Dagblaðið Vísir - DV - 27.10.2015, Side 30

26 Fólk Vikublað 27.–28. október 2015
Tónninn verður
að vera hreinn
Þ
átturinn verður með frekar
svipuðu sniði en við lærðum
helling í fyrra. Það eina er
að þátturinn hefur elst – eða
jafn mikið og við sjálf,“ segir
Unnsteinn Manuel Stefánsson, sem
mun stjórna nýrri þáttarröð af Hæp­
inu ásamt Katrínu Ásmundsdóttur
en fyrsti þáttur fer í loftið á miðviku­
daginn.
Kafa djúpt
Í Hæpinu er fjallað um málefni sem
brenna á ungu fólki. „Reglan hjá
okkur er að enginn þáttur á að vera
eins. Við ætlum að leyfa okkur að
kafa dálítið djúpt í afmörkuð efni
og sjáum hvort það virkar eða ekki.
Við verðum með fimm þætti fyrir
áramót og sex eftir áramót. Fyrsti
þátturinn fjallar um allar þess­
ar netbylgjur ungu femínistanna
og þar er af nógu að taka. Hliðar­
sagan er svo hvort eitthvað sé að í
samfélaginu því sannleikurinn er
sá að það er ekki komið eins fram
við konur og karla á Íslandi frekar
en annars staðar í heiminum,“ seg­
ir Unnsteinn og játar því að hafa
lengi verið femínisti. „Ég verð ekki
hræddur þegar talað er um femín­
isma og varð ekki síður femínisti
út af umræðunni í samfélaginu.
Við verðum alltaf að vera í sjálfs­
skoðun því skoðanir fólks litast af
samfélaginu og ef tónninn í samfé­
laginu er ekki hreinn getum við ekki
alið upp fólk sem setur sig í spor
annarra. Það er eitthvað að í samfé­
lagi sem setur stúlkurnar sínar út í
lífið með einhvers konar krossalista
yfir hluti sem þær eiga að forðast
svo þeim sé ekki nauðgað. Það er
nokkuð ljóst að nú þurfa ungir karl­
menn að taka við keflinu af ungu
femínistunum og hefja umræðu um
þessi mál.“
Nett, fræðsla og væmið
Unnsteini er umhugað að fjalla um
það sem lítið er talað um. „Það er
meira spennandi. Við viljum samt
ekki vera fræðsluþáttur heldur
kafa ofan í hlutina frá sjónarhorni
ungs fólks. Vonandi verðum við
skemmtilegur spegill á samtímann.
Við hugsum þetta sem þríhyrning.
Nett er efst; það sem er flott, niðri
til vinstri er fræðslumynd og niðri
til hægri er væmið. Við viljum lenda
ofarlega í þríhyrningnum og ná til
fólks með mannlegu „elimenti“ en
líka fræða en án þess að predika.“
Æðislegar raddir
Þótt Unnsteinn sé söngvari hljóm­
sveitarinnar Retro Stefson er hann
meiri sjónvarpsstjarna en tónlistar­
stjarna þessa dagana því auk Hæps­
ins er hann einn af fjórum þjálfur­
um í söngþættinum The Voice.
Hann segist hafa gaman af því að
vinna í sjónvarpi. „Þetta er mjög
mikil vinna en það er svo gaman
að skora á sig. Undanfarna mánuði
hefur mesta vinnan farið í Hæpið
en núna förum við að hitta krakk­
ana í The Voice. Það verður gam­
an að byrja að æfa með þeim,“
segir hann og játar aðspurður að
hæfileikarnir í þáttunum hafi kom­
ið honum á óvart. „Heldur betur.
Þar sem við erum á Íslandi hélt
ég að maður myndi þekkja helm­
inginn af þátttakendum en raunin
var sú að þarna kom margt fólk með
æðislegar raddir sem ég hafði aldrei
séð áður,“ segir hann en neitar því
að hafa þegar fundið sigurvegara
keppninnar. „Þetta er ennþá jafnt.
Við erum að vinna með söngvurun­
um í hverri viku og þeir eru að þró­
ast mikið og kenna mér mjög margt
í leiðinni. Þetta er bara rosalega
gaman.“ n
indiana@dv.is
Unnsteinn Manuel Stefánsson og Katrín Ásmundsdóttir byrja aftur með Hæpið„Það er eitthvað að
í samfélagi sem
setur stúlkurnar sínar út í
lífið með einhvers konar
krossalista yfir hluti sem
þær eiga að forðast svo
þeim sé ekki nauðgað.
Unnsteinn Manuel
Unnsteinn er eiginlega
meiri sjónvarpsstjarna
en tónlistarstjarna
þessa dagana. MyNd Saga Sig
„Þetta verð-
ur einhver
tryllingur!“
Hits&tits snúa aftur á Húrra
Hits&tits er heiti á plötusnúða­
dúói Margrétar Erlu Maack og
Ragnheiðar Maísólar Sturlu­
dóttur. Þær eiga stóran aðdá­
endahóp og eru þekktar fyrir
kátínu og stuð í hvívetna.
Fyrir utan að taka að sér
plötusnúðagigg í veislum um
allar grundir
hafa þær stöll­
ur staðið fyrir
karókíkvöld­
um á Húrra.
Æstir aðdá­
endur stúlkn­
anna hafa
þurft að bíða
með hendur
í skauti í tals­
verðan tíma,
þar sem dúóið dýnamíska hefur
verið í pásu síðustu mánuði.
Blaðakona hafði samband
við Margréti Erlu og spurði
hvernig stemningin í tónlistar­
herbúðum Hits&tits væri
þessa dagana, en þær eru önn­
um kafnar við að undirbúa
endurkomu á Húrra fimmtu­
dagskvöldið 29. október. „Við
erum að koma aftur sterkar
inn í samkvæmismenninguna,
Maísól eftir barnsburð og ég
eftir sirkussumar. Þetta er
fimmtudagurinn fyrir hrekkja­
vökuna, svo fólk má alveg vera í
búningi eða með gerviblóð eða
svoleiðis. Annars verður reyk­
vélin á sínum stað, og Maísól
er búin að vera að klippa kon­
fettí í heila viku núna, svo þetta
verður einhver tryllingur.“ Það
er óhætt að búast við stuði og
skemmtun á Húrra eins og
alltaf þegar þessar glamúr­
dömur stíga á svið.