Morgunblaðið - 16.09.2016, Blaðsíða 31
MENNING 31
MORGUNBLAÐIÐ FÖSTUDAGUR 16. SEPTEMBER 2016
Inga Rún Sigurðardóttir
ingarun@mbl.is
Sýning á verkum myndlistarmanns-
ins Jóns Óskars verður opnuð í
Tveimur hröfnum listhúsi við Bald-
ursgötu 12 kl. 16.30 í dag. „Jón Ósk-
ar er málari stórra flata og stærð
hefur ávallt verið órjúfanlegur hluti
af tjáningarmáta hans. Grunnein-
ingin í myndlist Jóns Óskars er og
hefur ætíð verið teikningin í sinni
einföldustu, en um leið margslungn-
ustu mynd,“ segir í tilkynningu frá
Tveimur hröfnum.
Sýningin kallast Beaucoups of
Blues og hafði Morgunblaðið sam-
band við listamanninn til að grennsl-
ast nánar fyrir um sýninguna.
„Öll verkin á sýningunni eru til-
vitnanir í aðra listamenn á ýmsum
sviðum. Myndlist fjallar í rauninni
oft um list og þessi sýning er alfarið
þannig. Þetta eru verk sem eru út
frá tónlist, ljóðlist, myndlist og svo
framvegis. Það er mikið af tilvitn-
unum í önnur verk og verkin heita
til dæmis „Swan Lake/Poptones“,
sem er tilvísun í hljómplötu.
„Beaucoups of Blues“ sem er síðan
nafn á einni af sólóplötum Ringos
Starr.
Svo er eitt stórt verk sem heitir
„Eyðilandið í þýðingu Egils Helga-
sonar 15 ára“.
Þetta eru tilvitnanir í hinar og
þessar áttir og þarna er spunnið út
frá verkum annarra einstaklinga,“
segir Jón Óskar en segja má að
þetta varpi ljósi á hvernig margir
kimar listarinnar geta fléttast sam-
an.
„Það er svo oft sem maður upp-
lifir eitthvað, heyrir eða sér, og það
hefur áhrif á mann og maður tekur
það með sér inn í næsta verk. Þessi
verk eru eiginlega öll þannig,“ segir
Jón Óskar og nefnir annað verk á
sýningunni til sögunnar sem hann
kallar „Remake“.
Innblástur frá post-it miða
„Það er endurgerð á öðru verki
sem breytist í mínum meðförum. Ég
tók teikningu eftir annan mann og
ákvað að gera málverk úr henni.
Síðan er á sýningunni annað verk
sem er byggt á post-it miða,“ segir
hann en flestir þekkja þessa litlu,
gulu minnismiða.
„Ég er með lítið veitingahús og
einn starfsmaður hjá mér hafði krot-
að leiðbeiningar á post-it miða og ég
notaði hann sem uppistöðu í eitt
verk.“
Það er greinilega aldrei að vita
hvaðan innblásturinn kemur.
„Nei, innblásturinn getur verið
hvað sem er. Og ekkert endilega
eitthvað of hátíðlegt. Það getur ver-
ið gaman að upphefja það sem er
álitið ómerkilegt og setja það í ann-
að samhengi,“ segir hann en í þetta
sinn sýnir hann aðeins ný verk.
„Verkin á sýningunni eru öll frá
þessu ári. Þetta er mjög líkt mínum
vinnubrögðum síðustu ár,“ segir
hann en það eru átta málverk á sýn-
ingunni auk nokkurra teikninga.
Jón Óskar stundaði nám við
School of Visual Arts í New York á
níunda áratugnum. Hann á að baki
fjölda einka- og samsýninga á Ís-
landi og erlendis. Verk hans er að
finna á einka- og opinberum söfnum
víða um heim. Sýningin í Tveimur
hröfnum stendur til 15. október.
Morgunblaðið/Eggert
List „Það getur verið gaman að upphefja það sem er álitið ómerkilegt og setja í annað samhengi,“ segir Jón Óskar.
Myndlist sem
fjallar um aðra list
Jón Óskar opnar sýningu í Tveimur hröfnum í dag
Meðal þeirra heimildamynda sem
keppa í flokknum „A Different To-
morrow“ á RIFF í ár eru Where to,
Miss? eftir Þjóðverjann Manuelu
Bastian, en myndin var sigurvegari á
Granit Hof-heimildamyndaverðlaun-
unum 2015, Future Baby eftir aust-
urrísku kvikmyndagerðarkonuna
Mariu Arlamovsky og Girls Don’t Fly
í leikstjórn Moniku Grassl en hún
hlaut verðlaun fyrir kynningu á
myndinni á alþjóðlegu heim-
ildamyndahátíðinni í München árið
2013. Tólf heimildamyndir eru í
flokknum, sem er þó ekki eiginlegi
heimildamyndaflokkurinn, heldur
inniheldur heimildamyndir sem allar
eru samfélagstengdar að því er fram
kemur í upplýsingum frá RIFF.
Hefð Færeyinga í hættu
Where to, Miss? fjallar um ind-
verska konu sem dreymir um að vera
leigubílstjóri, til að geta keyrt aðrar
konur heim til sín á öruggan hátt og
til að öðlast fjárhagslegt sjálfstæði.
Myndin endurspeglar tilveru kvenna
á Indlandi sem reyna að brjótast
undan hefðum.
The Islands and the Whales eftir
Skotann Mike Day hlaut verðlaun á
HotDocs-hátíðinni í ár og verðlaun
heimildamyndasjóðs San Francisco
Film Society 2015. Í myndinni skoðar
Day hvalveiðar Færeyinga og hvern-
ig mengun í hafi ógnar þeim.
Leikstjórinn varð þátttakandi
Rokhsareh Ghaemmaghami er
margverðlaunuð írönsk kvikmynda-
gerðarkona en í Sonita fylgir hún eft-
ir 14 ára gamalli stúlku sem flúði frá
Afganistan til Írans þar sem hún býr
á stúlknaheimili og fær menntun en
vinnur fyrir sér við ræstingar. Kvik-
myndaleikstjórinn fléttaðist óvænt
inn í baráttu Sonitu fyrir frelsi sínu
við gerð myndarinnar þegar móðir
Sonitu vildi selja hana í annað sinn í
hjónaband.
Rithöfundurinn og kvikmynda-
gerðarmaðurinn Brett Story býr og
starfar bæði í Toronto og New York
en í mynd sinni The Prison in Twelve
Landscapes ferðast hún milli staða
þar sem fangar eru við störf og hafa
áhrif; meðal annars í baráttu við
skógarelda og kolavinnslu.
Á eyjunni Kivalina við norður-
heimskautsbaug í Alaska býr ætt-
flokkur eskimóa sem kallast Inupiaq.
Bandaríkjakonan Gina fjallar um
baráttu þeirra til að viðhalda lífs-
afkomu sinni við breyttar aðstæður,
þar sem ísinn er farinn að bráðna en
myndin kallast einfaldlega Kivalina.
Framtíðaræxlun mannsins
Í InnSæi, eða The Sea Within,
heimildamynd Kristínar Ólafsdóttur
og Hrundar Gunnsteinsdóttur, er
rætt við hugsuði, vísindamenn, lista-
menn og andlega leiðtoga um hug-
myndir þeirra um hvernig megi end-
urskilgreina hugsun okkar.
In Limbo eftir Frakkann Antoine
Viviani er á heimspekilegum nótum
og í raun ritgerð í heimildamyndar-
formi um ferðalag í innri heim int-
ernetsins en sögupersónan vaknar
upp í forgarði sameiginlegs minnis
alheimsins.
Girls Don’t Fly fylgir eftir tveimur
ungum konum frá Gana sem eru
nemendur í fyrsta flugskólanum fyrir
stelpur í Vestur-Afríku en Englend-
ingur þjálfar konurnar og fljótt fara
afrísk gildi og vestræn hug-
myndafræði að stangast á.
Í Future Baby, sem fjallar um
framtíð æxlunar mannsins, er hlust-
að á sjónarmið bæði stuðnings- og
efasemdarfólks um tæknilega aðstoð
við getnað.
Robert Kenner er afar þekktur
heimildamyndagerðarmaður en nýj-
asta mynd hans, Command and
Control, segir frá atburðum í Titan II
eldflaugaskýlinu í Arkansas árið
1980.
Þá skoðar leikstjórinn Eva Orner
meðferð Ástrala á hælisleitendum og
flóttamönnum í Chasing Asylum og í
myndinni Hell Is Empty: All the De-
vils Are Here fjallar Simon Brook um
ættbálka frumbyggja Ameríku sem
hafast við í Norður-Dakóta og gas-
vinnslu sem þeir leyfa á landsvæðum
sínum til að ná endum saman.
Framtíðaræxlun og flugskóli kvenna
Heimildamyndir sem taka á sam-
félagsmálum í sérstökum flokki á RIFF
Flugstelpur Girls Don’t Fly segir frá þeim Lydiu og Esther frá Gana sem
vilja læra að fljúga og fara í flugskóla fyrir konur í Vestur-Afríku.
By Proxy nefnist sýning með verkum íslenska listamannsins Úlfs Karlssonar,
sem opnuð verður í Project Room, Galerie Ernst Hilger í Vínarborg í kvöld.
„Á sýningunni í Galerie Ernst Hilger eru stór málverk, skúlptúr og hljóð-
verk eftir kvikmyndahljóðmanninn Díönu Karlsdóttur. By Proxy hverfist um
stríð og bardaga sem háðir eru í boði aðila sem hvergi koma nálægt þeim.
Meðal annars er fjallað um boxkeppni Muhammad Ali og George Forman,
Rumble in the Jungle og umboðsmanninn Don King sem stóð á bak við við-
burðinn,“ segir í tilkynningu. Þar kemur fram að Úlfur er fæddur 1988 og út-
skrifaðist 2012 frá Listaháskólanum í Gautaborg. Hann hefur sýnt í Svíþjóð,
Þýskalandi og Grikklandi og hér heima m.a. í Listasafni ASÍ, SÍM-salnum og
D-sal Listasafns Reykjavíkur. Allar nánari upplýsingar um listamanninn má
sjá á vefnum ulfurkarlsson.com. Sýningin stendur til 15. október.
Úlfur Karlsson opnar
sýningu í Vínarborg
Átök Eitt verka Úlfs Karlssonar sem sjá má á sýningunni.
RIFF | ALÞJÓÐLEG KVIKMYNDAHÁTÍÐ Í REYKJAVÍK | 2016
MAMMA MIA – „Stórkostlegt“ HA Kastljós.
AUGLÝSING ÁRSINS – ★★★★ – M.G. Fbl.
MAMMA MIA! (Stóra sviðið)
Fös 16/9 kl. 20:00 86. sýn Fim 6/10 kl. 20:00 95. sýn Fös 21/10 kl. 20:00 104. s.
Lau 17/9 kl. 20:00 87. sýn Fös 7/10 kl. 20:00 96. sýn Lau 22/10 kl. 20:00 105. s.
Sun 18/9 kl. 20:00 88. sýn Lau 8/10 kl. 20:00 97. sýn Sun 23/10 kl. 20:00 106. s.
Fös 23/9 kl. 20:00 89. sýn Sun 9/10 kl. 20:00 98. sýn Fim 27/10 kl. 20:00 107. s.
Lau 24/9 kl. 20:00 90. sýn Fim 13/10 kl. 20:00 99. s. Fös 28/10 kl. 20:00 108. s.
Sun 25/9 kl. 20:00 91. sýn Fös 14/10 kl. 20:00 100. s. Lau 29/10 kl. 20:00 109. s.
Fös 30/9 kl. 20:00 92. sýn Lau 15/10 kl. 20:00 101. s. Sun 30/10 kl. 20:00
Lau 1/10 kl. 20:00 93. sýn Sun 16/10 kl. 20:00 102. s. Fim 3/11 kl. 20:00
Sun 2/10 kl. 20:00 94. sýn Fim 20/10 kl. 20:00 103. s. Fös 4/11 kl. 20:00
Gleðisprengjan heldur áfram!
Blái hnötturinn (Stóra sviðið)
Lau 24/9 kl. 13:00 Frums. Lau 1/10 kl. 13:00 3. sýn Lau 8/10 kl. 13:00 5. sýn
Sun 25/9 kl. 13:00 2. sýn Sun 2/10 kl. 13:00 4. sýn Sun 9/10 kl. 13:00
Verðlaunasaga Andra Snæs Magnasonar
Sending (Nýja sviðið)
Fös 16/9 kl. 20:00 3. sýn Mið 21/9 kl. 20:00 5. sýn Sun 25/9 kl. 20:00 8. sýn
Lau 17/9 kl. 20:00 4. sýn Lau 24/9 kl. 20:00 7. sýn
Nýtt verk eftir Bjarna Jónsson
Njála (Stóra sviðið)
Fim 29/9 kl. 20:00 Mið 12/10 kl. 20:00
Mið 5/10 kl. 20:00 Mið 19/10 kl. 20:00
Hannes og Smári (Litla sviðið)
Fös 7/10 kl. 20:00 Frums. Fös 14/10 kl. 20:00 3. sýn Sun 16/10 kl. 20:00 5. sýn
Lau 8/10 kl. 20:00 2. sýn Lau 15/10 kl. 20:00 4. sýn Lau 22/10 kl. 20:00 6. sýn
Samstarfsverkefni við Leikfélag Akureyrar