Dagblaðið Vísir - DV - 17.07.2015, Blaðsíða 29

Helgarblað 17.–20. júlí 2015 Lífsstíll 29
Á
form er grasrótarhreyfing
sem býður upp á ókeypis lík-
amsrækt fyrir alla sem vilja
taka skrefið út fyrir kassann í
tengslum við hreyfingu. For-
sprakki og yfirþjálfari Áforms er Rakel
Eva Sævarsdóttir en hún kynntist
sambærilegum hópi þegar hún var
búsett í Boston fyrir nokkrum árum.
Æfingarnar henta öllum
Orkuboltinn Rakel Eva hefur
haldið úti Áforms-æfingum alla
miðvikudags- og föstudagsmorgna í
heilt ár. Hún segir Áform vera sam-
félagshóp sem fer óhefðbundnar
leiðir, kort í ræktina er óþarft og veðr-
ið er breyta sem skiptir engu máli.
Eins geta þátttakendur Áforms alltaf
gengið að því vísu að það sé æfing og
að ekkert gjald sé greitt fyrir.
„Áform er samfélag fyrir alla
sem vilja hreyfa sig! Um er að ræða
skipulagðar æfingar klukkan 6.30
tvisvar í viku. Hvort sem tilgangur-
inn er að koma sér upp úr sófanum,
viðhalda góðu formi eða koma sér í
enn betra form eru allir velkomnir,
æfingarnar henta öllum og eru fyrir
alla. Þetta snýst bara um að mæta á
staðinn, hreyfa sig, hvetja hvert ann-
að áfram, ná árangri og síðast en
ekki síst að njóta! Hver og einn tekur
ákvörðun fyrir sig varðandi af hversu
miklum ákafa æfingin er tekin. Ég
lofa öllum hörkuæfingu ef áhuginn
er til staðar.“
Kynntist einhverju alveg nýju
Rakel Eva telur viðmótið á
æfingunum algjört lykilatriði og að
þar sé hvatning og gleði ávallt í fyrir-
rúmi. Þessu kynntist hún sjálf þegar
hún byrjaði að æfa með „ November
Project“-hópnum í Boston þar sem
hún eignaðist vini fyrir lífstíð og
komst í sitt allra besta form.
„Þegar ég flutti til Boston með
manninum mínum og stráknum okk-
ar 2013 langaði mig að finna góðan
hlaupahóp. Ég rambaði á umfjöllun
um hóp starfandi í Boston sem kallast
November Project. Ég ákvað að skella
mér á æfingu einn morguninn eftir
að hafa lesið að það eina sem mað-
ur þyrfti að gera væri að láta sjá sig og
að það kostaði ekkert! Þarna kynnt-
ist ég einhverju alveg nýju enda allir
velkomnir hvort sem fólk var í hörku-
formi eða mörgum kílóum of þungt.
Á fyrstu æfingunni minni mættu
rúmlega 100 manns og ég hafði aldrei
kynnst jafn miklum krafti og gleði
eins og þarna ríkti. Allir brosandi og
hvöttu hvert annað áfram. Það var
alveg nýtt fyrir mig, eyjaskeggja frá
Íslandi sem var ekki vanur því að
ókunnugt fólk sýndi hvert öðru áhuga
og hlýju. November Project varð mér
gríðarlega mikilvægt á meðan við
bjuggum í Boston, ég kynntist mörgu
frábæru fólki og náði ótrúlegum ár-
angri.“
Faðmast á æfingum
Í Boston getur frostið farið niður í -15
til -20 gráður á veturna og kuldinn
níst inn að beini á köldustu morgn-
unum. Rakel segir það ekki hafa háð
November Project-hópnum og því
hafi hún ekki séð að veðráttan á Ís-
landi þyrfti að koma í veg fyrir sam-
bærilegan hóp hérlendis.
„Eftir að við fluttum heim sumar-
ið 2014 fann ég hversu háð ég var fé-
lagsskapnum. Þessi gleði, kraftur og
kærleikur til náungans var eitthvað
sem mig langaði að reyna miðla til
Íslendinga og setja á laggirnar hér
heima. Úr varð Áform. Á æfingum
tökumst við ekki í hendur heldur
föðmumst við en það er lykilþáttur
og þannig byrjum við hverja æfingu. Í
fyrstu finnst mörgum þetta hálf kjána-
legt en svo verður þetta nauðsynleg
byrjun á deginum.“
Stækkar með hverjum mánuðinum
Mætingin hefur ekki valdið vonbrigð-
um og Íslendingar hafa sýnt þessu
nýja og óhefðbundna líkamsræktar-
tækifæri mikinn áhuga. Rakel segir þó
að á myrkustu vetrarmorgnunum hafi
verið fámennara en í góða veðrinu
núna yfir hásumarið. Fastur kjarni
hafi þó alltaf mætt og vonir standi
til að sá kjarni verði töluvert stærri
næsta vetur.
„Áform stækkar með hverjum
mánuðinum sem er ótrúlega
skemmtilegt. Ef fólk myndi ekki
mæta á æfingar væri Áform ekki til
og því er það því að þakka að Áform
er starfandi! Ég vona innilega að fólk
haldi áfram að mæta í haust og vet-
ur þegar það fer að dimma og kólna.
Æfingarnar verða ekki síðri og gleðin
og ánægjan jafnvel meiri ef eitthvað
er. Framtíðarmarkmiðið er að Áform
verði starfandi um allt land! Ef einhver
hefur áhuga á að stofna hóp fyrir utan
höfuðborgarsvæðið er bara hafa sam-
band og við keyrum það af stað,“ segir
Rakel Eva Sævarsdóttir að lokum, full
eldmóðs þrátt fyrir að ganga síðustu
metrana með sitt annað barn sem er
væntanlegt í lok júlí. Rakel hefur fund-
ið frábæran hóp til þess að leysa sig af
en hlakkar til að koma tvíefld aftur til
leiks eftir barnsburð. n
n Kort í ræktina er óþarft og veðrið skiptir engu máli n Æfingar hefjast á faðmlagi
Áform er fín ókeypis
líkamsrækt fyrir alla
Út fyrir
kassann
Kristín Tómasdóttir
skrifar
Birna Bryndís Þorkelsdóttir hefur
stundað Áform undanfarna mánuði. Hún
mælir hiklaust með þessum hópi fyrir
alla sem vilja byrja að hreyfa sig en henni
finnst hópeflið og jákvæðin í loftinu það
besta við æfingarnar.
1 Hvers vegna valdir þú Áform?
„Vinkona mín var byrjuð að mæta og hvatti
mig til að prófa. Ég var nú ekkert viss í
fyrstu út af tímasetningunni og hafði satt
að segja aldrei prófað að æfa snemma á
morgnana áður. Ég hafði fyrir löngu talið
mér trú um að það væri sko ekkert fyrir
mig! En svo lét ég til leiðast og fann strax
eftir fyrstu æfinguna hvað þetta átti vel
við mig eða þar til ég vaknaði daginn eftir
og gat varla hreyft mig vegna strengja!“
2 Hvað finnst þér best við Áform?
„Mér finnst afar mikil jákvæðni í loftinu á
æfingum, allir mættir á eigin forsendum
og gera sitt besta. Ég er hrifin af þeirri
hugmynd að það eigi að vera hægt að
hreyfa sig án þess að þurfa að borga fyrir
það og hef einmitt valið að fara sjálf út að
hlaupa. Núna finn ég samt hvað hópeflið
er mér mikilvægt og ég legg mig meira
fram þegar ég er að æfa með hópi.“
3 Mælirðu með þessu fyrir aðra? „Já,
algjörlega! Ég mæli sérstaklega með því
að prófa að mæta á eina til tvær æfingar.
Mér hefur nú tekist að smita nokkra úr
stórfjölskyldunni til að mæta og öll hafa
verið jafn ánægð og ég.“
4 Fórstu út fyrir þægindarammann
þegar þú byrjaðir í Áformi? „Já, ég
myndi segja það en aðallega út af sjálfri
hreyfingunni. Ég var búin að taka aðeins
of langa pásu frá því að hreyfa mig svo ég
er bara að byggja upp þol og styrk jafnt og
þétt núna. Ég er strax farin að hlakka til að
fá að prófa að mæta í snjó og myrkri og sjá
hvernig það er. Ég veðja á að maður verði
ansi stoltur af sér eftir vetraræfingarnar!“
„farin að hlakka til að
mæta í snjó og myrkri“
Spurt og svarað um Áform
„Vona innilega að
fólk haldi áfram að
mæta í haust og vetur þegar
það fer að dimma og kólna.
Forsprakkinn Rakel Eva
kynntist sambærilegum hópi
í Boston. Mynd ÞorMar vignir
Rafport ehf • Nýbýlavegur 14 • 200 Kópavogur • S: 554-4443 • rafport.is
Við bjóðum uppá allar
gerðir merkivéla og
prentara sem henta inná
hvert heimili og fyrirtæki
Komdu við og kíktu
á þetta frábæra úrval
sem við höfum upp
á að bjóða