Dagblaðið Vísir - DV - 01.09.2015, Blaðsíða 14

Vikublað 1.–3. september 201514 Fréttir
Slitastjórn fer fram á 10
milljarða tryggingasjóð
n Eitt prósent af eignum í sjóð til að tryggja skaðleysi n Gæti hætt verði tillagan felld
S
litastjórn Glitnis fer fram á að
kröfuhafar búsins samþykki
ályktun um að settur verði á
fót sérstakur sjóður í evrum
að jafnvirði um tíu milljarða
króna í því skyni að tryggja slitastjórn
skaðleysi vegna hugsanlegra mál­
sókna í tengslum við ákvarðanir og
störf hennar. Sjóðurinn væri nýttur til
að standa straum af ýmsum kostnaði
sem gæti fallið á meðlimi slitastjórn­
ar vegna mögulegra málshöfðana eft­
ir að slitameðferð lýkur. Hann á að
nema 1% af heildareignum búsins,
sem var 981 milljarður króna um mitt
þetta ár, og líftími sjóðsins gæti verið
allt að tíu ár.
Þetta kemur fram í gögnum sem
Glitnir sendi til kröfuhafa slita­
búsins á miðvikudaginn í síðustu
viku vegna þeirra tillagna sem verða
teknar fyrir á kröfuhafafundi hinn 8.
september næstkomandi og DV hef­
ur undir höndum. Steinunn Guð­
bjartsdóttir, formaður slitastjórnar
Glitnis, segist í samtali við DV ekki
útiloka að slitastjórnin muni segja
sig frá störfum ef kröfuhafar fallist
ekki á slíka tryggingu fyrir skaðleysi
þeirra. Auk Steinunnar á Páll Eiríks­
son sæti í slitastjórn Glitnis.
Umfangið fordæmalaust
Fjármunir sjóðsins gætu einnig verið
notaðir til að tryggja skaðleysi starfs­
manna Glitnis, núverandi og fyrrver­
andi, auk ráðgjafa slitastjórnarinnar
ef til þess kemur að slík málshöfðun
muni ná til þeirra. Ráðgjafar
slitastjórnar Glitnis sem þar um ræð­
ir eru bandaríska fyrirtækið Moelis
& Company og breska ráðgjafafélag­
ið Talbot Hughes & McKillop (THM).
Steinunn segir að slíkt skaðleysi til
handa meðlimum slitastjórnarinn­
ar vegna starfa við slitameðferðina
sé í samræmi við það sem tíðkast í
flestum öðrum löndum. Í ljósi þess
fordæmalausa umfangs og flækju­
stigs sem leiðir af uppgjöri Glitnis þá
bendir hún á að það væri „fullkom­
lega óeðlilegt að setja einstaklinga í
þá stöðu“ að eiga hættu á að ósáttir
kröfuhafar – eða þriðji aðili – geri kröf­
ur á hendur þeim persónulega. „Við
verðum að hafa í huga að kröfuhafar
Glitnis eru skráðir í 52 löndum og lög­
sögum,“ segir Steinunn. Gríðarlegur
kostnaður gæti því fallið á slitastjórn í
tengslum við slíka málshöfðun.
Óttast málsóknir
Á kröfuhafafundi Glitnis munu
kröfu hafar jafnframt kjósa um álykt­
un þess efnis að þeir samþykki að
veita meðlimum slitastjórnarinn­
ar ábyrgðarleysi vegna krafna sem
þeir kunna að eiga á hendur henni
vegna ýmissa ráðstafana þeirra,
meðal annars greiðslu stöðug­
leikaframlags til stjórnvalda, við
gerð nauðasamnings. Slík ályktun,
verði hún samþykkt af meirihluta
kröfuhafa á fundinum, verður hins
vegar ekki bindandi fyrir þá kröfu­
hafa sem kunna að greiða atkvæði
gegn því að veita slíkt ábyrgðarleysi.
Þeir gætu því látið reyna á rétt sinn
eftir greiðslu stöðugleikaframlags
og í kjölfarið lok slitameðferðar með
samþykkt nauðasamnings.
Í umsögn slitastjórnar Glitn­
is við frumvarp um breytingar á
lögum um fjármálafyrirtæki sem
var samþykkt á Alþingi 3. júní síð­
astliðinn, í tengslum við aðgerð­
ir stjórnvalda til að liðka fyrir gerð
nauðasamnings fallinna fjármála­
fyrirtækja, var gagnrýnt að tiltekn­
ir kröfuhafar gætu verið óbundnir
af ákvörðun kröfu hafafundar um að
veita slitastjórn ábyrgðarleysi. Kröf­
uhafar gætu þannig meðal annars
átt rétt á því að höfða mál – á Íslandi
eða erlendis – á hendur slitastjórn­
armeðlimum persónulega vegna
greiðslu stöðugleikaframlagsins.
Vilji kröfuhafar forðast það að greiða
39% stöðugleikaskatt á eignir bús­
ins verða þeir að samþykkja að inna
af hendi stöðugleikaframlag og ljúka
nauðasamningum fyrir árslok. Stöð­
ugleikaframlag Glitnis felur í sér
framsal á innlendum eignum að fjár­
hæð um 210 til 260 milljarða króna,
miðað við bókfært virði þeirra, en
endanlegt verðmæti eignanna kann
hins vegar að reynast talsvert meira.
Efnahags­ og viðskiptanefnd féllst
ekki á það með slitastjórnum föllnu
bankanna að svipta þá kröfuhafa,
sem kynnu að greiða atkvæði gegn
ályktun um ábyrgðarleysi, heimild til
að reyna á rétt sinn gagnvart meðlim­
um slitastjórnar. Þá var bent á það í
áliti meirihluta nefndarinnar að sam­
kvæmt gildandi lögum gæti meirihluti
kröfuhafafundar tekið „ákvörðun um
skaðleysi og/eða tryggja slitastjórn
skaðleysi vegna mögulegra málsókna
vegna ákvarðana eða starfa hennar, ef
til þeirra kemur.“
Ekki samstaða meðal kröfuhafa
Steinunn bendir á að kröfuhafar séu
stór hópur og því „erfitt að segja til
um“ hvort þeir muni allir samþykkja
ályktun um ábyrgðar­ og skaðleysi
til handa meðlimum slitastjórnar
Glitnis. Aðspurð hvort það komi
til álita að slitastjórnin hætti störf­
um ef ekki fæst samþykki kröfuhafa
um að tryggja skaðleysi þeirra með
eignum búsins segir Steinunn að
„það verði metið þegar þar að kem­
ur. En vissulega getur það komið til
greina.“
Samkvæmt heimildum DV er ekki
samstaða um það á meðal kröfu­
hafa Glitnis að fallast á þær tillögur
sem slitastjórnin hyggst óska eft­
ir vegna lausnar undan ábyrgð og
skaðleysis. Líklegt þykir að einhver
hópur kröfu hafa – þó að hann verði í
miklum minnihluta – muni greiða at­
kvæði gegn því að veita slitastjórninni
ábyrgðarleysi. Þá er sú skaðleysis­
trygging sem slitastjórnin hefur farið
fram á – að setja 10 milljarða af eign­
um búsins í sérstakan tryggingasjóð –
meiri að umfangi en allir kröfuhafar
geti sætt sig við. n
„Það væri „fullkomlega óeðlilegt að
setja einstaklinga í þá stöðu“ að eiga
hættu á að ósáttir kröfuhafar – eða þriðji aðili
– geri kröfur á hendur þeim persónulegaSlitastjórn Glitnis Páll Eiríksson og Steinunn
Guðbjartsdóttir, formaður slitastjórnar.
Hörður Ægisson
hordur@dv.is
Kr
in
gl
an
Kr
in
gl
um
ýr
ar
br
au
t
Miklabraut
Miklabraut
Við
erum
hér!
Tilb
oð
17 10 bitar fyrir 4-5
5 Stórir bitar og 5 minni. Stórt hrásalat og kokteilsósa.
Stór af frönskum og 2l. Pepsi.