Morgunblaðið - 08.12.2015, Blaðsíða 4

4 FRÉTTIRInnlent
MORGUNBLAÐIÐ ÞRIÐJUDAGUR 8. DESEMBER 2015
Guðni Einarsson
gudni@mbl.is
Fá skip voru á sjó við landið í gær-
kvöldi og höfðu ekki verið færri frá
því á aðfangadag í fyrra, að sögn
starfsmanns Vaktstöðvar siglinga í
gærkvöldi.
Skipin voru flest ýmist komin til
hafnar, í var eða voru á leið til hafn-
ar eða í var. Eitt línuskip sigldi
nærri landi vestur með suðurströnd-
inni á leið til Grindavíkur. Þrjú flutn-
ingaskip voru suður af landinu, eitt á
leið til landsins og tvö á leið héðan til
hafna í Evrópu. Þau héldu öll ágætis
ferð á siglingunni þrátt fyrir að vera
í óveðrinu. Sjórinn virtist ekki vera
búinn að rífa sig upp á þeim slóðum
þrátt fyrir storminn. Einnig höfðu
nokkur flutningaskip leitað vars inni
á Faxaflóa og lagst þar við akkeri og
eins á fjörðum fyrir austan.
Flestir togararnir voru komnir í
var eða búnir að fikra sig nær landi
svo stutt væri að kippa í var.
Í gærmorgun var mökkur af
skipum að veiðum á Grænlands-
sundi, út af Vestfjörðum. Í gær-
kvöldi voru þau öll farin þaðan.
Mörg voru komin nær landi eða í
var. Þrír togarar voru undir Grænu-
hlíð í Ísafjarðardjúpi og fimm stór
fiskiskip í vari inni á Dýrafirði. Þá
voru nokkur skip skammt frá Pat-
reksfirði.
Austan við landið voru nokkur
íslensk fiskiskip á miðunum austur
af Gerpi. Einn færeyskur bátur var
á miðunum út af Berufirði.
Flotinn sigldi að mestu í
land eða í var í gærkvöldi
Morgunblaðið/Árni Sæberg
Íslandsmið Flestir forðuðu sér til hafnar eða í var áður en veðrið brast á.
 Ekki hafa færri
verið á sjó síðan
á aðfangadag
Sigurður Bogi Sævarsson
sbs@mbl.is
Flestum verslunum og opinberum
stöðum á höfuðborgarsvæðinu og
raunar víðar var lokað strax síðdegis
í gær vegna veðurofsans sem þá var
í aðsigi. Svo virðist sem margir hafi
ákveðið að birgja sig upp af mat-
vælum fyrir kvöldið í ljósi þess að
fólki er ráðlagt að vera ekki á ferli
og spáin ekki góð. Öllum verslunum
Bónuss var lokað klukkan 16:30 og
Krónubúðunum hálftíma síðar.
Klukkubúðir og bensínstöðvar voru
þó opnar og margir lögðu leið sína
þangað.
Verslun í gær var eins og á hefð-
bundnum föstudegi, sagði Róbert
Þór Jónasson, vaktstjóri Krónunnar
í Lindum, í samtali við mbl.is um
miðjan dag í gær. Ekki kom til þess
að hillur tæmdust, þar sem starfs-
menn í búðinni fylltu reglulega á. Í
mörgum fleiri verslunum var mikill
asi og innkaup viðskiptavina voru
rífleg. Sumum þótti nóg um.
Sjö ára hungursneyð
„Fór inn í matvöruverslun í dag
og hélt að sjö ára hungursneyð væri
að byrja. Slíkur var atgangurinn og
hamstrið. Troðfullar kerrur og hillur
jafnvel tómar. Sjálfum leið mér eins
og hálfgerðum aumingja með smá
fisk og grænmeti í minni kerru. Veð-
urspáin er vissulega slæm en er ekki
rétt að róa sig aðeins?“ sagði Karl
Garðarsson alþingismaður á vegg
sínum á Facebook. Margir fleiri sem
lögðu orð í belg á félagsmiðlum töl-
uðu á svipuðum nótum.
Á höfuðborgarsvæðinu var öllu
íþrótta- og tómstundastarfi kvölds-
ins aflýst og ferðir Strætó voru
stöðvaðar kl. 18. Þá féll síðdegisvakt
á heilsugæslustöðvum niður, sund-
laugar og söfn voru lokuð og svo
mætti áfram telja.
Skólastarf í skoðun
Starf í skólum á höfuðborg-
arsvæðinu var í gær samkvæmt
áætlun, en foreldrum var gert að
sækja börnin í skólana þegar starfi
þeirra lauk klukkan 16. Í dag verða
skólar opnaðir í morgunsárið en
börn og foreldar gætu þó átt erfitt
með að komast þangað, ef veðrið
verður ekki gengið niður. Því er fólk
beðið um að fylgjast með tilkynn-
ingum á vefmiðlum og í útvarpi,
bæði hvað varðar skólastarf og aðra
þætti hins daglega lífs sem hafa
raskast í veðurofsanum sem nú
gengur yfir landið.
Fullar kerrur
og hillur tómar
 Verslunum lokað og fáir voru á ferli
Morgunblaðið/Eggert
Verslun Flestir staðir voru lokaðir í gærkvöldi, en klukkubúðirnar opnar.
Undir kvöld í dag má gera ráð fyrir
að víða um land verði komið þokka-
legasta veður. Lægðin sem skapað
hefur ofsaveðrið sem gekk yfir land-
ið í gær og nótt verður klukkan 15 í
dag komin út fyrir Breiðafjörð, inn á
Grænlandssund og farin að grynnast
og fjarlægjast landið.
„Á vestanverðu landinu gæti orðið
allhvasst síðdegis og fram undir
kvöld. Svo dettur þetta niður þegar
líður á. Austurland ætlar að sleppa
mjög vel frá þessu veðri,“ segir
Theódór Freyr Hervarsson, veður-
fræðingur hjá Veðurstofu Íslands, í
samtali við Morgunblaðið.
Theódór gerir ráð fyrir að fram
eftir degi í dag verði nokkuð hvasst á
Vestfjörðum og Norðurlandi, en svo
fari að lygna. Allt skapist þetta af
lægðinni sem gengur yfir landið, sem
dýpst hefur orðið 947 millibör. Það
sem annars hefur skapað óveðrið er
samspil lægðarinnar og hæðarhyggs
fyrir norðan landið. Hryggurinn hef-
ur verið fyrirstaða lægðarinnar og af
því hefur skapast sú vindröst sem
blásið hefur um landið síðasta sólar-
hringinn eða svo.
Veðurstofan gaf í gær út viðvörun
vegna snjóflóðahættu á þremur stöð-
um á landinu, það er á norðanverð-
um Vestfjörðum, utanverðum
Tröllaskaga og Austfjörðum. Þar
segir að í norðaustanáttinni í nótt
hafi fylgt snjókoma með snjósöfnun í
fjallshlíðum sem snúa undan veðr-
inu. Það skapi hættu og eins að nú
þegar lægðin gengur yfir landið er
sunnanátt með stormi, rigningu og
slyddu að bresta á. sbs@mbl.is
Skjáskot/earth.nullschool.net
Veður Svona leit lægðin út í gærkvöldi, en þá var hún í miklum styrk yfir landinu og áhrifanna gætti víðast hvar.
Lægðin grynnist
og fjarlægist landið
 Hvasst verður á vestanverðu landinu alveg fram á kvöld
Morgunblaðið/Júlíus
Yfirstjón Samhæfingarstöð Almannavarna var virkjuð í gærdag.
Allt flug til og frá landinu féll niður
eftir klukkan 16 í gær. Flutninga-
vélar sem fara áttu í loftið undir
kvöldið héldu kyrru fyrir og flug-
vélar Icelandair sem áttu að koma
frá London og Kaupmannahöfn eru
ekki væntanlegar fyrr en í dag.
Farþegum sem komnir voru á
Keflavíkurflugvöll í gærkvöldi var
tryggð gisting á hótelum og þeim
fáu sem höfðust við í Leifsstöð átti
að tryggja bærilegan aðbúnað.
Raunar var lítið hægt að fara því
um kvöldmatarleytið var Reykja-
nesbraut lokað enda ekki neitt
ferðaverður þar, frekar en annars
staðar á landinu.
Ekki lá ljóst fyrir í gærkvöldi
hvort flug Icelandair nú að morgni
dags héldi áætlun, það er komur
Ameríkuvélanna og brottfarir til
Evrópu. Flugfélag Íslands aflýsti
öllu sínu flugi eftir miðjan morgun í
gær, en áður höfðu verið farnar
tvær ferðir til Akureyrar og ein á
Egilsstaði. Svipaða sögu er að segja
af Erni; farnar voru fáeinar ferðir í
bítið en eftir það var sjálfhætt.
Þó ekki væri flogið um Keflavík-
urflugvöll í gærkvöldi var nokkur
umferð á íslenska flugstjórn-
arsvæðinu. Þannig mátti sjá á vefn-
um flightradar24.com hvar meðal
annars vélar frá Norwegian voru á
leiðinni frá Norðurlöndunum til
Bandaríkjanna í 40 þúsund fetum,
og þá ofar öllum vindum. sbs@mbl.is
Allt flug úr skorðum
vegna óveðursins
 Þotur yfir landinu í 40 þúsund fetum
Morgunblaðið/Sigurður Bogi
Þota Bæði innanlands- og milli-
landaflug hefur raskast mikið.