Morgunblaðið - 09.12.2016, Page 20
20 FRÉTTIRErlent
MORGUNBLAÐIÐ FÖSTUDAGUR 9. DESEMBER 2016
N Ý F O R M
H Ú S G A G N A V E R S L U N
Komið og skoðið úrvalið
Strandgötu 24 | 220 Hafnarfjörður | Sími 565 4100 | nyform.is
Klassísk gæða húsgögn
á góðu verði
Opið virka daga
10-18
laugardaga
11-15
Leitar þú að traustu
Smiðjuvegur 30 (GUL GATA) | 200 Kópavogi
Sími 587 1400 |www. motorstilling.is
ALHLIÐA BÍLAVIÐGERÐIR < HJÓLBARÐAÞJÓNUSTA
Lífslíkur bílsins margfaldast
ef hugað er reglulega
að smurningu.ENGAR
tímapantanir
MÓTORSTILLING
fylgir fyrirmælum
bílaframleiðanda um
skipti á olíum og síum.
Kristján H. Johannessen
khj@mbl.is
Orrustan um Aleppo, stærstu borg
Sýrlands, hélt áfram af miklu afli í
gær og sóttu hersveitir Bashars al-
Assad Sýrlandsforseta enn frekar
inn í austurhlutann. Takist hernum
að endurheimta Aleppo úr klóm upp-
reisnarsveita jafngildir það umpólun
í stríðinu í Sýrlandi, að sögn Assads.
Stórsókn sýrlenska hersins inn í
borgina hófst seint í september sl.,
en undanfarnar þrjár vikur hafa her-
menn sótt stíft inn í Austur-Aleppo,
sem hefur verið á valdi uppreisnar-
manna frá árinu 2012. Hefur þeim
m.a. tekist að hrekja uppreisnarhópa
frá gamla bænum svonefnda og er
það mikill áfangasigur fyrir Assad.
Fréttaveita AFP segir hersveitir
Sýrlandsstjórnar nú ráða yfir um
85% af austurhlutanum og eiga upp-
reisnarmenn, sem beðið hafa Assad
um vopnahlé, nú fullt í fangi með að
takast á við sókn hersins. Assad hef-
ur hins vegar slegið allar hugmyndir
um vopnahlé út af borðinu og stefnir
á að sameina Aleppo hið fyrsta.
Bindur ekki enda á átökin
„Það er rétt, Aleppo verður mikill
sigur fyrir okkur,“ sagði Assad for-
seti í nýlegu viðtali við sýrlenska
dagblaðið Al-Watan. „Verum hins
vegar raunsæ – þetta eitt dugar ekki
til að binda enda á stríðið í Sýrlandi.
En þetta verður hins vegar risastórt
skref í þá átt.“ Að sögn Assads mun
sigur stjórnarhermanna í Aleppo
„breyta gangi alls stríðsins“.
Hermenn Assads hafa nú komið
sér tryggilega fyrir í gamla bænum í
austurhluta borgarinnar. Á einum
stað gengu þeir fram á stóran hóp
fólks, um 150 manns, sem hýstur var
við slæman kost í húsnæði sem eitt
sinn var elliheimili. Að sögn AFP
voru flestir þessara einstaklinga
sjúkir eða andlega veikir og hefur
þeim nú verið komið fyrir hjá sjálf-
boðaliðum Rauða hálfmánans.
„Þessir sjúklingar og íbúar voru
fastir þarna inni dögum saman
vegna átakanna, sem mögnuðust í
hvert skipti sem víglínan færðist
þeim nær,“ sagði fulltrúi Rauða hálf-
mánans í samtali við AFP. „Margir
þeirra geta ekki hreyft sig og þurfa
sérstaka aðstoð. Þetta hlýtur því að
hafa verið hræðilegt fyrir þá,“ bætti
hann við.
Talið er að hátt í 400 almennir
borgarar hafi fallið í Austur-Aleppo
frá því að sókn hersins hófst og um
105 til viðbótar í vesturhlutanum,
sem er á valdi stjórnarhersins.
Sigur Assads í Aleppo mun
breyta gangi alls stríðsins
AFP
Björgun Ljósmyndari AFP náði mynd af því þegar stjórnarhermaður hjálpaði konu í hjólastól eftir að sveitirnar
brutu uppreisnarmenn á bak aftur. Allt kapp er nú lagt á að sameina Aleppo undir stjórn Assads forseta.
Her Sýrlandsstjórnar hefur náð um 85% af svæði uppreisnarmanna á sitt vald
John Cantlie,
breskur stríðs-
fréttaljósmynd-
ari sem hefur
verið í haldi Rík-
is íslams frá
árinu 2012, kem-
ur fyrir í nýju
myndskeiði frá
samtökunum.
Í því sést Cantlie heill heilsu í
Mosúl, síðasta stóra vígi Ríkis ísl-
ams í Írak. Ekki er vitað hversu
gamalt myndskeiðið er, en sérfræð-
ingar telja það hafa verið tekið fyr-
ir nokkrum vikum. Byggja þeir þá
ályktun á nokkrum ónýtum brúm
sem sjást í myndbandinu, en þær
voru eyðilagðar í árásum Banda-
ríkjahers fyrir fáeinum vikum og
gátu sérfræðingar nýtt sér þá vitn-
eskju til að tímasetja myndbands-
upptökuna.
ÍRAK
Cantlie fréttaljós-
myndari enn á lífi
Jérôme Cahuzac,
fyrrverandi fjár-
lagaráðherra
ríkisstjórnar
François Hol-
lande, hefur ver-
ið dæmdur í 3
ára fangelsi fyrir
skattsvik og pen-
ingaþvætti. Þá
var Patricia Ménard, fyrrverandi
eiginkona Cahuzac, einnig fundin
sek og fékk hún 2 ára fangelsi fyrir
þátt sinn í að fela milljónir evra á
erlendum reikningum.
Málið hefur vakið mikla athygli í
Frakklandi og var m.a. ráðherrum í
ríkisstjórn Hollande gert að greina
frá fjármálum sínum og eignum.
Að sögn fréttaveitu AFP áttu áð-
urnefnd skattsvik sér stað á ár-
unum 1993 til 2013.
FRAKKLAND
Fjárlagaráðherra
sekur um skattsvik
Norskur ríkisborgari, 66 ára gam-
all karlmaður, hefur verið dæmdur
í átta ára fangelsi fyrir barnaníð
sem framið var í gegnum sam-
skiptaforritið Skype á netinu, en
dómur féll í máli mannsins í gær.
Að sögn fréttaveitu AFP var
maðurinn fundinn sekur um að hafa
fengið börn í Noregi og á Filipps-
eyjum til kynferðislegra athafna
fyrir framan vefmyndavél og fylgd-
ist maðurinn með á Skype. Í staðinn
greiddi maðurinn fjölskyldum
barnanna peninga.
„Hann vissi að fjölskyldur fórn-
arlambanna, sem öll eru undir lög-
aldri, væru bágstaddar og svo háð-
ar peningagjöf að hann gæti borgað
fyrir,“ segir m.a. í dómi. Er talið að
fórnarlömbin séu yfir 60 talsins.
NOREGUR
Framdi barnaníð
í gegnum Skype
„Þessi flugvél var tæknilega séð í full-
komnu lagi og stóðst síðast ítarlega
skoðun í október,“ sagði Azam Saigol,
forstjóri Pakistan International Airl-
ines (PIA), við fréttaveitu AFP og vís-
ar í máli sínu til þess þegar farþega-
flugvél PIA fórst í norðurhluta
Pakistans í fyrradag.
Flugvélin er af gerðinni ATR-42
Turboprop og var hún á leið frá
Chitral til Islamabad þegar flug-
umferðarstjórar misstu skyndilega
allt samband við hana.
Flugmenn sendu út neyðarkall
Í fyrstu var talið að 48 væru um
borð, en staðfest tala er 47 og fórust
allir er vélinni var flogið inn í fjalls-
hlíð. Neyðarkall barst frá vélinni
skömmu áður, að sögn AFP.
„Okkar helsta verk nú er að endur-
heimta jarðneskar leifar þeirra sem
voru um borð,“ sagði Saigol og bætti
við að vélin hefði orðið alelda við brot-
lendinguna og að erfitt yrði að bera
kennsl á látna vegna þessa.
Rannsakendur höfðu í gær borið
kennsl á sex lík og var það gert með
aðstoð fingrafara. Tveir eru með
ríkisfang í Ástralíu og einn í Kína.
khj@mbl.is
Vélin stóðst nýverið skoðun
AFP
Slysstaður Flugvél Pakistan International Airlines skall harkalega utan í
fjallshlíð og varð í kjölfarið alelda. Um borð voru 47 og létust þeir allir.
Borgin Amritsar á norðanverðu Indlandi er einkum þekkt fyrir Gullna
musterið þar sem hinir glysgjörnu taka jafnvel andköf. Veðrið var þó öllu
drungalegra þar í gær þótt þessir krakkar létu kulda og þoku ekki á sig fá.
AFP
Amritsar sveipuð þoku