Dagblaðið Vísir - DV - 19.06.2015, Blaðsíða 14

Helgarblað 19.–22. júní 201514 Fréttir
N
IÐUR! NIÐUR!“ öskraði
sérsveitarmaður að sögn
á Hlín Einarsdóttur þegar
hún teygði sig eftir tösk-
unni sem hún hélt að inni-
héldi átta milljónir íslenskra króna
í reiðufé. Lýsingar af einu umtalað-
asta sakamáli síðari ára minna
helst á hasarkvikmynd úr smiðju
Hollywood – reyfarakennd atburða-
rás sem virtist um tíma taka á sig
nýja mynd á hverjum degi.
Atburðarásin hófst, að sögn
Hlínar, kvöld eitt í maímánuði þegar
Malín Brand, systir hennar, gisti hjá
henni. Hlín segir við DV að þær hafi
báðar haft miklar áhyggjur af eig-
in fjárhagsörðugleikum og á þeim
tíma glímdi Hlín að sögn við miklar
geðraskanir. Sú hugmynd að kúga
forsætisráðherra landsins
mun hafa kviknað þetta
kvöld en eftir það gerðust
hlutirnir
tiltölulega
hratt.
Hlín segir
að ákveðið hafi ver-
ið að skrifa bréf til Sig-
mundar Davíðs Gunnlaugsson-
ar og krefja hann um greiðslu á
átta milljónum króna í reiðufé – ella
myndi viðkvæmum upplýsingum
vera lekið til fjölmiðla. Bréfið hafi
verið skrifað í ferðatölvu sem Hlín
átti og var, samkvæmt upplýsing-
um frá Hlín, prentað út á skrifstof-
um Morgunblaðsins, þar sem Malín
Brand starfar.
Miðvikudaginn 27. maí var bréf-
ið póstlagt. Þær systur keyptu frí-
merki og umslag í bókabúð í mið-
bænum og stíluðu umslagið á
eiginkonu forsætisráðherra, þrátt
fyrir að sjálft bréfið hafi verið stíl-
að á Sigmund Davíð. Var ákveðið að
gera þetta svona svo öruggt væri að
bréfið skilaði sér til Sigmundar Dav-
íðs. Ef hætta væri á að einhver í for-
sætisráðuneytinu – mögulega að-
stoðarmenn hans – opnaði bréfið
og sæi innihaldið, væri ekki víst að
það skilaði sér á leiðarenda.
Bréfið barst daginn eftir, fimmtu-
daginn 28. maí. Í bréfinu stóð að af-
henda þyrfti peningana á fyrirfram
ákveðnum stað, sunnan Vallahverf-
is í Hafnarfirði, nánar tiltekið þar
sem Ásbraut og Krýsuvíkurveg-
ur mætast. Afhenda átti peninga á
slaginu 09.30 daginn eftir eða föstu-
dagsmorguninn 29. maí.
Mættu klukkustund áður
Hlín og Malín fóru saman á bif-
reið á umræddan stað. Þær mættu,
tæpum klukkutíma áður en af-
hendingin átti að eiga sér stað,
héldu sig í góðri fjarlægð og fylgd-
ust með þegar ráðherrabifreið Sig-
mundar Davíðs var ekið að og bíl-
stjóri hans steig út. Ekki er með
fullu vitað hvort sérsveitarmaður
hafi ekið bílnum umræddan dag en
hvað sem því líður þá tók bílstjórinn
tösku út úr bílnum og skildi eftir úti
í hrauninu.
Systurnar fylgdust svo með bíl-
stjóranum aka í burtu. Þær ákváðu
að fylgjast með svæðinu í kjölfarið
og hreyfðu sig ekki fyrr en tæpum
klukkutíma eftir að hann var farinn,
samkvæmt heimildum DV. Þá óku
þær af stað að töskunni. Þær stöðv-
uðu við vegarkant og Hlín steig út.
Hún gekk í átt að töskunni og allt
virtist með kyrrum kjörum – enginn
sjáanlegur í grenndinni, hvorki fólk
né bílar.
Kom nánast upp úr jörðinni
Þegar Hlín teygði sig eftir töskunni
þá lifnuðu við mosi og steinar fyrir
framan hana. Voru þar komnir sér-
sveitarmenn í felulitabúningum.
„NIÐUR! NIÐUR!“ sagði vopnaður
sérsveitarmaður sem, samkvæmt
heimildum DV, kom nánast upp úr
jörðinni, fáeinum metrum frá tösk-
unni sem átti að innihalda pening-
ana. Lögreglan á höfuðborgarsvæð-
inu og ríkislögreglustjóri höfðu
skipulagt þetta frá A til Ö.
Sérsveitarmenn klæddir felu-
búningum duldust í kringum tösk-
una og lágu þar í nokkra klukkutíma
– ekki liggur fyrir hvenær sérsveitar-
mennirnir komu sér fyrir en miðað
við þær upplýsingar sem DV hefur
undir höndum er nokkuð víst að
þeir hafi legið í hrauninu í nokkra
klukkutíma og beðið eftir þeim sem
höfðu reynt að kúga forsætisráð-
herrann.
Samkvæmt heimildum DV vissi
hvorki lögreglan á höfuðborgar-
svæðinu né ríkislögreglustjóri hver
stóð á bak við bréfið til Sigmund-
ar Davíðs fyrr en atburðarásin í
hrauninu hófst. Þess vegna spöruðu
menn ekki viðbúnaðinn, voru með
alvæpni og tilbúnir í hvað sem er.
Hlín lagðist niður með hendur
við bak og sérsveitarmaður skellti
á hana handjárnum. Aðrir sér-
sveitarmenn hlupu að bílnum þar
sem Malín Brand beið og var hún
handtekin örfáum sekúndum síðar.
Voru þær fluttar á lögreglustöðina á
Hverfisgötu og settar beint í fanga-
klefa. Þar biðu þær á meðan rann-
sóknarlögreglumenn undirbjuggu
sig fyrir yfirheyrslur.
Játuðu báðar aðild
Samkvæmt fréttatilkynningu frá
lögreglunni játuðu þær báðar að-
ild að fjárkúgunarmálinu við yf-
irheyrslur lögreglu. Í yfirlýsingu
Malínar Brand til valdra fjölmiðla
kom fram að hún hafi ekki komið
nálægt bréfsendingunni og sjálfri
fjárkúguninni og harmaði að hafa
blandast inn í málið. Stuttu seinna
sagði Friðrik Smári Björgvinsson,
yfirlögregluþjónn hjá lögreglunni á
höfuðborgarsvæðinu, að lögreglan
hafi notað óheppilegt orðalag í eig-
in fréttatilkynningu. „Þær komu
kannski ekki báðar að því að póst-
leggja bréfið. En þær játuðu báðar
aðild sína að málinu.“
Hlín segir eitt og Malín segir ann-
að. Eitt er þó ljóst; að málið telst að
mestu upplýst en að lokinni rann-
sókn verður það sent til ríkissak-
sóknara sem tekur ákvörðun um
næstu skref. n
SérSveitarmenn
Spruttu upp úr jörðinni
n Ítarleg lýsing á atburðarás í hrauninu við Vallahverfi í Hafnarfirði 29. maí
Atli Már Gylfason
atli@dv.is
„Þær komu kannski
ekki báðar að því
að póstleggja bréfið. En
þær játuðu báðar aðild
sína að málinu.
„NIÐUR! NIÐUR!“
öskraði vopnaður
sérsveitarmaður
Vettvangurinn Á
þessum slóðum átti
afhendingin að fara fram.
Mynd ÞorMAr ViGnir GunnArsson