.
Upplýsingar í símum 13155, 11555 og 11769.
Leigjendur
kartöflu-
garða
Þeir leigjendur garðlanda í bæjargörðum,
sem ekki hafa greitt nú þegar leigugjald sitt,
er bent á að vegna mikillar aðsóknar í garð-
lönd verða þeir garðar leigðir öðrum sem
ógreiddir verða 17. maí nk.
Tekið er á móti leigugjaldinu kr. 800 í
áhaldahúsi Keflavíkurbæjar.
Bæjarverkstjóri
Félag áhugafólks um brjósta-
gjöf heldur aðalfund sinn næsta
laugardag. Viljum við því rifja
upp nokkra þætti starfsemi þess
á liðnum vetri. Haldnir voru
mánaðarlegir rabbfundir á
Heilsugæslustöðinni í Keflavík
og var hverju sinni tekið fyrir
sérstakt umræðuefni, t.d. mat-
aræði móður með barn á brjósti;
hvernig, hvenær hætta eigi
brjóstagjöf; áhrif útivinnandi
foreldra á brjóstagjöfo.fl. Hafa
þessir fundir verið vel sóttir og
geta foreldrar komið og skipt á
skoðunum sínum.
Síðan höfum við fengið
reglulega fýrirlesara í heim-
sókn og eiga þeir þakkir fyrir
óeigingjarnt starf í þágu fél-
agsins.
í haust komu í heimsókn
Anna Helgadóttir, kvensjúk-
dómalæknir, og talaði hún um
fósturlát, Ingi Gunnlaugsson,
tannlæknir, talaði um tann-
hirðu barna. Eftir áramót kom
svo Sólveig Þórðardóttir, Ijós-
móðir, og talaði hún um and-
legar breytingar tengdar með-
göngu og fæðingu. Hafa þessir
fyrirlestrar verið vinsælir og
gestir farið heim, fullir fróð-
leiks.
Félagar úr Börnin og við fara
vikulega í heimsókn á fæðing-
ardeildina í Keílavík og kynna
félagið fyrir sængurkonum.
Félagið hefur verið að vinna að
fræðslumynd um brjóstagjöf í
samvinnu við RUV er sýnd
verður í fræðsluvarpinu á
komandi hausti. Megi krabba-
meinsdeildin á Suðurnesjum
hafa þakkir fyrir þann íjár-
stuðning er hún hefur veitt
okkur í þessa mynd.
Nú, svo er það laugardagur-
inn. Fundurinn verður hald-
inn í Iðnsveinafélagshúsinu
við Tjarnargötu kl. 13:30 og
mun Herdís hjúkrunarfr.
koma og fræða okkur um and-
legar breytingar á tíðarhringn-
um. Fram fara venjuleg aðal-
fundarstörf og boðið upp á
kaffi og kökur. Allir velkomn-
ir.
Stjórnin
Keflavíkurbær - Ný þjónusta
LOSUNARSVÆÐI
Við Áhaldahús Keflavíkur
hefur verið komið fyrir tveim gámum sem hægt er að losa
rusl í utan opnunartíma Sorpeyðingarstöðvarinnar.
Ofan Iðavalla, norðan við íþróttasvæði
er merkt svæði og þar má losa jarðvegsefni (ekki rusl).
Nánari upplýsingar veittar í Áhaldahúsi Keflavíkur, síma
11552.
Bæjarverkstjóri