Morgunblaðið - 09.12.2016, Blaðsíða 6
6 FRÉTTIRInnlent
MORGUNBLAÐIÐ FÖSTUDAGUR 9. DESEMBER 2016
Vöruhús veitingamannsins
allt á einum stað
Höfðabakka 9 | 110 Reykjavík | Sími 595 6200 | bakoisberg.is
Opið virka daga kl. 8.30-16.30
...Margur er knár
þótt hann sé smár
Nýji SX Rational 2/3 GN ofninn
gerir allt það sama og
stærri gerðirnar.
Erla Rún Guðmundsdóttir
erlarun@mbl.is
„Þetta byrjaði þegar ég var ungur
og fór reglulega með pabba á tattú-
stofuna þar sem Fjölnir og Búri
voru að vinna,“ segir Ívar Ævarsson
tattú-listamaður um tilurð áhuga
síns á húðflúrun. „Ég bara varð ást-
fanginn af þessu.“
Ívar opnaði nýverið stofuna Calm
Tattoo Copenhagen við Studie-
stræde í miðborg Kaupmannahafnar
ásamt húðflúrmeistaranum Camillo
Ocean Klamer. Ívar varð lærlingur
hjá Camillo fyrir um þremur árum
og hefur unnið með honum á annarri
stofu í Kaupmannahöfn fram til
þessa. „Camillo er rosalega dugleg-
ur og góður tattú-artisti og ég var
það heppinn að hann tók mig að sér
sem lærling. Hann er búinn að reyn-
ast mér rosa vel og búinn að kenna
mér mikið innan fagsins.“
Þykkar línur og litagleði
Ívar sérhæfir sig í stíl sem kallast
„old school“ vegna tengingar hans
við fyrri hluta 20. aldarinnar. „Ég
hef mikið heillast af old school teikn-
ingum. [Stíllinn minn] hefur svolítið
breyst með tímanum en ég hef alltaf
verið ánægður með þessar þykku
línur og mikla liti, mér finnst gaman
að því.“
Camillo er hins vegar meira í
„black and gray“ stílnum og segir
Ívar það virka vel á nýju stofunni.
„Við erum hvor með sinn stílinn sem
er mjög gott fyrir okkur [...] Ég er
allavega mun litaglaðari en hann.“́
Engir götukúnnar
Ívar og Camillo leggja mikla
áherslu á góð samskipti í starfi sínu.
„Við erum svona einkastúdíó. Við
tökum ekki að okkur götukúnna
heldur bara pantanir í gegnum síma,
tölvupóst eða persónuleg samskipti.
Við byggjum þetta rosalega á að
geta leiðbeint fólki og haft huggu-
legt andrúmsloft.“ Um helmingur
þeirra sem koma til Ívars eru Ís-
lendingar og telur hann líklegt að
sumir þeirra leiti til sín einmitt
vegna tungumálsins.
Sjálfur talar Ívar þó dönsku reip-
rennandi enda hefur hann búið í
Kaupmannahöfn í um sex ár. Hann
hefur þó komið hingað sem gesta-
listamaður og gæti vel hugsað sér að
gera meira af því. „Það gæti vel
gerst að ég komi og verði gestur á
stofu einhvers staðar í viku eða tvær.
Það gæti verið mjög spennandi.“
Á Íslandi Ívar segist ekki ætla að flytja heim á næstunni en hann og Camillo ferðuðust um landið í fyrra.
Opnar húðflúrstofu
í Kaupmannahöfn
Fór með pabba sínum á húðflúrstofu og féll fyrir listinni
Að störfum Ívar flúrar í stíl sem einkennist m.a. af þykkum línum.
Í tilkynningu frá nefnd um
dómarastörf kemur fram að ekki
sé unnt að fallast á það að skrán-
ingu mála sé nú ábótavant hjá
nefndinni. Tilkynning nefnd-
arinnar fer hér á eftir, en undir
hana ritar formaðurinn Hjördís
Hákonardóttir:
„Vegna umræðu um hvernig
skjalavörslu og skráningu erinda
hjá nefnd um dómarastörf er hátt-
að telur nefndin rétt að leiðrétta
þann misskilning sem virðist ríkja.
Frá árinu 2010 hafa öll erindi til
nefndarinnar, hvort sem um er að
ræða kvartanir frá þeim sem telja
að dómari hafi brotið á þeim í
starfi sínu, erindi frá dómurum
vegna tilkynninga um aukastörf og
eignarhluti í félögum og atvinnu-
fyrirtækjum, sem og bréf nefndar-
innar til dómara þar sem kallað
hefur verið eftir upplýsingum frá
þeim verið skráð hjá nefndinni.
Þar eru jafnframt skráð svör
nefndarinnar við erindum og úr-
skurðir hennar í einstökum málum.
Þá eru álit nefndarinnar birt á vef
dómstólaráðs, domstolar.is
Nefndin hefur einnig unnið að
skráningu eldri erinda sem henni
bárust fyrir árið 2010 og er þeirri
skráningu að mestu lokið. Það er
því ekki unnt að fallast á það að
skráningu mála sé nú ábótavant
hjá nefndinni.
Þá er rétt að taka fram að með
nýjum lögum um dómstóla sem
taka eiga gildi í byrjun árs 2018
mun nefndin hafa aðstöðu hjá dóm-
stólasýslunni sem tekur við af
dómstólaráði. Er því hafinn und-
irbúningur að aðlögun málaskrár
nefndarinnar að málaskrá
dómstólasýslunnar.“
Öll erindi frá 2010 skráð
Skráningu eldri
gagna að mestu
lokið hjá nefnd um
dómarastörf
Morgunblaðið/Þórður
Dómhús Hæstiréttur Íslands.
Vilhjálmur A. Kjartansson
vilhjalmur@mbl.is
„Ekki hefur verið tekin ákvörðun um
það hvort Ísland muni auka við sínar
aflaheimildir úr stofninum. Það er
mál sem þarf að fara vandlega yfir,“
segir Gunnar Bragi Sveinsson,
sjávarútvegs- og landbúnaðarráð-
herra, spurður um viðbrögð Íslands
við ákvörðun Norðmanna um aukna
veiði úr norsk-íslenska síldarstofnin-
um. „Stofninn er þegar ofveiddur og
því óábyrgt af Norðmönnum að auka
veiðar sínar úr honum. Það verður
erfitt fyrir okkur að sitja eftir og
gera ekkert.“
Málið tekið upp á næsta fundi
Noregur hefur einhliða ákveðið að
auka aflahlutdeild sína úr stofninum
úr 61% prósenti í 67% af heildarafla-
marki. Kvóti Noregs úr stofninum
verður því 432.870 tonn, samkvæmt
yfirlýsingu Per Sandbergs, sjávarút-
vegsráðherra Noregs, í síðustu viku.
Gunnar segir að Ísland muni ekki
að svo stöddu
birta opinber við-
brögð við ákvörð-
un Norðmanna en
málið verði tekið
upp á samninga-
fundi fyrir jól.
„Við komum til
með að funda með
Norðmönnunum
fyrir jól. Reyndar
ekki um þetta mál
sérstaklega en við munum að sjálf-
sögðu taka málið á dagskrá og koma
á framfæri áhyggjum okkar af
ákvörðun þeirra,“ segir Gunnar
Bragi og bætir við að ákvörðun
Norðmanna sé sorgleg í ljósi þess að
mönnum hafi miðað áfram í samn-
ingum um makríl, kolmunna og síld.
„Bæði er ákvörðun Norðmanna
óábyrg og um leið gera þeir allar
samningaviðræður erfiðari enda
áskiljum við okkur allan rétt til að
bregðast við þessu á þann hátt sem
við teljum tryggja hagsmuni Íslands
með sem bestu móti.“
Síldarstofninn
þegar ofveiddur
Málið rætt við Norðmenn fyrir jól
Gunnar Bragi
Sveinsson
Vilhjálmur A. Kjartansson
vilhjalmur@mbl.is
Áfengisgjöld á Íslandi eru nú þegar
þau langhæstu í Evrópu, samkvæmt
upplýsingum sem Félag atvinnurek-
enda hefur aflað. Í fjárlagafrumvarpi
ársins 2017 er gert ráð fyrir að
áfengisgjöld hækki um 4,7%. Þar af
er 2,5 prósentustiga hækkun um-
fram verðbólgu. Ólafur Stephensen,
framkvæmdastjóri Félags atvinnu-
rekenda, segir hækkunina nú vera
þá tíundu frá bankahruninu 2008.
„Áfengisgjöld hafa rúmlega tvö-
faldast frá hruni og nú er svo komið
að gjaldið er hærra hér en í Noregi
og er það hæsta í Evrópu. Þrátt fyrir
að virðisaukaskattur á áfengi sé nú
lægri á Íslandi (11%) en víðast hvar í
Evrópu er samanlögð skattlagning
ríkisins á áfengi langtum hærri hér
en almennt gengur og gerist í álf-
unni,“ segir Ólafur.
Ríkið tekur um 90% af verðinu
Hann spyr því hvort ekki sé tíma-
bært að fá umræðu á Alþingi um það
hvar mörkin liggi í skattlagningu
áfengis. Í samantekt sem Félag at-
vinnurekenda hefur sent frá sér eru
tekin tvö dæmi um skattheimtu rík-
isins en af vodkaflösku sem kostar í
dag 6.999 krónur og hækkar um 200
krónur tekur ríkið 94% í sinn hlut af
verði flöskunnar.
„Þriggja lítra „belja“ með léttvíni
kostar í dag 5.499 krónur en mun eft-
ir hækkun áfengisgjaldsins kosta
5.702 krónur. Þá verður svo komið að
ríkið tekur í sinn hlut 84,1% af út-
söluverðinu. Hér er um krónuhækk-
un að ræða og því hækkar ódýrara
vín, sem almenningur kaupir fremur,
hlutfallslega meira en það dýrara.“
Áfengisskatturinn
hækkar um áramót
Tíunda hækkunin frá efnahagshruni
Morgunblaðið/Júlíus
Skattur Áfengisgjald hækkar á ný.