Morgunblaðið - 13.09.2016, Page 36

ÞRIÐJUDAGUR 13. SEPTEMBER 257. DAGUR ÁRSINS 2016
VEÐUR » 8 www.mbl.is
5 6 9 1 1 0 0
Ritstjórn: ritstjorn@mbl.is
Auglýsingar: augl@mbl.is
Áskrift: askrift@mbl.is | sími 5691100
mbl.is: netfrett@mbl.is
Í LAUSASÖLU 517 KR. ÁSKRIFT 5613 KR. HELGARÁSKRIFT 3505 KR. PDF Á MBL.IS 4978 KR. I-PAD ÁSKRIFT 4978 KR.
1. Borga fyrir meiri mat en …
2. Sveik fyrst og fremst sjálfan …
3. Magnús Orri og Herdís selja …
4. „Maður sá strax að eitthvað …“
»MEST LESIÐ Á mbl.is
FÓLK Í FRÉTTUM
 Margmiðlunarverkefninu Anersaaq
eða Anda verður varpað á Norræna
húsið í dag og á morgun. Danska
listakonan Karen Thastum og lista-
mannahópurinn Ture Ya Moya
standa fyrir innsetningunni, en þau
ferðast um þessar mundir sjóleiðina
um Skandinavíu og sýna ljóslistir
sínar á húsum. Með þeim í för er 20
feta gámur búinn tækjum og tólum
sem er tónleikasalur, gallerí og ljós-
varpi. Verkið verður sýnt í kvöld og
annað kvöld frá kl. 20.30 til mið-
nættis. Í dag, þriðjudag, kl. 17 býðst
börnum að taka þátt í listasmiðju
þar sem búnar verða til glærur sem
sýndar verða annað kvöld. Full-
orðnum gestum verður boðið á
listamannaspjall kl. 20 í kvöld þar
sem listakonan ætlar að segja frá
ferðalagi gámsins um Skandinavíu
og verkinu í heild sinni. Eftir stopp
sitt á Íslandi ferðast Thastum með
gáminn til Grænlands.
Andi í Norræna hús-
inu í tvo daga í röð
 Baldvin Oddsson hefur verið ráð-
inn fyrsti trompetleikari við
Sinfóníuhljómsveit Guiyang í Kína
að ósk Rico Saccani, aðalstjórnanda
sveitarinnar. Baldvin tekur við starf-
inu í janúar, en hann lýkur trompet-
námi á bakkalárstigi
við Manhattan
School of Music í
New York í desem-
ber. Rico Saccani
stjórnaði fyrstu tón-
leikum starfsársins í
Guiyang fyrr í þessum
mánuði.
Baldvin Oddsson ráð-
inn til Guiyang í Kína
Á miðvikudag Suðaustan 5-10 m/s og bjartviðri en hvessir sunn-
an- og suðvestanlands og þykknar upp með rigningu síðdegis. Hiti
6 til 13 stig, hlýjast norðaustanlands.
SPÁ KL. 12.00 Í DAG Norðvestan 8-15 m/s. Rigning í flestum
landshlutum, síst þó á Austfjörðum. Dregur úr vindi og léttir víðast
hvar til eftir hádegi en dálítil rigning austanlands í kvöld.
VEÐUR
„Og höfum í huga að krakk-
inn er 17 ára – hún er ekki
með bílpróf! Mamma hennar
keyrir hana og sækir á hverja
æfingu og hún hefur séð um
boltana fyrir okkur á æfing-
um. Það er fáránlegt hve
hratt hún hefur stimplað sig
inn,“ segir fyrirliði Stjörn-
unnar um hina 17 ára
gömlu Öglu Maríu Al-
bertsdóttur sem er í lyk-
ilhlutverki hjá toppliðinu í
kvennafótboltanum. »4
Höfum í huga að
krakkinn er bara 17
„Þetta er alveg frábært, 30 gráður og
sól og allt til alls. Það er mikil upp-
bygging í íþróttastarf-
inu núna og verður
næstu árin, svo ég
er mjög spenntur að
fá tækifæri til að
vera hluti af
því,“ segir Ís-
landsmeist-
arinn í 100
metra
hlaupi,
Kolbeinn
Höður
Gunnarsson,
sem er kom-
inn í keppn-
islið Memphis-
háskóla í Tennessee í
Bandaríkjunum. »1
Kolbeinn er ánægður
með lífið í Tennessee
„Hann fer beina leið að hlutunum,
helst hratt og með látum. Það er
kraftur í honum. Maður getur kannski
sagt að hann sé af „gamla skól-
anum“. Hann fer stystu leið, eins
fljótt og hann getur og hann er mjög
fljótur,“ segir fyrirliði Þróttar um Vil-
hjálm Pálmason sem lagði upp öll
mörk liðsins í sigrinum á ÍA í fyrra-
kvöld. »2-3
Fer stystu leið eins
fljótt og hann getur
ÍÞRÓTTIR
Skannaðu
kóðann með
símanum þínum
og fylgstu með
veðrinu á
Erla María Markúsdóttir
erla@mbl.is
„Verslunin hefur verið í eigu kvenna
alla tíð, enda er það kannski eðli
verslana af þessari tegund,“ segir
Guðrún Hannele Henttinen, eigandi
Storksins, elstu hannyrðaverslunar
landsins. Verslunin var stofnuð af
Unni Eiríksdóttur í september 1953
og var fyrstu sex árin við Grettis-
götu 1 í Reykjavík. „Margir velta
fyrir sér nafninu, en verslunin var
upprunalega barnafataverslun,“
segir Guðrún. Árið 1959 flutti Stork-
urinn í Kjörgarð við Laugaveg og þá
bættist ýmiss konar garn við vöru-
úrvalið sem tók svo yfir smátt og
smátt. Eftir tæplega 56 ár í Kjör-
garði hefur Storkurinn nú flogið úr
hreiðrinu og komið sér fyrir á nýjum
stað, í Síðumúla 20. Ástæða flutning-
anna er breyting á deiliskipulagi í
Kjörgarði.
„Okkur fannst það ofboðslega erf-
ið tilhugsun í fyrstu að yfirgefa
miðbæinn. En eftir að við kláruðum
þetta ferli og komum okkur fyrir hér
erum við allar sammála um það að
þetta sé til hins betra þegar upp er
staðið,“ segir Guðrún. Viðskiptavin-
irnir virðast vera sama sinnis. „Þeir
tala um að það sé þægilegra að nálg-
ast okkur hér.“ Guðrún tók við
rekstrinum um áramótin 2007-2008
af Malínu Örlygsdóttur, textílhönn-
uði og dóttur stofnandans. „Ég er
textílkennari og þetta er mitt fag.
Við höfum lagt áherslu á að þjóna
þeim sem hafa áhuga á alls konar
hannyrðum.“
Sjöl eru nýja skartið
Guðrún er alin upp af hannyrða-
konu og fékk því hannyrðaáhugann
með móðurmjólkinni, en hún sá samt
ekki fyrir sér að hún myndi reka
sína eigin hannyrðaverslun. Guðrún
hafði verið dyggur viðskiptavinur
Storksins í mörg ár þegar Malín
bauð henni að taka við rekstrinum.
„Ég er búin að kenna á öllum skóla-
stigum en svo kom þessi hugmynd.
Smátt og smátt varð þetta að veru-
leika og það eru forréttindi að fá að
vinna í því sem maður hefur mestan
áhuga á og hefur menntað sig í.“
Konur eru vissulega í meirihluta
viðskiptavina Storksins en karlkyns
viðskiptavinum fer fjölgandi. „Við
konurnar eigum ekkert þetta fag.
Margir prjónhönnuðir eru karlkyns
og ég held að að öllum öðrum ólöst-
uðum sé Stephen West vinsælasti
prjónhönnuður á Íslandi í dag. Hann
er ungur, bandarískur karlmaður
sem er mikill Íslandsvinur. Íslensk-
ar konur hafa fallið alveg kylliflatar
fyrir honum og sjölunum sem hann
hannar. Þau eru óvenjuleg og litrík
og áhuginn á sjalaprjóni er að
aukast. Sjöl eru nýja skartið í dag.“
Storkurinn flýgur úr hreiðrinu
 Elsta hannyrða-
verslun landsins
flytur úr miðbæn-
um eftir 63 ár
Morgunblaðið/Ófeigur
Hannyrðir „Mér finnst ég vera svolítið heppin að geta unnið við þetta. Það eru forréttindi að fá að vinna í því sem
maður hefur mestan áhuga á,“ segir Guðrún Hannele, eigandi hannyrðaverslunarinnar Storksins við Síðumúla.
Ljósmynd/Margrét Sigurðardóttir
Litríkar Starfskonur Storksins, Snjólaug, Íris Saara, Guðrún, Jolanta og
Guðný í opnunarteitinu í Síðumúla. Þemað var listakonan Frida Kahlo.