Morgunblaðið - 13.09.2016, Side 4

4 FRÉTTIRInnlent
MORGUNBLAÐIÐ ÞRIÐJUDAGUR 13. SEPTEMBER 2016
Láttu okkur ráða
Elja starfsmannaþjónusta 4 150 140 elja.is elja@elja.is
Þarftu að ráða
matreiðslumann?
Börkur Gunnarsson
borkur@mbl.is
„Það er ýmislegt í umhverfinu á Ís-
landi sem er gott fyrir svona prufu-
keyrslur á bílum. Hér er bæði kalt
og heitt, við söndum götur og við
söltum þær. Við erum góður til-
raunastaður fyrir bíla,“ segir Krist-
ján Daníelsson, forstjóri Reykjavik
Excursions eða Kynnisferða ehf.
En nýlega tók fyrirtækið tveggja
hæða rútu af gerðinni VDL Futura
FDD2 í notkun. Þetta er ekki aðeins
fyrsta slík rúta á Íslandi heldur í
allri Norður-Evrópu. Rútan er 92
sæta. Fyrirtækið hefur á stuttum
tíma keypt 70 hópferðabíla til lands-
ins.
Framfarir í öryggi farþega
„VDL er stórt fyrirtæki í Hol-
landi og við höfum verið að kaupa
þessa Futura-gerð af hópferðabílum
af þeim.
Þetta eru gríðarlega skemmti-
legir bílar. Þessi týpa er með mikið
af aukahlutum og miklar framfarir í
honum hvað varðar öryggi farþega.“
Ef þið eruð að bæta við ykkur 70
hópferðabílum, hvað eru þetta eig-
inlega margir bílar sem eru hjá fyr-
irtækinu?
„Við erum með á annað hundrað
bíla ef strætisvagnarnir eru taldir
með.
En þótt við höfum verið að kaupa
svona margar bifreiðar þá höfum við
verið að selja eldri rúturnar okkar á
móti. Við erum með mjög nýlegan
bílaflota.“
Flatur rekstur allt árið
Nú hlýtur mikil eftirspurn að
vera eftir rútum á ákveðnum tímum
yfir sumarið eða þegar skemmti-
ferðaskip koma, en er ekki erfitt að
láta þetta ganga upp allan ársins
hring?
„Við höfum ekkert verið mikið í
því að sinna skemmtiferðaskip-
unum. Við erum í öðruvísi rekstri,
við leigjum lítið af rútum út. Þetta
er stöðugt hjá okkur, flatur rekstur
eins og það kallast. Ferðir í Bláa
lónið eru allt árið, Flugrútan gengur
allt árið.
Við reynum að hafa reksturinn
þannig að við lágmörkum sveiflur.“
Veltan fjórfaldast síðan 2011
En hefur ekki orðið sprenging í
innflutningi á rútum, samsvarandi
þessari sprengingu í túrismanum
frá og með árinu 2009?
„Jú, innflutningur á hópbifreiðum
hefur aukist mikið, sérstaklega síð-
ustu tvö ár, við höfum einnig flutt
mikið inn en höfum lagt áherslu á
betri sætanýtingu. Veltan hefur
margfaldast en bílaflotinn ekki
nema tvöfaldast.“
Eruð þið ekkert hræddir um að
þegar þið eruð búnir að fjárfesta
svona mikið geti ferðamanna-
straumurinn snarminnkað?
„Við óttumst ekki að hann minnki
mikið, en það mun án vafa hægjast á
aukningunni. Ég hefði satt að segja
ekkert á móti því.
Þetta er búið að vera mjög mikil
áreynsla á innviðina.“
Sætanýtingin betri núorðið
Þegar maður heyrir í hálend-
isleiðsögumönnum þá eru þeir mjög
á móti massatúrisma og vilja meina
að aðeins rútufyrirtækin og flug-
félögin vilji slíkt?
„Ég held að þetta sé rangtúlkun,
en jú, sætanýtingin er betri hjá okk-
ur þegar það eru margir ferðamenn.
En okkar vegna mega þeir vera
færri. En það verður að vera ákveð-
inn fjöldi ferðamanna til að það sé
hægt að reka þessa innviði.
Það er búið að vera sprenging í
stofnun rútufyrirtækja undanfarin
ár. Það er samkeppni þar einsog
annarstaðar,“ segir Kristján.
 Kynnisferðir voru að kaupa 70 nýjar hópferðabifreiðar til landsins  Hópferðabifreiðaflotinn er
kominn yfir 2.700 stykki  Ferðamannasprengjan hefur komið á blómatíma hjá rútufyrirtækjunum
Rútufyrirtækin blómstra
Morgunblaðið/Jakob Fannar
Stórar rútur Nýlega tóku Kynnisferðir í notkun tveggja hæða rútu.
Ekki er ljóst hvenær niðurstöður
fást úr rannsóknum á veirusýkingu
sem lagst hefur á júgur hreinkúa,
samkvæmt upplýsingum frá Mat-
vælastofnun.
Talið er að um sé að ræða orf, sem
einnig er nefnt smitandi munnang-
ur, kindabóla eða sláturbóla. Leið-
sögumenn með hreindýraveiðum
óttast að hún verði til þess að sumar
kúnna geti ekki mjólkað kálfum sín-
um.
Hákon Hansson, dýralæknir og
formaður hreindýraráðs, telur mik-
ilvægt að ástæða smitsins finnist.
Hann telur líklegast að um sé að
ræða orf, eða smitandi munnangur.
Sjúkdómur sá hafi verið landlægur í
sauðfé um allt Austurland um ára-
tuga skeið. Hann telur nánast
öruggt að munnangrið berist í hrein-
dýr, en hefur ekki trú á að það valdi
vandræðum nema það berist á júgur
hreinkúa meðan þær mjólka mest.
Hugsanlega hafi sjúkdómurinn verið
í hreindýrunum
þótt menn hafi
ekki tekið eftir
því, þar sem ein-
kennin ganga yfir
á fjórum vikum.
Menn geta
smitast af sjúk-
dómnum og legg-
ur Hákon áherslu
á að aldrei ætti að
snerta hrúður af völdum smitandi
munnangurs með berum höndum.
Hákon sagði að óvænt væri að
sjúkdómurinn kæmi upp í hreinkúm
á þessum tíma, en líklega væri
haustið besti tíminn til að smitast.
Sjúkdómurinn gengi yfir á 4-6 vikum
og væntanlega mynduðu hreindýrin
þá ónæmi. Hákoni finnst að hann
hafi séð ljótari tilfelli af smitandi
munnangri á undanförnum árum en
áður. Honum hefur dottið í hug að
hingað hafi borist nýr veirustofn, en
það er aðeins tilgáta. gudni@mbl.is
Orsök smits í hrein-
dýrum ekki ljós
Hákon Hansson
 Líklega er þetta smitandi munnangur
Sigurður Bogi Sævarsson
sbs@mbl.is
Látið var fjúka í kviðlingum þegar
réttað var í Undirfellsrétt í Vatnsdal
í Austur-Húnavatnssýslu um
helgina. Dómkirkjuprestarnir
Sveinn Valgeirsson og Hjálmar
Jónsson fóru þangað og hjálpuðu
Árna Bragasyni bónda í Sunnuhlíð
að draga féð, en Árni átti um 1.300
fjár á fjalli að þessu sinni. Mæting
prestanna vakti eftirtekt og af þessu
tilefni orti Magnús Ólafsson, bóndi á
Sveinsstöðum í Þingi, svo og var
ekki lengi að:
Einbeittir á svip að sjá
sinna mörgu hér á jörð
þessir guðsmenn glöddust hjá
góðbændum og sauðahjörð.
Drógum féð sundur og saman
Og þessu svaraði sr. Hjálmar
Jónsson – víðþekktur vísnasmiður –
svo að bragði með smellinni limru:
Að vera í Vatnsdal er gaman
eins og vel sést á mynd hér að fram-
an.
Í Undirfellsréttum,
við ermar upp brettum,
og drógum féð sundur – og saman.
„Ég fer stundum í réttir á haustin,
stundum í Tungnaréttir, en í Bisk-
upstungum er ég einmitt fæddur.
Það eru hins vegar mörg ár síðan ég
hef farið norður í réttir þar,“ sagði
sr. Hjálmar Jónsson. „Árni í Sunnu-
hlíð er frændi minn af Bólu-
Hjálmarsætt og hann var nemandi
okkar Signýjar Bjarnadóttur konu
minnar þegar við kenndum við
Húnavallaskóla. Það var á fyrstu
prestsskaparárum mínum þegar ég
þjónaði í Húnavatnssýslu og sat þá í
Bólstað í Svartárdal. Þá hef ég einn-
ig á stundum farið í réttir í Skaga-
firði, þar sem ég var prestur í 15 ár.“
Með Hjálmari í réttarferðinni nú
var auk Signýjar, samstarfsmaður
hans, sr. Sveinn Valgeirsson dóm-
kirkjuprestur og eiginkona hans,
Ásdís Auðunsdóttir frá Marðarnúpi í
Vatnsdal.
Með góðu og glaðværu fólki
„Þessi réttarferð var að undirlagi
Ásdísar, sem er gömul skólasystir
og nágranni Árna. Hún hefur tekið
til hendinni við sauðburðinn síðustu
vorin hjá Árna og séra Sveinn hefur
að sjálfsögðu komið þar fyrr. Ég fór
raunar víðar um helgina. Árni þurfti
að senda mann til að draga í Víði-
dalstungurétt á laugardaginn og
varð það úr að við sr. Sveinn fórum
báðir að draga fé fyrir Ás- og
Sveinsstaðahreppana gömlu,“ segir
sr. Hjálmar og heldur áfram. „Í
þessum réttum hitti ég fjölda fólks
sem ég kynntist á árunum í Húna-
þingi og þegar ég var þingmaður
kjördæmisins. Þetta var skemmtileg
helgi með góðu og glaðværu fólki.“
Ljósmynd/Magnús Ólafsson
Sveitastörf Prestarnir sr. Sveinn Valgeirsson til vinstri og Hjálmar Jónsson. Milli þeirra er Árni Bragason.
Guðsmenn glöddust
hjá góðbændunum
 Dómkirkjuprestarnir í Reykjavík gerðu víðreist og fóru í
réttir nyrðra  Vísur flugu milli manna í Vatnsdalsréttum
Samkvæmt tölum frá Sam-
göngustofu má sjá að rútum
og öðrum hópferðabifreiðum á
Íslandi hefur fjölgað töluvert.
Það sem af er árinu hafa
340 hópbifreiðar verið ný-
skráðar og er september rétt
byrjaður.
Af þessum 340 nýskráðu
eru 205 innfluttar og glænýjar
og 135 innfluttar notaðar.
Hópbifreiðaflotinn er orðinn
það stór að á skrá eru 2.775
hópbifreiðar og af þeim eru
2.202 í umferð, það er á núm-
erum í augnablikinu.
Til viðmiðunar við núverandi
töluna 2.775 voru 1.711 hóp-
bifreiðar skráðar í árslok
2001.
Í árslok 2006 voru skráðar
hópbifreiðar 1.929.
340 rútur
nýskráðar
NÓG AF RÚTUM FLUTT TIL
LANDSINS Í ÁR