Dagblaðið Vísir - DV - 29.05.2015, Qupperneq 31

Helgarblað 29. maí–1. júní 2015 Kynningarblað - Ferðaþjónusta 3
Fjölskyldurekið
hótel milli jökla
Hótel Laki í paradís náttúru
H
ótel Laki er fjölskyldurekið
hótel í um fimm kílómetra
fjarlægð frá Kirkjubæjar-
klaustri í Skaftárhreppi. Í
meira en fjörutíu ár hafa
hjónin Hörður Davíðsson og Salome
Ragnarsdóttir rekið ferðaþjón-
ustu í Efri-Vík, en þau byrjuðu með
gistingu í íbúðarhúsi sínu árið 1973.
Smátt og smátt hafa þau aukið gisti-
rými og afþreyingu á svæðinu og árið
2000 gengu Eva Björk, dóttir þeirra,
og Þorsteinn Kristinsson tengda-
sonur til liðs við þau og byrjuðu þá
fljótlega að byggja Hótel Laka sem
nú telur 64 herbergi og 15 smáhýsi
öll með sér baðherbergi, glæsilegan
veitingastað og bar.
Fjölbreytt afþreying
og náttúrufegurð
Nafn hótelsins vísar í Lakagígaröð-
ina á hálendi Skaftárhrepps, þar
sem einar mestu náttúruhamfarir
Íslandssögunnar, Skaftáreldar,
geisuðu á árunum 1783–1784. Nátt-
úran leikur stórt hlutverk á Hótel
Laka en þaðan er stórkostlegt út-
sýni í allar áttir. Frá veitingastaðn-
um blasir Öræfajökull við manni
með Hvannadalshnúk á toppnum í
austri og Kötlu í Mýrdalsjökli í vestri.
„Við bjóðum upp á margvíslega af-
þreyingu hér í nánasta umhverfi
hótelsins og má þar nefna veiði í
Víkurflóði. Þar er ágætis veiðivon á
sjóbirting, bleikju og staðbundnum
urriða,“ segir Hörður eigandi Hótel
Laka.
„Skemmtilegar gönguleiðir eru
út frá hótelinu og sérstaklega er
gaman að ganga niður að fugla-
skoðunarhúsi þar sem við höfum
nýlega komið upp frábærri aðstöðu
til fuglaskoðunar eða einfaldlega til
að njóta kyrrðarinnar við vatnið,“
segir Hörður. Einnig er gaman að
ganga áfram að Álfaborginni en þar
hafa ýmsir yfirnáttúrulegir atburðir
gerst. Þá er líka í göngufæri frá hót-
elinu svokallað öskulagabyrgi þar
sem hægt er að skoða öskulagasnið
allt frá landnámi. Þar er líka hlaðin
eftirlíking og fornar leifar af Bjarnar-
garði, sem talinn er stærsti mann-
gerði garður Íslandssögunnar og
hefur líklega verið hlaðinn fyrir um
900 árum. „Á veturna bjóðum við
öllum okkar gestum í nýju norður-
ljósastofuna okkar sem er staðsett
á þaki hótelsins,“ segir Hörður. Þar
er hægt að koma sér fyrir með heitt
kakó og teppi og bíða eftir norður-
ljósunum. Á sumrin eru svo gerðar
út fjórhjólaferðir og jeppaferðir frá
hótelinu.
Heimaunninn matur úr héraði
Á veitingastað Hótel Laka er lagt upp
úr því að nota hráefni úr heimabyggð
enda státar staðurinn af úrvals lamba-
kjöti og bleikju úr sveitinni. „Með því
að vita uppruna vörunnar getum við
ábyrgst gæði hennar og stutt við versl-
un í héraði. Meira og minna allt hrá-
efni er handvalið af kokkinum okkar,“
segir Hörður. Langstærstur hluti
hótel gesta Laka snæðir kvöldverð þar,
en þar að auki er veitingastaðurinn
opinn öllum, gestum og gangandi, allt
árið um kring. Hótel Laki er að Efri-
Vík, Kirkjubæjarklaustri. Síminn er
412-4600, netfangið hotellaki@hot-
ellaki.is og heimasíða hotellaki.is n