Morgunblaðið - 16.09.2016, Blaðsíða 10
10 FRÉTTIRInnlent
MORGUNBLAÐIÐ FÖSTUDAGUR 16. SEPTEMBER 2016
SKÚLI MOGENSEN
FORSTJÓRI WOW AIR
„Gæta þarf að því að eyðileggja ekki
ímynd Íslands með skammtímahugsun.
Hægt er að virkja hreina ímynd Íslands
og íslenskrar orku án þess að ganga
frekar á auðlindir landsins. Ein leið til
þess er að hlúa að vörumerkinu Íslandi
og CHARGE er frábær vettvangur til
að hefja umræðuna.”
HÖRÐUR ARNARSON
FORSTJÓRI LANDSVIRKJUNAR
„Fyrirtæki hafa í vaxandi mæli
hagsmuni af því að tengja vörumerki
sín við sjálfbæra nýtingu auðlinda –
tenging við hreina og endurnýjanle-
ga íslenska orku getur styrkt fyrirtæ-
ki í markaðssetningu og gefur
ráðstefnan færi á að kynna sér
tækifæri í þessum efnum.“
UMSAGNIR UM CHARGE, FYRSTU RÁÐSTEFNU
SINNAR TEGUNDAR Í HEIMINUM:
HARPA, 19. – 20. SEPTEMBER
Þorgeir Baldursson
Akureyri
Miklar framkvæmdir hafa átt sér
stað við Skautahöllina á Akureyri í
sumar, en þar hefur verið skipt um
kæliplötu svellsins. Að sögn Jóns
Benedikts Gíslasonar, fram-
kvæmdastjóra Skautahallarinnar,
var skipt um plötuna, hún var söguð
niður og fjarlægð þar sem hún var
orðin kúpt og munur á hæsta og
lægsta punkti hennar var á milli 13
og 14 sentímetrar.
Grafa þurfti niður á um þrjá og
hálfan metra, skipta um jarðveg og
einangra upp á nýtt. Þá var snjó-
bræðslukerfi lagt, nýr rammi utan
um kæliplötuna smíðaður og síðan
var ný plata steypt.
Auk þessa stendur til að byggja
félagsheimili og æfingaaðstöðu fyrir
iðkendur Skautafélags Akureyrar
en það var ekki gert núna. Þessi að-
staða hefur verið teiknuð upp og
sagði Jón að vonir stæðu til þess að
hún yrði byggð í næsta áfanga
Áformað er að fyrsti leikurinn á
nýju svelli verði leikinn 24. septem-
ber.
Morgunblaðið/Þorgeir Baldursson
Skautasvellið á Akureyri Miklar framkvæmdir hafa verið þar, þeim er nú
að ljúka og fyrsti leikurinn verður leikinn á nýja svellinu 24. september.
Nýtt svell nyrðra
Miklar framkvæmdir í Skautahöll-
inni Nýtt félagsheimili fyrirhugað
Sigurður Bogi Sævarsson
sbs@mbl.is
Betri vegir, bætt upplýsingagjöf og
örugg fjarskipti ráða því að nú er
minni þörf en áður á neyðarskýlum á
vegum björgunarsveitanna eins og
eru víða um land.
„Við stefnum að
því að fækka
þessum húsum.
Höfum reyndar
nokkuð unnið að
því á undan-
förnum árum því
forsendur fyrir
því að halda þeim
uppi eru gjör-
breyttar frá því
sem var,“ segir
Jón Svanberg Hjartarson, fram-
kvæmdastjóri Slysavarnafélagsins
Landsbjargar, í samtali við Morgun-
blaðið.
Verða fjarlægð
og öðrum breytt
Neyðarskýlin eru nú alls 40 tals-
ins. Til stendur að fjarlægja nokkur
en breyta tilgangi annarra í samráði
við landeigendur, svo sem í gangna-
mannakofa, veiðihús og til varð-
veislu vegna sögulegs gildis. Þegar
því er lokið standa eftir 27 skýli sem
áfram munu geta þjónað fólki í neyð.
Eru þau meðal annars á Horn-
ströndum, á Austfjörðum og við suð-
urströndina.
Fyrr á árum var fjölda björgunar-
skýla komið upp á fjallvegum, í eyði-
byggðum og á öræfum á vegum
Slysavarnafélags Íslands sem þá
var. Mörg hafa verið tekin ofan á síð-
ustu árum.
„Sjónarmiðin varðandi skýlin eru
mörg. Sumir telja þau enn þurfa að
standa í öryggisskyni en aðrir benda
á að þörfin fyrir þau hafi minnkað
verulega, m.a. vegna mun betri
vegaþjónustu og aðgengilegri upp-
lýsinga um veður og færð á vegum.
Þá hefur einnig verið bent á slæma
umgengni í skýlunum og að ferða-
menn – Íslendingar sem útlendingar
– nýti sér þau sem almenna gistiað-
stöðu,“ segir Jón Svanberg. Hann
bætir við að fyrr á tíð hafi tíðkast að
í skýlunum væru til dæmis skjól-
klæði, þurrmatur, fjarskiptatæki og
slíkt en margt af því hafi ekki verið
endurnýjað til fjölda ára því að ekki
hafi lengur verið talin þörf fyrir
þennan búnað.
Áfram skýli við ströndina
Blaðamaður Morgunblaðsins átti
leið um sunnanverða Vestfirði á dög-
unum og kom þá við í skýlinu á
Klettshálsi í Austur-Barðastrand-
arsýslu. Aðkoman þar var fremur
ruslaraleg, eins og myndin með
þessari frétt sýnir. Sama má segja
um skýlið við veginn um Kaldadal í
Borgarfirði, bárujárnsklæddan kofa
sem er kominn til ára sinna.
„Tímarnir og aðstæðurnar hafa
breyst verulega frá því að neyðar-
skýlin voru sett upp fyrir margt
löngu. Nú þegar allir eru komnir
með síma á fólk sem er í vanda statt
auðvelt með að gera viðvart og kalla
eftir aðstoð og þarf því tæpast á
neyðarskýli að halda. Það felst líka
ákveðin mótsögn í því að halda úti
neyðarskýlum við þjóðvegi enda
hvetjum við fólk sem er í vanda til að
halda jafnan kyrru fyrir í bílum sín-
um. Við aðrar aðstæður gilda önnur
sjónarmið, svo sem við ströndina
þangað sem hraktir sjófarendur og
göngufólk gætu leitað og þar verða
áfram skýli á völdum stöðum,“ segir
Jón Svanberg.
Neyðarskýlum fækkað
Neyðarskýli björgunarsveitanna úr 40 í 27 Mótsögn og
breyttar forsendur Gistiaðstaða ferðamanna í óleyfi
Morgunblaðið/Sigurður Bogi
Neyðarskýli Þetta hús stendur við Kaldadalsveg í Borgarfirði, sem áður
var torfær fjallvegur en er nú í þjóðbraut svo þörfin er minni en áður.
Jón Svanberg
Hjartarson
Hjallaháls Gömul fjarskiptatæki í
skýli vestra. Rusl er hér áberandi.
Erla María Markúsdóttir
erla@mbl.is
Sveitarstjórn Rangársþings eystra
hefur veitt leyfi til að sett verði upp
7,7 metra há vindmylla við jörðina
Smáratún í Fljótshlíð. Arndís Soffía
Sigurðardóttir, eigandi Hótels Fljóts-
hlíðar, sótti um leyfið, en hótelið
stendur á jörðinni. „Verkefnið er á al-
gjöru frumstigi og er hluti af okkar
sjálfbæru stefnu,“ segir Arndís
Soffía. Vindmyllan mun geta fram-
leitt allt að 3KW og verður orkan nýtt
inn á hitatúpu sem annar kyndingu
fyrir hótelbyggingu á jörðinni. 14
herbergi auk tveggja stórra veit-
ingastaða eru á hótelinu.
„Hótelið er með Svansvottun og í
því ferli urðu til miklar upplýsingar
og mælingar sem ég og Elísabet B.
Lárusdóttir höfum notað og byggjum
ráðgjöf okkar og rannsóknarvinnu á,“
segir Arndís Soffía, sem þorir þó ekki
að fullyrða að vindmyllan muni ná að
anna kyndingu fyrir alla starfsemi
hótelsins.
„Hótelið er á köldu svæði sem þýð-
ir að við tilheyrum 10% þjóðarinnar
sem búa ekki við heitt vatn og það er
gríðarlegur rafmagnskostnaður sem
fer í kyndingu. Það er því til mikils að
vinna, þegar verið er að auka sjálf-
bærni, að minnka orkukostnað og
geta framleitt
orku sjálf. Von-
andi nær vind-
myllan að minnka
kostnaðinn um-
talsvert.“
Arndís segir að
þó svo að leyfið sé
komið sé verk-
efnið á algjöru
byrjunarstigi.
„Þetta er tíma-
bundið tilraunaverkefni sem okkur
langar að ýta úr vör. Við rennum svo-
lítið blint í sjóinn og vitum ekki
hversu mikilli orku vindmyllan mun
anna, en við komum til með að semja
við þá aðila sem vilja taka þátt í þessu
verkefni með okkur og það er verið að
vinna að því núna.“
Lítil vindmylla hefur nú þegar ver-
ið sett upp í gripahúsi við Smáratún,
býlið næst hótelinu. „Vindmyllan er
nýtt fyrir lýsingu og hefur reynst
okkur afar vel. En nú erum við að
fara að stíga stærri skref og það verð-
ur fróðlegt að vita hversu mikilli raf-
orku vindmyllan getur annað og hvað
þetta mun geta aukið sjálfbærni mik-
ið.“ Arndís Soffía segir þó ekki tíma-
bært að greina frá samstarfsaðilum á
þessu stigi málsins en vonast til að
verkefnið fari fljótlega af stað og
vindmyllan rísi fyrir lok þessa árs.
Sjálfbærni Ef allt gengur að óskum mun vindmyllan rísa fyrir lok þessa árs.
Vindmylla rís við
Hótel Fljótshlíð
Tilraunaverkefni á frumstigi
Arndís Soffía
Sigurðardóttir