Morgunblaðið - 16.09.2016, Blaðsíða 14

14 FRÉTTIRInnlent
MORGUNBLAÐIÐ FÖSTUDAGUR 16. SEPTEMBER 2016
Íshella 10 • 221 Hafnarfjörður • Sími 569 2100Mynd: Björgunarmiðstöð Hjálparsveitar skáta Kópavogi.
Þeir semgerakröfur
veljaHéðinshurðir
Fáðu tilboð í hurðina
Fylltu út helstu upplýsingar
á hedinn.is og við sendum
þér tilboð um hæl.
SVIÐSLJÓS
Sigtryggur Sigtryggsson
sisi@mbl.is
Ísfisktogarinn Bjartur NK var af-
hentur írönskum kaupanda í
Reykjavíkurhöfn á mánudaginn. Við
það tækifæri fékk hann nýtt nafn,
Artur, og því má segja að tveir
fyrstu stafirnir hafi verið fjarlægðir
í gamla nafninu. Togarinn er skráð-
ir í Úlan Bator, höfuðborg Mong-
ólíu, en þar mun vera svokölluð
hentifánaskráning. Artur lét úr höfn
í fyrrakvöld og í framtíðinni mun
togarinn stunda veiðar í Persaflóa.
Bjartur hefur verið í eigu Síldar-
vinnslunnar í Neskaupsstað í liðlega
43 ár. Togarinn kom úr síðustu
veiðiferð sinni hér við land sunnu-
daginn 20. ágúst. Afli skipsins var
101 tonn og var þorskur uppistaðan.
Fiskaði 142 þúsund tonn
Bjartur hefur verið mikið afla-
skip. Fram kemur í frétt á heima-
síðu Síldarvinnslunnar að afli Bjarts
á þeim rúmlega 43 árum sem hann
hefur verið í eigu Síldarvinnslunnar
sé 142.730 tonn. Ársafli skipsins var
mestur árið 1981, eða 4.568 tonn, en
alls hefur ársaflinn sjö sinnum farið
yfir 4.000 tonn. Minnstur var ársafli
skipsins árið 2001, 1.953 tonn, en
verulegan hluta þess árs var Bjart-
ur í slipp á Akureyri í kjölfar elds-
voða um borð. Miðað við núverandi
fiskverð áætlar Síldarvinnslan að
aflaverðmæti Bjarts á þessu liðlega
43 ára tímabili nemi um 29 millj-
örðum króna. Ekkert skip hefur
tekið jafn oft þátt í togararalli Haf-
rannsóknastofnunar og Bjartur. Í
marsmánuði síðastliðnum lauk hann
sínu 26. ralli.
Bjartur var smíðaður í Niigata í
Japan og tók siglingin þaðan til
heimahafnar í Neskaupstað 49
sólarhringa, en vegalengdin var um
13.150 sjómílur.
Bjartur var einn Japanstogar-
anna svokölluðu sem smíðaðir voru
fyrir útgerðir víða um land á átt-
unda áratug síðustu aldar. Aðdrag-
anda þess að tíu skuttogarar voru
smíðaðir fyrir Íslendinga í Japan
má rekja allt aftur til ársins 1971. Á
þeim tíma voru mörg fyrirtæki,
sveitarsjóðir og kaupfélög á lands-
byggðinni að huga að skipakaupum,
enda svokallað skuttogaratímabil þá
um það bil að hefja innreið sína.
Í árslok 1971 höfðu borist smíða-
tilboð víða að úr Evrópu en síðan
kom öllum að óvörum tilboð frá
skipasmíðastöð í Japan. Það virtist
mun hagstæðara en önnur tilboð og
því var ákveðið að huga nánar að
því. Samkomulag náðist um að
smíða sex skip af tíu í Muroran á
Hokkaido-eyju, nyrst í Japan, en
hin fjögur í bænum Niigata á
vesturströndinni.
Nú eru aðeins þrír af þessum tíu
togurum enn við veiðar hér við land;
Múlaberg ÓF í Siglufirði, Ljósafell
SU á Fáskrúðsfirði og Páll Pálsson
ÍS í Hnífsdal. Japanstogararnir
hafa þótt reynast afar vel og í gegn-
um tíðina hafa verið gerðar á þeim
breytingar og endurbætur.
Á heimasíðu Síldarvinnslunnar er
rætt við þá skipstjóra sem verið
hafa með Bjart frá upphafi og þeir
bera skipinu allir vel söguna.
Steinþór Hálfdanarson var síðasti
skipstjórinn á Bjarti áður en hann
hverfur af landi brott. „Bjartur er
afar gott sjóskip og fer vel með
áhöfn. Miðað við stærð er hann sjó-
borg. Það hefur fiskast vel á skipið
alla tíð og mönnum hefur líkað vel
að vera á því. Margir hafa verið í
áhöfninni um áratuga skeið og ekki
virst hafa haft nokkurn áhuga á að
skipta um pláss. Auðvitað er Bjart-
ur barn síns tíma en hann skilaði
sínu fram í síðasta túr. Vissulega er
endurnýjunar þörf en margir munu
sakna Bjarts því hann hefur þjónað
okkur einstaklega vel,“ segir Stein-
þór.
Af Íslandsmiðum í Persaflóa
 Togarinn Bjartur NK hefur verið seldur til Íran  Hefur fengið nafnið Artur  Fiskaði fyrir 29
milljarða á 43 árum  Var einn Japanstogaranna tíu  Nú eru aðeins þrír togararanna eftir
Morgunblaðið/Jón Páll Ásgeirsson
Skipt um nafn Nýtt nafn var málað á Bjart í Reykjavíkurhöfn. Það hefði reyndar nægt að mála yfir tvo fyrstu stafina.
Matvælastofnun hefur staðfest að
smitsjúkdómurinn orf hefur greinst í
nokkrum hreindýrum á yfirstand-
andi veiðitímabili. Orf, sem er einnig
nefnt smitandi munnangur, kinda-
bóla eða sláturbóla, er veirusýking
sem er landlæg í sauðfé um allt
Austurland og hefur verið í áratugi.
Samkvæmt upplýsingum frá Mat-
vælastofnun hafði Náttúrustofa
Austurlands samband við stofnunina
vegna gruns um orf í hreindýrum en
það var leiðsögumaður með hrein-
dýraveiðum hjá Umhverfisstofnun
sem varð var við smitið. Sýni voru
tekin og send á Tilraunastöð Há-
skóla Íslands í meinafræði að Keld-
um þar sem greining fór fram.
Orf veldur ekki miklum vandræð-
um nema það berist á júgur hreinkúa
meðan þær mjólka mest. Þá verða
helstu áhrifin á hjörðina þau að kálf-
ar gætu verið í minna lagi, en það fer
eftir aldri kálfanna þegar kýrin smit-
ast. Sýkingin gengur þó yfir á nokkr-
um vikum. Orf getur borist í fólk og
veldur þá stundum vondum sýking-
um, einkum á fingrum. Matvæla-
stofnun telur því fulla ástæðu til þess
að vara veiðimenn við og minna á að
snerta aldrei hrúður með berum
höndum. erla@mbl.is
Morgunblaðið/RAX
Smit Veirusýkingin orf hefur greinst í nokkrum hreindýrum á veiði-
tímabilinu sem nú stendur yfir. Sýkingin gengur þó yfir á nokkrum vikum.
Orf greinist í hrein-
dýrum hér á landi
 Veiðimenn snerti ekki hrúður
Hugmyndir um fljótandi hótel í
Reykjavíkurhöfn voru kynntar
Faxaflóahöfnum fyrr á þessu
ári. Það var fyrirtækið Flostel
sem kynnti áætlanir sínar um
að festa kaup á Bjarti NK og
breyta togaranum í fljótandi
gistiheimili.
Forsvarsmenn Flostels sáu
fyrir sér að tæplega 30 gisti-
rými yrðu í skipinu og veitinga-
staður á dekki. Þá yrði gallerí í
lest skipsins og bar í brúnni.
Hugmyndin var að skipið myndi
liggja við bryggju úti á Granda.
Erindi Flostels var hafnað af
stjórn Faxaflóahafna en til
greina kom að finna skipinu
annan stað. Af því varð ekki og
Bjartur er nú á leið til Írans.
Bjartur varð
ekki hótel
FAXAFLÓAHAFNIR
Ljósmynd/Síldarvinnslan
Kveðjusigling Bjartur NK sigldi um Norðfjörð áður en hann hélt til Reykja-
víkur.Togarinn hefur þjónað Norðfirðingum vel og margir munu sakna hans.