Dagblaðið Vísir - DV - 17.07.2015, Síða 12

12 Fréttir Helgarblað 17.–20. júlí 2015
Hvað elda ferðamennirnir?
n Hvað borða þeir þegar eldað er undir berum himni? n Prímus og vatn lykilatriði
G
ríðarlegur fjöldi máltíða
er eldaður undir berum
himni á hverjum degi yfir
háferðamannatímann. DV
tók nokkra ferðamenn tali
á tjaldsvæðum á Suður- og Austur-
landi. Fékk að smakka og í stöku til-
viki að leiðbeina. Það er frekar kulda-
leg tilhugsun á sumarkvöldi að vera
kominn í náttstað og hitinn er á bil-
inu 5–8°C og byrja á að laga mat.
Á flestum tjaldstæðum við Skóga,
Vík í Mýrdal, Klaustur, Höfn í Horna-
firði má sjá á hverju kvöldi mikinn
fjölda kúlutjalda. Þar eru iðulega á
ferð ferðamenn sem ferðast ódýrt og
í nánu samneyti við náttúruna. Og
hvað er í matinn?
Á tjaldsvæðinu við Vík situr
danska parið Malene og Phillip við
borð sem er sambyggt bekkur og
borð. Prímusinn hvæsir á potti sem
er orðinn sjóðheitur. Hvað er í mat-
inn? Phillip lyftir lokinu og segir
„Tikka Masala.“ Um leið setur hann
upp í sig bita og blæs út úr sér: „Ég
er hálfur Íslendingur.“ Hann er Jons-
son og kom síðast til Íslands fyrir
nokkrum árum. Tikka masala-sósan
var keypt í Bónus og kjúklinga bitum
er bætt út í. Engin hrísgrjón eða
grænmeti. Bara það nauðsynlegasta
til að næra sig. Malene er kuldaleg og
togar ermarnar niður. Nefið er rautt.
Rétturinn smakkast ágætlega og það
sem skiptir máli – sjóðheitur.
Skyrhræringur við Skóga
Pólska parið Grzeic og Ola norpa
undir vegg veitingastaðarins og
eru að borða með skeið upp úr litl-
um álpottum. „Þetta eru hrísgrjón,
jógúrt og epli með kanil,“ segir Ola
aðspurð um réttinn. Raunar heldur
hún á skyrdollu og er leiðrétt hvað
það varðar. Hrísgrjónin eru hörð
og rétturinn er kaldur. Of lítið er af
eplum og kanil í réttinum þannig
að hann bragðast hreint ekki
vel. Auk þess er hann kaldur og
nauðsynlegt hefði verið að fá eitt-
hvað heitt í kroppinn. Þau hlæja
bæði þegar blaðamaður grettir sig.
Þau eru á tíu daga ferð og finnst
dýrt að vera á Íslandi. Varla getur
þessi kvöldmatur þó létt pyngjuna.
Pasta frá Póllandi
Á tjaldstæðinu í Vík eru margir að
fara að elda kvöldmat. Þrír pólskir
félagar eru að sjóða pasta með
Hunt's-tómatmauki. Ora-túnfisk-
ur, niðursoðinn í vatni fer svo út
í að lokum. Þetta bragðast ágæt-
lega. Þau sögðu að oftast væri pasta
í matinn. Þau tóku með sér pasta
að heiman en eru að klára það og
ætla að kaupa meira slíkt á hring-
ferðinni. Sebastian, Ilonce og Ania
eru skælbrosandi enda hlýnar þeim
fljótt af heitum pastaréttinum. Þau
njóta þess líka á tjaldstæðinu í Vík
að þar er aðstaða innandyra og hún
er vel þegin á köldu síðkvöldi.
Á rölti um tjaldsvæðið göngum
við næst fram á tvær franskar konur
sem eru með sjóðandi vatn í potti.
Spennandi að sjá hvað franskar
konur elda. Marie Claire og Dany
verða hálf skömmustulegar þegar
þær svara því til að í matinn sé taí-
lensk bollasúpa. „Bara alls ekki mjög
franskt,“ segir Marie og flissar. Súp-
una tóku þær með sér að heiman og
eiga stafla af þessum bréfum. „Það
er dýrt að ferðast um Ísland,“ segir
Marie. Hún viðurkennir reyndar að
hið sama megi segja um Frakkland
þegar blaðamaður DV segir: „Það er
líka mjög dýrt að ferðast um Frakk-
land.“ „Oui, oui,“ (Já, já), svarar sú
franska og Dany vinkona hennar tek-
ur undir. Við skiljum sátt, nema hvað
súpan var ekki upp á marga fiska.
Döðlur í Borgarfirði
Að lokum er Anne, franskur nemi
á Veðurstofu Íslands, tekin upp í
og henni ekið á Borgarfjörð eystri.
Hún ætlaði að elda pasta. Þurrk-
aðar döðlur í forrétt. Ekki held-
ur mjög franskt þar. Af fleiri tjald-
búum á og við hringveginn má
ráða að þeir borða flestir pasta og
miklu frekar til að lifa en njóta. n
Eggert Skúlason
eggert@dv.is
„Þetta er hrísgrjón,
jógúrt og epli með
kanil.
Ola frá Póllandi
Tikka Masala Danska
parið Malene Lintrup og
Phillip Jonsson með ágæt-
lega girnilegan kjúklinga-
rétt. Hráefnið keypt í Bónus.
Phillip er hálfíslenskur.
MynD EggErT SkúlaSOn
Skyrhræringur Pólska
parið Grezesic og Ola með
skyrhræringinn. Hörð grjón
slógu ekki í gegn. Ekki
sérlega spennandi. Kalt að
auki. MynD EggErT SkúlaSOn
Pasta með túnfiski
Sebastian frá Póllandi
með pasta með
tómatsósu og túnfiski.
Túnfiskurinn gerði
útslagið. Bara ágætis
kvöldverður.