Morgunblaðið - 31.08.2016, Qupperneq 51

MIÐVIKUDAGUR 31. ÁGÚST 2016 MORGUNBLAÐIÐ 51
Vísir hf. í Grindavík hefur gert hlé á túnfiskveiðum, en búið
er að landa 17 fiskum, alls um 3,2 tonnum. Þokkalega
veiddist í fyrstu tveimur túrunum, en Jóhanna Gísladóttir
GK hélt til veiða í byrjun mánaðarins. Enginn afli fékkst
hins vegar í þriðja túrnum og var því ákveðið að gera hlé á
veiðunum, en athuga stöðuna þegar kæmi lengra fram á
haustið. Skipið kom úr síðasta túrnum á miðvikudags-
morgun í síðustu viku og hélt strax um kvöldið til línuveiða
á botnfiski.
Pétur H. Pálsson, framkvæmdastjóri Vísis hf. í Grindavík,
segir að svo virðist sem túnfiskurinn sé að slægjast eftir
smokkfiski í ætisleit sinni á norðurslóðir. Í fyrra hafi
smokkur verið í maga fisksins, en í ár hafi þar einkum
fundist geirnyt og kolmunnakvarnir. Ekkert hafi fundist af
makríl í maga hans.
Í fyrra landaði Jóhanna Gísladóttir um 27 tonnum af
túnfiski, hátt í 150 fiskum, sem sendir voru með flugi á
markað í Japan. Í ár var túnfiskkvótinn aukinn og komu 37
tonn í hlut Vísis af þeim 43 tonnum sem Ísland fékk út-
hlutað. Afgangurinn var tekinn frá fyrir meðafla skipa á
makrílveiðum og hefur Vilhelm Þorsteinsson EA landað
700 kílóum og Börkur NK 220 kílóum. Í fyrra komu 32
tonn í hlut Vísis í upphafi en veiðarnar voru stöðvaðar þeg-
ar landað hafði verið 27 tonnum vegna þess að meðaflinn
fór yfir markið.
aij@mbl.is
Enginn má við margnum Mikið gengur á þegar túnfskurinn er dreginn inn á dekkið og hann er síðan aflífaður.
Gera hlé á túnfiskveiðum
Bjartur NK kom á sunnudag úr sinni
síðustu veiðiferð fyrir Síldarvinnsl-
una í Neskaupstað. Ráðgert er að af-
henda skipið írönskum kaupanda í
Reykjavík um næstu mánaðamót.
Bjartur hefur verið gerður farsæl-
lega út frá Neskaupstað frá árinu
1973, en skipið er einn af hinum svo-
nefndu Japanstogurum.
Hann var smíðaður fyrir Síldar-
vinnsluna í Niigata, hleypt af stokk-
unum 25. október 1972 og afhentur
Síldarvinnslunni 12. janúar 1973. Til
heimahafnar í Neskaupstað kom
hann í fyrsta sinn 2. mars 1973 eða
fyrir liðlega fjörutíu og þremur ár-
um.
Skipstjóri á Bjarti í síðustu veiði-
ferðinni var Steinþór Hálfdanarson.
Frá þessu er greint á heimasíðu
Síldarvinnslunnar. Þar er einnig
greint frá því að togarinn Barði NK
hélt til Akureyrar sl. sunnudag en
þar verður frystibúnaður á vinnslu-
dekki tekinn úr skipinu að stærstum
hluta og fluttur yfir í Blæng NK. Í
stað frystibúnaðarins verður búnaði
til meðhöndlunar á ísfiski komið fyr-
ir í Barða. Ráðgert er að þessum
framkvæmdum í Barða verði lokið
seint í septembermánuði og þá haldi
hann til ísfiskveiða.
Blængur verður einnig útbúinn á
ísfiskveiðar, en einnig útbúinn til að
geyma frystar afurðir í lest á brett-
um. Blængur ætti að geta hafið veið-
ar að þessum framkvæmdum lokn-
um í lok októbermánaðar. Slippurinn
á Akureyri sér um þessar fram-
kvæmdir í skipunum.
Eins og greint hefur verið frá er
verið að selja togarann Bjart NK til
Írans. Mun áhöfnin á honum flytjast
yfir á Barða en áhöfnin sem verið
hefur á Barða flytjast yfir á Blæng.
aij@mbl.is
Ljósmynd/Síldarvinnslan/ Hákon Ernuson
Í brúnni Steinþór Hálfdanarson, skipstjóri á Bjarti, fyrir síðustu veiðiferðina.
Bjartur seldur frá Nes-
kaupstað til Írans