Morgunblaðið - 05.02.2016, Síða 17

FRÉTTIR 17Innlent
MORGUNBLAÐIÐ FÖSTUDAGUR 5. FEBRÚAR 2016
NORSKIR BRJÓSTDROPAR
RÓAR HÓSTA, DREGUR ÚR SÁRSAUKA Í HÁLSI
OG LOSAR UM Í ENNIS- OG KINNHOLUM.
DANSKIR BRJÓSTDROPAR
MÝKIR HÁLSINN OG STILLIR ÞRÁLÁTAN HÓSTA.
FÁST Í NÆSTA APÓTEKI
AUÐUNN JÓNSSON KRAFTLYFTINGAMAÐUR
DANSKIR FYRIR STERKA. NORSKIR FYRIR STERKARI!
ÞÚF
ÆRÐ
VÉLS
LEÐA
-
FATN
AÐIN
NHJ
ÁOK
KUR
STORMUR EHF | KLETTHÁLSI 15 | S: 577 1717 | WWW.STORMUR.IS
Sigurður Bogi Sævarsson
sbs@mbl.is
Óánægja er meðal fyrrverandi skip-
verja á varðskipum Landhelgisgæsl-
unnar vegna dagskráratriðis á
Safnanótt sem vera átti um borð í
varðskipinu Óðni. Sem kunnugt er
liggur hið gamla
skip, Óðinn, við
Grandagarð í
Reykjavíkurhöfn
og er hluti af sýn-
ingum safnsins,
hvar bryddað
verður upp á
ýmsu vegna
Safnanætur. Þar
á meðal er atriðið
Morð um borð,
sem vera átti í
kvöld. Eftir að athugasemdir vegna
þessa bárust forsvarsmönnum Borg-
arsögusafnsins var í gærkvöldi
ákveðið að blása fyrirhugað
skemmtiatriði af.
Margir liðu þjáningar
Það sem varðskipsmönnum hefur
runnið til rifja í þessu sambandi er
að snemma í janúar 1980 varð sá
harmleikur að tveir ungir menn voru
stungnir til bana um borð í varðskip-
inu Tý af þriðja manninum sem eftir
verknaðinn varpaði sér fyrir borð og
fannst aldrei. Sá hafði í eldhúsi
skipsins gripið stóran hníf sem hann
stakk í kvið skipsfélaga sinna sem
blæddi út. Þykir mönnum nú sem
leikurinn hefði farið of nærri voveif-
legum atburði sem hafi reynt á alla
sem til þekktu.
„Mér finnst þetta afar ósmekk-
legt. Ég þekkti til gerandans og
þessi atburður tók mjög á starfs-
menn Gæslunnar og marga fleiri.
Sjálfur átti ég erfitt með svefn lengi
eftir þetta og ég vissi að margir liðu
þjáningar vegna þessa,“ segir Ing-
ólfur Kristmundsson sem í áraraðir
var vélstjóri á varðskipunum. Hann
er jafnframt í samtökunum
Hollvinir Óðins, en félagar þar
hafa gjarnan staðið vaktina í skipinu
og sagt frá þorskastríðum og öðru á
Hátíð hafsins og við önnur tilefni.
„Vinsælir í samkvæmum“
Starfsfólk Sjóminjasafnsins sendi
hollvinum Óðins í gær bréf þar sem
þeim var kynntur morðingjaleik-
urinn svokallaði. Það var gert áður
en því bárust skilaboð frá varðskips-
mönnunum fyrrverandi um að of
langt væri gengið. „Svona leikir hafa
verið mjög vinsælir í samkvæmum
en þá með öðru sniði. Þessi er
byggður upp sem ratleikur og við
reynum að koma smá upplýsingum
um skipið í leiðinni,“ segir í bréfinu.
Þar er tilgreint að „líki“ hafi verið
komið fyrir í vélarrúmi. Þar verði
einnig að finna blóðugt kökukefli og
það gefi vísbendingu um að leita
næst í eldhúsi. Hver vísbendingin
leiði aðra uns gátan sé ráðin.
„Ég kem framvegis ekki nærri
neinu sem tengist Óðni ef Sjóminja-
safnið tekur þetta atriði ekki af dag-
skránni,“ segir Ingólfur. „Í fyrstu
taldi ég að safnafólk væri að grínast
en því virðist vera fúlasta alvara.
Þetta er brenglað hugmyndaflug.
Það er hneykslanlegt að hinum
hræðilega atburði í varðskipinu
bregði nú fyrir sem skemmtiatriði.“
Blásið af
Í samtali sagði Guðbrandur Bene-
diktsson, forstöðumaður Borgar-
sögusafns, að þegar athugasemdir
varðskipsmannanna fyrrverandi
bárust síðdegis í gær hefði þótt sjálf-
sagt að endurskoða málið, sem var
og gert. Safnafólk hefði ekki þekkt
til atburðarins árið 1980.
„Leikurinn Morð um borð verður
ekki í Óðni á Safnanótt. Við höfum
blásið þetta af,“ sagði Guðbrandur
við Morgunblaðið í gærkvöldi.
Voru ósáttir með morðleik í Óðni
 Ratleikur Sjóminjasafnsins á Safnanótt, Morð um borð, var tekinn af dagskrá í gærkvöldi  Ýfir upp
sár eftir harmleik sem varð fyrir 36 árum um borð í Tý  Fyrrverandi varðskipsmenn voru ósáttir
1980 Frásögn Morgunblaðsins af harmleiknum um borð í Tý fyrir rúmum 36 árum. Skipið var djúpt norður af landinu þegar þetta gerðist.
Morgunblaðið/Sigurður Bogi
Grandinn Varðskipið Óðinn er hluti af sýningu Sjóminjasafnsins. Framar á myndinni er dráttarbáturinn Magni.
Ingólfur
Kristmundsson