Morgunblaðið - 13.09.2016, Side 29

DÆGRADVÖL 29
MORGUNBLAÐIÐ ÞRIÐJUDAGUR 13. SEPTEMBER 2016
www.smyrilline.is
Stangarhyl 1 · 110 Reykjavík
Sími: 570-8600 · info@smyril-line.is
Taktu
bílinn með
til Færeyja og Danmerkur 2016
Færeyjar
2 fullorðnir með fólksbíl
Netverð
á mann frá 34.500
Danmörk
2 fullorðnir með fólksbíl
Netverð
á mann frá 74.500
Bókaðu
snemma til aðtryggja þér pláss.Þegar orðið fullt ísumar ferðir
í sumar.
Bókaðu
núna!
Stjörnuspá
21. mars - 19. apríl 
Hrútur Líkur sækir líkan heim og því eru eig-
inleikar þeirra sem þú sækist eftir ágætis vís-
bending um það hvernig þú ert. Vertu opinn
fyrir nýjum tækifærum.
20. apríl - 20. maí 
Naut Lærðu að slappa af. Í stað þess að
dreifa þér skaltu einbeita þér að einu verki
eða einni manneskju í einu. Samvera í slíkum
félagsskap mun vafalaust veita þér mikla
gleði.
21. maí - 20. júní 
Tvíburar Vertu óhræddur við að hrinda hug-
myndum þínum um umbætur á heimilinu eða
innan fjölskyldunnar í framkvæmd. Sýndu til-
litssemi og sáttfýsi.
21. júní - 22. júlí 
Krabbi Ungbörn laðast að fólki sem brosir og
svo er líka yngjandi að brosa. Lágstemmd
verk eru vinsæl, eins og að sinna heimilis-
störfum, borga reikninga og gerast skipu-
lagður.
23. júlí - 22. ágúst 
Ljón Vertu ekki of fljótur til að slá hugmyndir
annarra af því ýmislegt gæti leynst í þeim þér
í hag. Sýndu sveigjanleika. Ekki hika eða
fálma.
23. ágúst - 22. sept. 
Meyja Heimili, fjölskylda og hefðbundin gildi
skipta þig miklu máli. Sjaldan veldur einn þá
tveir deila og þú skalt ganga fram fyrir
skjöldu með sáttaboð.
23. sept. - 22. okt. 
Vog Flanaðu ekki að neinu, heldur tékkaðu af
alla hluti og hafðu þitt á hreinu þegar þú gríp-
ur til aðgerða. Hnýttu lausa enda.
23. okt. - 21. nóv.
Sporðdreki Einhvers konar ringulreið leggst
yfir umhverfi þitt í dag og þú átt fullt í fangi
með að hafa þitt á hreinu. Auk þess ertu snill-
ingur ef þú færð sjálfur að ráða för.
22. nóv. - 21. des.

Bogmaður Þú ættir að reyna að hagræða
vinnuumhverfi þínu þannig að þú getir verið
sem mest út af fyrir þig í dag. Láttu samt öf-
und annarra ekki draga þig niður heldur láttu
sem ekkert sé.
22. des. - 19. janúar 
Steingeit Það hefur ekkert upp á sig að
ræða hlutina endalaust fram og aftur. Best er
að allir viti hvað um er að vera, því þá geta
allir lagst á eitt.
20. jan. - 18. febr. 
Vatnsberi Þú ættir að breyta út af vananum
á einhvern hátt í dag. Brosandi viðmót leiðir
til stórkostlegrar vellíðunar.
19. feb. - 20. mars

Fiskar Notaðu daginn til þess að ræða við
foreldra eða yfirboðara um það hvernig þú
nýtir aðstöðu þína sem best. Einhver gæti
tekið upp á því að nýta sér góðmennsku þína.
Fokking kosningar,“ skrifaði Ólaf-ur Stefánsson. „Mikil firn eru
þessi prófkjör hjá öllum flokkum. Eitt
mesta ólán þessarar þjóðar er að fara
í kosningar nú, þegar viðspyrna er til
að gera vel við alla hópa þjóðfélags-
ins og bæta innviði í staðinn fyrir að
skipta út nær öllum mannskap á
þingi og renna blint í sjó með nýja og
óvana áhöfn sem hvorki kann á
kompás né kabyssu. Svei, það er ekki
von að lán sé yfir þessu brölti:
Kvennaöldin kemst í strand,
karlar taka af skarið.
Heyrist út við svartan sand
suðað lágt um „bræðraband“.
Konum þykir „kynlega“ að farið.“
Á laugardaginn voru Staðarréttir í
Skagafirði. Gústi Mar. orti:
Trampólínin titra og ramba
týnist hey af sléttunum.
Fjárbændur úr flöskum þamba
fullir syngja í réttunum.
Þetta hreyfði við Ingólfi Ómari:
„Vel á minnst nú eru réttir að hefjast,
– þessa gerði ég einhvern tíma:
Sungið var af miklum móð
margan gladdi segginn.
Ærið kenndur oft ég stóð
upp við réttarvegginn.“
Ólafur Stefánsson hefur annað
sjónarhorn: „Eitthvað hefur of-
framboð á lambakjöti verið í um-
ræðunni og margar ástæður verið tí-
undaðar fyrir meintri sölutregðu og
birgðum af þessum ágæta þjóðar-
rétti.
Sauðfé kemur feitt af fjalli,
fagmenn velja ’ða.
Þá er eftir annar hjalli,
Það er að selja ’ða.“
Og Páll Imsland heilsaði Leirliði og
minntist þess í fjallskilatíðinni á
sunnudaginn að „Kristján í Stekk-
holti var endurvakinn í gær eins og
ávallt við réttir Tungnamanna. Þetta
er drusla, þ.e.a.s. veraldlegur kveð-
skapur sunginn við sálmalag. En
þetta er meir, þetta er teygð og toguð
limra. Hér er önnur óteygð sem
vaknaði undir hinni.
Hópast nú hundruð að réttum,
heilsast og inna að fréttum,
svo upphefja raust
líkt og umliðin haust
með andlitið afmyndað grettum.“
Ármann Þorgrímsson horfði á
sjónvarpið:
Greinilega önnur öld
er og kröfur breytast.
Fyrir því ég fann í kvöld,
fannst ég vera að þreytast.
Halldór Blöndal
halldorblondal@simnet.is
Vísnahorn
Af kosningum, réttar-
deginum og sölutregðu
Í klípu eftir Mike Baldwin eftir Jim Unger
„ÞÚ SAGÐIR MÉR AÐ SÝNA FRUMKVÆÐI
EF MIG SKORTI PENING, ÞANNIG AÐ ÉG
SELDI BÍLINN ÞINN.“
Hermann
Ferdinand
Hrólfur hræðilegi
Grettir
... einhver sem elskar
þig eins og þú ert.
ÍÞRÓTTA-
FÖT
MANSTU Í GAMLA DAGA ÞEGAR
OKKUR LEIDDIST ALLA DAGA?
JÁ JÁ
ÞETTA ER ALVEG
EINS OG ÞÁ
ÞAÐ ER GOTT AÐ VITA AÐ
VIÐ KUNNUM ÞETTA ENNÞÁ
ÞÚ ERT
MAÐURINN
SEGÐU KÓNGINUM AÐ ÉG
SÉ KOMINN TIL ÞESS AÐ
HEIMTA STÓRA VINNINGINN
Í LOTTÓINU HANS!
ERTU MEÐ
VINNINGS-
TÖLURNAR?
UM
300
MENN!
Víkverji mætir reglulega vörubíl-stjóranum knáa Sigga danska á
ferðum sínum um höfuðborgar-
svæðið. Bíllinn hans er vandlega
merktur. Hefur raunar stundum
furðað sig á yfirferðinni á kapp-
anum. Á dögunum fékkst skýring á
því. Víkverji mætti þá Sigga danska
tvisvar á svo að segja sömu mín-
útunni; á leið í gjörólíkar áttir. Siggi
danski er með öðrum orðum fleiri en
einn maður og jafnvel fleiri en tveir.
Alltént fleiri en einn vörubíll og jafn-
vel fleiri en tveir. Það skýrir yfir-
ferðina.
Víkverji hefur frá frumbernsku
haft mikið dálæti á vörubílum og
einkum og sér í lagi vörubílstjórum
og fagnar því framtaki stéttarinnar
að hafa nöfn bílstjóranna á skiltum í
framrúðu bílanna. Eitthvað krútt-
legt og persónulegt við það. Maður
mætir þá ekki bara vörubíl, heldur
Stjána, Bigga, Stebba eða Gísla. Á
skemmtilegasta skiltinu sem Vík-
verji hefur séð stendur skýrum stöf-
um: Helvítis kallinn. Mætur spéfugl
þar á ferð enda þótt Víkverji viti svo
sem engin frekari deili á honum.
Ætli hann sé skyldur Ljótu hálfvit-
unum?
x x x
Haukar, sem flestir spá Íslands-meistaratitlinum í handbolta í
vetur, fengu á lúðurinn í fyrsta leik
sínum; gegn ÍBV. Aðeins eitt lið tap-
aði með meiri mun í fyrstu umferð-
inni; Afturelding, sem varð í öðru
sæti mótsins síðasta vetur. Auðvitað
er varasamt að lesa of mikið í þessi
úrslit, mótið er rétt að byrja, en
mögulega verður deildin samt jafn-
ari en spekingar hafa gert ráð fyrir.
Aldrei meira fjör en þegar allir geta
unnið alla.
x x x
Víkverji sat hjá þegar Justin Bie-ber söng (eða ekki söng) fyrir
æsku þessa lands í Kórnum á dög-
unum enda enginn sérstakur aðdá-
andi kappans. Þó ber að fagna því að
hægt sé að halda svo stóra tónleika á
Íslandi og ætti það að verða tón-
leikahöldurum hvatning til að flytja
fleiri stórstjörnur hingað upp á sker-
ið í náinni framtíð. víkverji@mbl.is
Víkverji
Verið ekki hugsjúk um neitt heldur
gerið í öllum hlutum óskir ykkar
kunnar Guði með bæn og beiðni og
þakkargjörð.
(Fil. 4:6)