Dagblaðið Vísir - DV - 10.03.2015, Síða 28

Vikublað 10.–12. mars 201520 Sport
jonogoskar.is Sími 5524910 Laugavegi 61 Kringlan Smáralind
Fermingartilboð
20% afsláttur
Danish Design – falleg gæðaúr
á frábæru verði.
Tilboðsverð frá
14.900 kr.
20% afsláttur
PIPA
R\TBW
A
• SÍA
• 151165
10 hlutir sem van Gaal
þarf að Gera hjá united
n Baráttan um 4. sætið hörð n Mikið verk fyrir höndum hjá Louis van Gaal
M
anchester United hefur
verið í 3. eða 4. sæti ensku
úrvalsdeildarinnar lengst
af í vetur en þau sæti gefa
þátttökurétt í Meistara­
deild Evrópu á næstu leiktíð. Undan­
farnar vikur hefur United gefið aðeins
eftir í deildinni og tapað mikilvæg­
um stigum á sama tíma og Liverpool
hefur verið á miklu flugi. Á United
nú jafnvel á hættu að missa af sæti í
Meistaradeildinni þar sem Arsenal
og Liverpool hafa einfaldlega spilað
betur og unnið fleiri leiki. Breska
blaðið Daily Mail tók saman tíu atriði
sem Louis van Gaal, knattspyrnu­
stjóri Manchester United, þarf að
laga ætli liðið sér að ná einu af þess­
um fjórum efstu sætum. n
Einar Þór Sigurðsson
einar@dv.is
Hafa Wayne
Rooney frammi Van Gaal
lét hafa eftir sér á dögunum að United
ætti ekki framherja sem gæti skorað
tuttugu mörk á tímabili. Falcao hefur verið
brokkgengur og Robin van Persie fjarri sínu
besta. Engu að síður hafa þeir oftar en ekki
byrjað saman frammi og Wayne Rooney
spilað á miðjunni. Í undanförnum leikjum
hefur Rooney þó verið færður í framlínuna
og skoraði hann til að mynda tvö mörk í sigri
á Sunderland um þar síðustu helgi. Það voru
fyrstu mörk Rooneys á árinu. Wayne Rooney
hefur oft skorað yfir tuttugu mörk á tímabili
og hann virkar í fínu standi. Van Gaal þarf
að láta Rooney spila sína bestu stöðu og þá
munu mörkin – og sigrarnir – koma.
Treysta Ander
Herrera Ander Herrera var keyptur
fyrir stórfé til United í fyrrasumar. Þrátt
fyrir fína frammistöðu í mörgum leikjum
hefur Herrera mátt sætta sig við að vera á
varamannabekknum. Hver ástæðan er skal
ósagt látið en þessi kraftmikli, vinnusami og
leikni miðjumaður er leikmaður sem flest ef
ekki öll lið gætu notað. Hann hefur sýnt að
hann á skilið að spila meira, sérstaklega þar
sem miðja United-liðsins hefur oft virkað
ótraust í fjarveru hans.
Bæta árangurinn
á útivelli Það sem af er tímabili
hefur Manchester United aðeins unnið fjóra
leiki af fjórtán á útivelli. Í tveimur þeirra var
liðið stálheppið að vinna, gegn Sout-
hampton og Arsenal. Það er morgunljóst að
ef United ætlar sér sæti í Meistaradeildinni
að ári þarf liðið að hirða fleiri stig á útivelli.
Ef aðeins árangurinn á útivelli teldi væri
United í 7. sæti deildarinnar.
Blása lífi í Angel
di Maria Eftir að hafa blásið fersku
lífi í leik Manchester United í byrjun leiktíðar
hefur fjarað verulega undan Argentínumann-
inum Angel di Maria, dýrasta leikmanni ensku
úrvalsdeildarinnar frá upphafi. Í undanförn-
um leikjum hefur hann verið skugginn af
sjálfum sér, gefið boltann auðveldlega frá
sér og virkað fyrirsjáanlegur í öllum sínum
aðgerðum. Louis van Gaal þarf að finna leið
til að endurvekja sjálfstraust di Maria sem var
valinn maður leiksins í úrslitaleik Meistara-
deildarinnar fyrir innan við ári.
Koma sér á
hliðarlínuna Louis van Gaal
er knattspyrnustjóri af gamla skólanum og
gerir hlutina eftir sínu höfði. Í sjónvarps-
útsendingum sést hann oft sitja á vara-
mannabekknum með blað og penna þar
sem hann tekur glósur. Það er sjaldgæft að
sjá hann öskrandi á leikmenn sína á hliðar-
línunni. Mögulega er það samt eitthvað sem
van Gaal mætti taka til endurskoðunar. Það
myndi hleypa lífi í stuðningsmenn United og
einnig halda leikmönnum við efnið.
Nota leikmenn í
þeirra bestu stöðum
Hvað eftir annað hefur leikmönnum United
verið spilað úr stöðu á tímabilinu. Wayne
Rooney spilaði á miðjunni, Angel di Maria
var notaður sem framherji, Antonio Val-
encia hefur spilað í hægri bakverði, Marcos
Rojo sem miðvörður og vinstri bakvörður
og þá hefur Ashley Young spilað sem vinstri
bakvörður, sem er staða sem hann virðist
að vísu kunna ágætlega við. United hefur
vantað stöðugleika og stöðugar hræringar
van Gaal í uppstillingu liðsins hafa ekki gert
mikið fyrir sjálfstraust leikmanna.
Gera meiri kröfur
Góðir knattspyrnustjórar verja leikmenn
sína með kjafti og klóm á opinberum
vettvangi en taka þá svo á teppið í einrúmi,
maður á mann. Áður en að leiknum gegn
Newcastle kom í síðustu viku sagði van Gaal
að nýir leikmenn, eins og Angel di Maria,
þyrftu ár til að aðlagast nýju liði og nýrri
deild. Þetta er kjaftæði. Góðir leikmenn
þurfa ekki tíma til að aðlagast. Hversu mik-
inn aðlögunartíma þurftu Diego Costa og
Alexis Sanchez? Það er vonandi að van Gaal
sé harðari við leikmenn sína í búningsklef-
anum en á blaðamannafundum.
Ekki spila van
Persie og Falcao
saman Það efast enginn um að
Robin van Persie og Radamel Falcao eru
frábærir framherjar. Það hefur hins vegar
sýnt sig í vetur að það þýðir lítið að spila
þeim saman frammi. Samanlagt hafa þeir
skorað 14 mörk í úrvalsdeildinni og oftar en
ekki hafa þeir leitt framlínuna í sameiningu.
Hjá van Persie líða að meðaltali 198 mínútur
milli marka en hjá Falcao eru mínúturnar
250. Það er afleit tölfræði. Annar hvor
ætti að byrja leiki meðan hinn fær sér sæti
á bekknum. Helst af öllu ætti þó Wayne
Rooney að fá tækifæri í fremstu víglínu
miðað við frammistöðu Falcaos og van
Persie hingað til.
Slaka á Það muna eflaust
margir eftir blaðamannafundinum eftir leik
West Ham og Manchester United þegar Louis
van Gaal fór hamförum. Neistinn sem kveikti
bálið í van Gaal voru ummæli Sams Allar-
dyce, stjóra West Ham, um að United spilaði
háloftabolta. Van Gaal mætti með alls konar
pappíra sem áttu að sýna að United spilaði
ekki háloftabolta. Van Gaal þarf að slaka á
og ekki láta ensku pressuna ná taki á sér. Þú
vinnur ekki slag við pressuna svo glatt.
Vinna Tottenham
Næsti leikur United í úrvalsdeildinni er gegn
Tottenham á heimavelli. Þessi leikur gæti
skipt sköpum í baráttunni um 4. sætið enda
mætir liðið Liverpool, Manchester City og
Chelsea í þremur af næstu fjórum leikjum
þar á eftir. Tapist leikurinn gegn Tottenham
gæti draumurinn um 4. sætið hreinlega
verið úti eftir Chelsea-leikinn sem fer fram
18. apríl. Liðið þarf að byrja á að vinna
Tottenham til að fá sjálfstraustið sem þarf í
erfiðu leikina sem á eftir koma.
3
1
2
4
5 6
7
8
9
10
Erfitt tímabil Louis van
Gaal hefur ekki náð því besta
út úr sínu liði í vetur. Það sem
eftir lifir tímabils mun baráttan
snúast um að koma United
aftur í Meistaradeildina.