Dagblaðið Vísir - DV - 03.02.2015, Qupperneq 3

Fréttir 3Vikublað 3.–5. febrúar 2015
Flugskóli á hrakhólum
Á
föstudag hóf Isavia að
rífa niður húsnæði sem
áður var notað fyrir Flug-
skóla Helga Jónssonar,
elsta flugskóla á Íslandi.
Deilur hafa staðið um aðstöð-
una í talsverðan tíma. Flugskólinn
hefur nú leigusamning sem gild-
ir fram í apríl um sjálft flugskýlið,
en byggingin var þannig að gamli
flugskólinn var tengdur við flug-
skýlið með tengibyggingu.
Flugskólinn hefur verið star-
fræktur frá árinu 1964 og er elsti
flugskólinn á landinu. Þann 2.
desember síðastliðinn var allt flutt
yfir í flugskýlið að kröfu Isavia.
Í samtali við DV hafa aðstand-
endur flugskólans miklar áhyggj-
ur af framtíð hans og rekstrarum-
hverfi. Jytte Th.Marcher, eigandi
flugskólans, segist mjög áhyggju-
full en einnig langþreytt. Starfs-
maður Isavia sem DV náði tali
af sagði félagið vera í fullum
rétti, það hefði yfirráð yfir þess-
um eignum og að húsnæðið væri
heilsuspillandi. Heilbrigðisyfir-
völd hefðu þrýst á um að húsnæð-
ið yrði rifið.
Lokuðu fyrir vatnið
Morgunblaðið greindi frá því í fyrra
að Orkuveita Reykjavíkur hefði
komið sér undan því að blanda sér í
deilur milli Flugskólans og Isavia, en
þá hafði flugskýlið sem skólinn hef-
ur verið í verið vatns- og rafmagns-
laust í um tvo mánuði. Skólinn var
þá í skýlinu en Isavia hafði unnið
dómsmál um eignarhaldið og út-
burðarmál í gangi. Orkuveitan hafði
lokað á vatn og rafmagn að beiðni
Isavia, en ákvað síðan, þar sem það
var skólinn sem hafði greitt af hvoru
tveggja, að opna fyrir það aftur.
Rafmagnið komst á en ekki var
hægt að setja á vatn þar sem gröfu
á vegum Isavia hafði verið lagt yfir
brunn og því ekki mögulegt að
skrúfa frá vatni. Orkuveitan taldi
það vera „ömurlegt“ að lenda á
milli deiluaðila en ákvað að höfða
ekki mál til að fá Isavia til að færa
gröfuna. Isavia vildi ekki færa gröf-
una, taldi enda á það ylli töfum á
framkvæmdum vegna niðurrifs
tengibyggingarinnar en hún er á
milli gamla flugskólans og flug-
skýlisins. Vatnið komst á í maí í
fyrra. n
n Gamalt húsnæði rifið á Reykjavíkurflugvelli n Lokað fyrir rafmagn og vatn
Húsnæðið heilsuspillandi
Allar eigur flugskólans eru í
flugskýlinu. Myndir Sigtryggur Ari
Ásta Sigrún Magnúsdóttir
astasigrun@dv.is
grafan tilbúin Svona var um að litast þegar ljósmyndara DV bar að garði.
grafan Gröfu var um tíma lagt yfir brunn og neitaði Isavia að færa hana.
Stóð opið Húsnæðið til vinstri á myndinni er talið vera heilsuspill-
andi, en Jytte segir í samtali við DV að eftir að skólinn missti
húsnæðið hafi það staðið opið um tíma og því veðrast þar til starfs-
menn skólans lokuðu því.
Kjálkabrotinn
eftir slagsmál
T
veir menn slógust á bar í
Breiðholti um kvöldmatarleytið
á sunnudag samkvæmt upplýs-
ingum frá lögreglunni á höfuð-
borgarsvæðinu. Þegar upp var staðið
þurfti flytja að annan mannanna með
sjúkrabifreið á Slysadeild til aðhlynn-
ingar og er sá líklega kjálkabrotinn
auk þess sem hann hlaut önnur minni
meiðsli. Hinn var handtekinn skömmu
síðar skammt frá barnum. Hann fékk
að dúsa í fangageymslum lögreglunnar.
Á sama tíma og slegist var í
Breiðholti var tilkynnt um bifreið á
ferðinni í Hafnarfirði sem hafði verið
tekin ófrjálsri hendi fyrr um daginn. Í
ljós kom að í bifreiðinni var par og var
það handtekið og fært á lögreglustöð.
Þau gengust við því að hafa tek-
ið bifreiðina ófrjálsri hendi en tjáðu
lögreglu að þau hefðu nauðsynlega
þurft að komast leiðar sinnar. Sögðu
þau bifreiðina hafa verið ólæsta og
lykilinn í. Lögreglan hvetur fólk til
þess að læsa bílunum sínum. n
Árásarmaðurinn vistaður í fangageymslu
Lífrænt
Ríkt af Nitric Oxide og Sulforaphane
Rauðrófu-
og brokkolíduft
ásamt spínati, gulrótum, steinselju og káli
Fyrir eða eftir æfingar
Mikil orka og næring
Bragðgóð blanda
40 skammtar
Ein teskeið hrist í vatn eða safa
Fæst í apótekum, heilsubúðum, Krónunni,
Hagkaup og Nettó. Umboð: Celsus.
Frábært í kúrinn!5:2