Morgunblaðið - 16.09.2016, Page 29
DÆGRADVÖL 29
MORGUNBLAÐIÐ FÖSTUDAGUR 16. SEPTEMBER 2016
Stjörnuspá
21. mars - 19. apríl
Hrútur Orð þín og verk hafa vakið athygli og
þeir eru margir sem vilja feta í fótspor þín.
Reyndu frekar að vinna svo að þeir geti ekki
annað en viðurkennt þig.
20. apríl - 20. maí
Naut Það er hreint ekki gefið að þínir nán-
ustu skilji alltaf hvað fyrir þér vakir. Skoðaðu
vináttu þína og annarra að þessu sinni.
21. maí - 20. júní
Tvíburar Þú ert hrókur alls fagnaðar og allir
vilja vera nálægt þér. Fólk þegir vandlegar yfir
fjármálum sínum en kynlífi. Í augnablikinu
reka hugsanirnar lestina á eftir aðgerðum.
21. júní - 22. júlí
Krabbi Ef þú vilt að aðrir taki þig alvarlega þá
þarft þú að vanda mál þitt og umfram allt
sýna öðrum tillitssemi. Gættu þess umfram
allt að vanda framkomu þína í orði og á borði.
23. júlí - 22. ágúst
Ljón Sjálfstraust byggist upp lið fyrir lið, en
getur hrunið í einni svipan. Sýndu samt fyrir-
hyggju. Nú væri upplagt að undirbúa boð fyrir
vinina um helgina.
23. ágúst - 22. sept.
Meyja Þótt þér séu allir vegir færir þarft þú
eins og aðrir að fá hrós og uppörvun af og til.
Láttu hann samt ekki taka öll völdin í sínar
hendur.
23. sept. - 22. okt.
Vog Láttu takmarkanir sem felast í aðstöðu
þinni sem vind um eyrun þjóta. Hugmyndir að
innanhússhönnun og innkaup fyrir hreiðrið
höfða til þín. Reyndu að sýna þolinmæði og
hafa hægt um þig.
23. okt. - 21. nóv.
Sporðdreki Farðu þér hægt í því að fitja upp
á nýjum hlutum í dag og gakktu heldur frá öll-
um lausum endum. En það gæti líka verið að
þú komir með þessa góðu hugmynd.
22. nóv. - 21. des.
Bogmaður Umræðuefnið sem þú bryddar
upp á á eftir að hafa mikil áhrif á það sem
gerist. Að vera nálægt einhverjum hjartfólgn-
um spillir ekki fyrir. Segðu frekar nei.
22. des. - 19. janúar
Steingeit Stundum er betra að breiða út
faðminn og stundum að krossleggja hand-
leggina og huga að eigin innri manni. Vilji fólk
að þú vitir eitthvað mun það sjá um það sjálft.
20. jan. - 18. febr.
Vatnsberi Árangurinn er sumum allt en sjálf-
um finnst þér mestu varða hvernig þeim ár-
angri er náð. Gefðu þér tíma til að leika þér.
Aðrir fá hana til þess að vilja stjórna öllu og í
smæstu atriðum.
19. feb. - 20. mars
Fiskar Hugsun þín er skýr í dag, einkum um
skattamál, skuldir og tekjur og önnur fjármál.
Deildu með tveimur í allt sem það segir og
trúðu líklegri helmingnum af sögunum.
Garðyrkjubóndinn Ólafur Stef-ánsson er farinn að búa sig
undir veturinn:
Þegar tekur sumri heitu að halla
við hrökkvum upp við fyrsta
norðanhvell.
Þá virkjum góða vetrarsiði alla,
svo viðbúin í kulda, snjó og svell.
Við könnum verð á nýjum negldum
dekkjum
nálgumst frostlög fyrir kælitank.
Og á stéttar salt er haft í sekkjum,
en sækjum fagmann, heyrist ofna-
bank.
Við hreinsum rennur, hrúgum laufi
saman,
hyljum lauka, gerum rósum skjól.
Á haustin þykir hirðufólki gaman
að hafa allt í standi er nálgast jól.
Hvort snjói eða snjóleysi er í
vændum,
er snjallt að vera búinn fyrir allt.
Því sannast er að búnast helst þeim
bændum,
sem boðorð gamalt hafa: „Skalt, þú
skalt!“
Sigurður Helgi Guðjónsson hrl.
sendi mér tvær stökur sem Heið-
rekur Guðmundsson skáld orti:
Skuldir mínar aukast enn,
af þeim vandi stafar,
fjöldi víxla en fáir menn,
fylgja mér til grafar.
Skáldin og hagyrðingarnir á
Akureyri höfðu gaman af að kasta
vísum á milli sín. Rósberg G. Snæ-
dal bætti við
Ekki var hans líkfylgd löng,
lýður um það brigslar,
hér og þar í hálfa stöng,
héngu fallnir víxlar.
Ekki hefur legið vel á Heiðreki
þegar hann orti:
Það er kalt í þessum heimi,
þar er valtur sess.
Lífið allt er öfugstreymi
ungur galt ég þess.
Varla hitti maður Bjarna úrsmið
frá Gröf svo á götu, að hann færi
ekki með vísu, – sem hann jafnvel
orti í þeim töluðum orðum. Ein-
hvern tíma sagði hann:
Ég er ekki alveg snauður,
allt þó vanti mig.
Fátæktin er einnig auður
út af fyrir sig.
Halldór Blöndal
(halldorblondal@simnet.is)
Halldór Blöndal
Vísnahorn
Fyrirhyggja á hausti og
fallnir víxlar
Í klípu
„ÞETTA ER AÐ VERSNA. ÞÚ ÆTTIR AÐ
LÁTA STÓRT RÁNDÝR LÍTA Á ÞETTA.“
eftir Mike Baldwin eftir Jim Unger
„ÉG MYNDI EKKI ÞEKKJA „MARK“ ÞÓTT
ÞAÐ STÆÐI FYRIR FRAMAN MIG.“
Hermann
Ferdinand
Hrólfur hræðilegi
Grettir
... að fara saman í
ræktina.
HOLA Í
HÖGGI!
ELDIVIÐURINN
ER Á ÞROTUM!
AÐ
SJÁLFSÖGÐU
!
HJÁLPAÐU
MÉR NÚ
AÐEINS!
ÉG STEND EKKI
AÐGERÐALAUS HJÁ...
...MEÐAN KONAN MÍN NÆR
Í HLASS AF ELDIVIÐI!
Almennt er mikið um að vera umhelgar og nýliðin helgi var eng-
in undantekning. Þá komu 10 út-
lendingar til landsins til þess að
hjóla í Reykjavík sl. sunnudag.
Borgaryfirvöld brugðust við og lok-
uðu öllum helstu umferðaræðum
svo menn gætu hjólað áhyggjulausir
á götum borgarinnar. Einum kapp-
anum brá og slasaðist hann fyrir
framan pylsuvagn í miðborginni,
þar sem engin var umferðin.
x x x
Nokkrir frambjóðendur unnuglæsta sigra um helgina. Sumir
miðlar voru þó uppteknari af þeim
sem töpuðu og fannst að þeim vegið.
Merkilegast þótti Víkverja að sjá
viðbrögð fólks, sem ekki er þekkt
fyrir að styðja sjálfstæðismenn til
góðra verka, vegna slaks gengis
nokkurra þingkvenna í prófkjörum
sjálfstæðismanna. Í prófkjörum eru
allir jafnir og þeir bestu kjörnir,
burtséð frá hára- og augnalit, hæð,
þyngd og kyni. Þeir sem vilja öllu
ráða láta kjósa þar til þeim hugnast
listinn og svo eru til þeir, sem eru
raunar í útrýmingarhættu, sem
færa fólk til eftir prófkjör og raða
því eftir aldri og kyni.
x x x
Um helgina var maður handtekinnþar sem hann svaf undir stýri á
öfugri akrein. Ökumaðurinn á sér
hugsanlega þær málsbætur að
ómögulegt var að fylgjast með lok-
un gatna í borginni og hann gæti
því hafa haldið að hann væri einn í
heiminum og gæti sofið hvar sem
væri.
x x x
Háskólanemar eru gjarnan gleð-innar menn og í gærkvöldi
hófst Októberfest Stúdentaráðs Há-
skóla Íslands á lóðinni framan við
aðalbyggingu Háskólans. Stúdenta-
ráð veit að fenginni reynslu að
þögnin er ekki aðalsmerki svona há-
tíðar. Því var bréfi dreift í hús í ná-
grenninu um liðna helgi þar sem
íbúar voru varaðir við hávaða sem
gæti borist til nærliggjandi húsa
vegna skemmtunarinnar. Í bréfinu
baðst Stúdentaráð afsökunar á
hugsanlegum óþægindum. Vel gert
hjá stúdentum, góða skemmtun og
ekkert að afsaka. víkverji@mbl.is
Víkverji
Guði er enginn hlutur um megn.
(Lk. 1.37)
Hægt er að sækja um ámbl.is, neðst á forsíðu. Á umsóknareyðublaðinu
skal velja almenna umsókn og tiltaka sölufulltrúi eða markaðsfulltrúi
þegar spurt er um ástæðu umsóknar.
Einnig er hægt að skila inn umsókn merktri starfsmannahaldi í afgreiðslu
Morgunblaðsins að Hádegismóum 2.
Árvakur leitar að öflugum
sölu- og markaðsfulltrúum.
Viðkomandi einstaklingar þurfa að vera skapandi og hugmyndaríkir, geta
starfað sjálfstætt, hafa frumkvæði, söluhæfileika og trausta framkomu.
Reynsla er alltaf kostur.
Nánari upplýsingar gefur Silja Jóhannesdóttir í síma 569-1170
eða með tölvupósti á netfangið siljaj@mbl.is
mbl.is
óskast til starfa
Sölu- og markaðsfulltrúi