Víkurfréttir - 26.05.1989, Side 4

mw
KEFLAVÍK 40 ÁRA
juiUt
SUÐURNES
cr framtíðar
fcrðamannastaður
- segir Steinþór Júlíusson, hótelstjóri Flug Hótels
„Suðurnesin hafa allt til að
bera til að verða framtíðar-
ferðamannasvæði og ég er
bjartsýnn á að svo eigi eftirað
verða. Við þurfum engu að
síður að vinna vel að því“ segir
Steinþór Júlíusson, hótelstjóri
á FLUG HÓTELI í Keflavík.
Flug Hótel opnaði á þjóð-
hátíðardag Islendinga, 17. júní
1988. Byggingaverktakar
Keflavíkur hf. byggðu þetta
glæsilega hús og eiga það en
fjölskyldu'fyrirtækið St.Júl.
Co. h.f. leigir það og rekur
hótelið alfarið á sína ábyrgð.
„Þetta gerðist allt með mjög
stuttum fyrirvara“ segir Stein-
þór, sem er fyrrum bæjarritari
og bæjarstjóri í Keflavík. „Það
hefur háð okkur örlítið að við
náðum ekki að koma síma-
númerinu okkar í símaskrá en
engu að síður náðum við mjög
þokkalegri nýtingufyrstaárið.
Og það sem af er þessu ári hef-
ur verið mjög góð nýting.
Þannig að maður getur ekki
verið annað en bjartsýnn. Það
hefur sýnt sig að það var mikil
þörf fyrir svona hótel hérna.“
Flug Hótel hefur 39 tveggja
manna herbergi og 3 svítur.
Allur búnaður er eins og best
gerist og í hverju herbergi er
sími, útvarp, sjónvarp, sem
tekur við sendingum gervi-
hnatta, og einkabar. Að sjálf-
sögðu er einnig bað eða sturta í
hverju herbergi. Á hótelinu er
fyrsta flokks veitingasalur og
bar svo og fullkomin aðstaða
fyrir hvers kyns ráðstefnur,
fundi og veislur. Bílgeymsla er
í kjallara hótelsins. Auk þess er
í hótelinu bílaleiga og banki og
svo er þar umboð fvrir ferða-
skrifstofuna SÖGU.
En hverjir gista aðallega á
Flug Hóteli? „Utlendingareru
80-90% hótelgesta, alla vega
ennþá,“ segir Steinþór, „það
er mikið um áhafnir og flugfar-
þega og gesti sem tengjast
flugtraffikinni. Það er smám
saman að aukast að Islending-
ar af höfuðborgarsvæðinu og
utan af landi komi og gisti hér
nóttina áður en haldið er í flug.
Eg tel þetta mjög ákjósanlegt
fyrir fólk því það er ólíkt þægi-
legra að vera aðeins í 10 mín-
útna fjarlægð frá flugstöðinni
heldur en að þurfa að keyra
Reykjanesbrautina, eins og
hún nú er og í ótryggu veður-
fari. Við fylgjumst með flug-
áætlun fyrir þetta fólk og því
þarf ekki að rjúka upp eftir of
snemma ef það er t.d. seinkun
á flugi.“
Þegar Steinþór var spurður
um framtíðarhorfur í ferða-
mannaiðnaði á Suðurnesjum
sagði hann að nauðsynlega
þyrfti að stofna ferðaþjónustu
eða skrifstofu, sérstaklega fyr-
ir Suðurnesjasvæðið. „Við
höfum allt hérna, náttúrufeg-
urð, áhugaverða staði og alla
þjónustu og loks það sem
lengst af vantaði, hótelgist-
ingu. Það þarf einhvern aðila
til að skipuleggja og standa
fyrir kynningu á svæðinu, geta
skipulagt og séð um ráðstefn-
ur og heimsóknir svo eitthvað
sé nefnt. Samband sveitarfél-
aga, fyrirtæki, hótelin og fleiri
gætu átt þetta fyrirtæki saman
en hver svo sem ræki þetta, þá
er þörf fyrir þessa þjónustu.
Við getum ekki ætlast til að
ferðamannaiðnaður rísi hér af
sjálfum sér. Það þarf að vinna í
því að gera Suðurnes að eftir-
sóttu ferðamannasvæði í fram-
tíðinni“ sagði Steinþór Júlíus-
son, hótelstjóri á Flug Hóteli,
að lokum.