Morgunblaðið - 16.09.2016, Side 26
26 ÍSLENDINGAR
MORGUNBLAÐIÐ FÖSTUDAGUR 16. SEPTEMBER 2016
Valgerður Anna Jónsdóttir, framkvæmdastjóri Norðurlands-skóga, er 50 ára í dag. Hún býr á Vöglum í Þingeyjarsveitásamt manni sínum, Rúnari Ísleifssyni, skógarverði í
Vaglaskógi, og tveim sonum þeirra, Eyþóri, 10 ára, og Ívari, 8
ára.
„Ég hef vinnuaðstöðu sína á Akureyri, auk þess keyrum við
strákana á fótboltaæfingar hjá KA. Við bíðum því spennt eftir
Vaðlaheiðargöngunum, en þá styttist leiðin til Akureyrar um
helming hjá okkur.“
Valgerður vinnur með skógarbændum og er þessa dagana að
fara yfir verk sumarsins. „Sumarið var einstaklega gott vaxtars-
umar, hlýtt, rakt og mikill vöxtur. Svo fer veturinn í að skipu-
leggja næsta sumar. Veturinn verður reyndar sérstakur því það
er búið að sameina Skógrækt ríkisins og landshlutaverkefnin í
skógrækt. Þetta var sameinað formlega 1. júlí og við erum að
vinna í því að móta nýja stofnun, Skógræktina.
Utan vinnu sinni ég fjölskyldunni, lífið snýst mikið um fótbolta
á sumrin, strákarnir eru í KA og við hjónin höfum verið að fylgja
þeim eftir á mót. Svo er stangveiði sameiginlegt áhugamál allra
fjölskyldumeðlima og það var mikið veitt í sumar. Stefnan er síð-
an sett á Anfield, sem verður afmælisferð og pílagrímsferð, og við
ætlum að sjá Liverpool taka á móti Watford í byrjun nóvember.
Í dag verður eitthvað óvænt í tilefni afmælisins, feðgarnir ætla
að stússast með mig en það verður engin veisla núna.“
Mæðginin Valgerður og synir í pönnukökubakstri fyrir síðustu jól.
Gott vaxtarsumar
Valgerður Jónsdóttir er fimmtug í dag
G
uðvarður Már Gunn-
laugsson fæddist á
Hrappsstöðum í
Bárðardal 16.9. 1956
og ólst þar upp: „Það
voru líklega viss forréttindi að alast
upp í sveit, innan um skepnur, fá
ungur að skottast með fullorðna
fólkinu og eldri systkinum og taka
þátt í störfum þeirra. En jörðin var
lítil og svaraði ekki þeim kröfum
um hagkvæmni og framleiðni sem
farið var að gera þegar ég var á
unglingsárunum. Það kom því
aldrei til álita að neitt okkar systk-
inanna tæki við þegar foreldrar
mínir brugðu búi og við fluttum til
Akureyrar 1974. Hugur minn
stefndi heldur ekki til þess.“
Guðvarður gekk í Barnaskóla
Bárðdæla, lauk landsprófi frá
Héraðsskólanum að Laugum í
Reykjadal 1972 og lauk stúdents-
prófi frá MA 1977. Hann stundaði
nám í hagsögu við Háskólann í
Lundi í Svíþjóð í einn vetur, lauk
BA-prófi í íslensku og almennum
málvísindum frá HÍ 1982 og kandí-
datsprófi í íslenskri málfræði 1988.
Þá hefur hann nokkrum sinnum
dvalið við nám og störf við Fróð-
skaparsetur Færeyja og var við
nám og störf við Árnasafn í Kaup-
mannahöfn 1987-91.
Guðvarður var lektor í íslenskri
málfræði við HÍ 1991-92 og sér-
fræðingur á Stofnun Árna Magn-
ússonar frá 1992, fræðimaður þar
frá 2002 og er rannsóknardósent
frá 2006.
Guðvarður hefur skrifað fjölda
Guðvarður Már Gunnlaugsson, rannsóknardósent við HÍ – 60 ára
Fjölskyldan Jónas Orri, Kristín Lovísa, Aðalheiður, Ólafur Dorri og afmælisbarnið sem heldur á læðunni Snældu.
„Innan við múrvegginn
átti ég löngum mitt sæti“
Handritakort Guðvarður hafði umsjá með útgáfu Íslandskorts þar sem
handrit úr sögu Íslands eru merkt inn á landakort eftir uppruna þeirra.
Morgunblaðið/Eggert
Keflavík Unnur Lilja Sigurðardóttir
fæddist 24. júlí 2015 kl. 10.00. Hún vó
3.535 gr. og var 47,5 cm löng. For-
eldrar hennar eru Snjólaug Arndís
Ómarsdóttir og Sigurður Árni
Leifsson.
Nýr borgari
Guðmundur Bragi Borgarsson og Sólveig Kristín Borgarsdóttir seldu aðgang
að steinasafni í garðinum sínum á Hvanneyri og seldu kaffi og djús á staðnum.
Þau söfnuðu 7.300 kr. og gáfu Rauða krossinum á Íslandi.
Hlutavelta
Íslendingar Kjartan Gunnar Kjartansson,Pétur Atli Lárusson islendingar@mbl.is
Ábendingar um brúðkaup, afmæli, barnsfæðingar og önnur tímamót í lífi fólks má
senda á netfangið islendingar@mbl.is. Einnig geta þeir, sem óska eftir því að nafn
þeirra birtist ekki í þessum dálkum, sent beiðni þar að lútandi á sama netfang.
Unnið í samvinnu við viðmælendur.
INNIHALDA CHIA FRÆ, ÁVEXTI OG GRÆNMETI. 1200MG AF OMEGA 3.
TREFJA- OG PRÓTEINRÍKIR. GLÚTEINLAUSIR OG VEGAN. LÍFRÆNT VOTTAÐIR OG ÓERFÐABREYTTIR.
CHIA GRAUTAR
STÚTFULLIR AF NÆRINGU