SÍBS fréttir - 01.12.1999, Blaðsíða 8
drættisnefndar) Kjartan Guðnason, skýrði frá
gangi ntálsins frá síðasta fundi nefndarinnnar til
þessa dags. Tilraunir voru gerðar úr ýmsum áttum
til að spilla framgangi málsins á Alþingi.“
Aðalbreytingin frá eldri lögum um happdrættið er
sú að nú er það skilyrði sett inn í þau að SÍBS er
skuldbundið til að reisa og reka vinnustofu fyrir
öryrkja, en um leið er heimilað að verja hluta af
hagnaði happdrættisins „til annarrar félagsmála-
starfsemi sem ríkisstjórnin samþykkir.“
Enn krafíst skattlagningar
Enn var gerð atlaga að happdrættinu árið 1975. Á
fundi í stjórn SIBS hinn 13. janúar það ár er kynnt
erindi sem borist hafði frá Alþingi. I fundargerð
segir: „Kynnt var nýtt frumvarp sem komið er fram
á Alþingi um breytingu á lögum Vöruhappdrættis
SÍBS þar sem lagt er til að 20% af hagnaði
happdrættisins verði varið til elli- og hjúkrunar-
heimila utan Reykjavíkur. Erindi hafði borist frá
Fjárhags- og viðskiptanefnd, og urðu miklar
umræður um hversu best mætti svara þessari mála-
leitan og hrinda þessari árás á aðaltekjustofn
sambandsins.“ Ekki varð neitt úr þessari skattlagn-
ingu á happdrættið.
Erindrekstur í sjálfboðaliða-
starfí
Allar götur síðan happdrættið tók til starfa hefur
mikil áhersla verið lögð á erindrekstur sem fólst í
því að heimsækja sem flesta umboðsmenn þess á
sumri hverju, leiðbeina þeim og hvetja til dáða.
Auk framkvæmdastjóra tóku á fyrstu árum happ-
drættisins ýmsir stjórnarmenn SIBS að sér erind-
rekstur, aðallega í sumarleyfum sínum. Þetta var
ævinlega unnið sem sjálfboðaliðastarf án launa.
Einnig tóku starfsmenn happdrættisins þátt í erind-
rekstri. Þessu starfi hefur verið haldið áfram allt til
þessa dags.
Ólafur tekur við af Þórði
Eins og fyrr er frá sagt var Þórður Benediktsson
ráðinn fyrsti framkvæmdastjóri happdrættisins.
Hann var afburða snjall og hugmyndaríkur og
mikill áróðursmaður. Flestar tillögur um breyting-
ar og nýjungar í happdrættisrekstrinum voru frá
honum komnar. Ekki sést í fundargerðum að
tillögur hans um happdrættið hafi nokkru sinni
verið felldar. Til marks um traust stjórnarmanna á
tillögum hans skal hér vitnað í bókun stjórnar
haustið 1954 þegar verið var að ræða um vinn-
ingaskrá næsta árs: „Taldi hann þetta heppilegustu
8 • SÍBS-fréttir
skiptinguna en hafði þó á takteinum tvær aðrar
tillögur um það hvemig þessu skyldi hagað...
Nokkrar umræður urðu uni þetta og virtust flestir
eiga erfitt með að mynda sér ákveðnar skoðanir
um hvað heppilegast væri, en töldu eðlilegast að
fara að vilja framkvæmdastjórans.“ Var það gert
og tillögur hans samþykktar.
Síðustu árin sem Þórður gegndi starfi fram-
kvæmdastjóra var hann orðinn heilsuveill og ósk-
aði að láta af störfum. Á fundi í stjóm SIBS 29.
desember 1967 er þetta fært í gerðabók: „Þórður
lagði fram þá ósk að hann yrði leystur frá störfum
með forstöðu happdrættisins og bar fram þá tillögu
að við forstöðu tæki Olafur Jóhannesson, skrif-
stofustjóri sambandsins.“ Oddur Ólafsson þakkaði
Þórði fyrir frumkvæði við stofnun happdrættisins
og rekstur þess. Var síðan ósk Þórðar samþykkt
með samhljóða atkvæðum. Á þessum fundi var
endurreist nefnd sú sem sett var á laggimar árið
1956 til aðstoðar framkvæmdastjóra, en samþykkt
að „leggja niður að sinni árið 1961.“ I þessa nýju
happdrættisnefnd voru nú kjömir Árni Einarsson,
Þórður Benediktsson og Kjartan Guðnason. For-
maður nefndarinnar var síðan kjörinn Árni Einars-
son og ritari hennar Ólafur Jóhannesson, en hann
lét af ritarastarfí þegar hann hætti störfum hjá
happdrættinu. Nefndin gekk svo endanlega frá
ráðningu hans sem framkvæmdastjóra.
Tölvuútdráttur fyrst 1976
Frá upphafi og allt til ársins 1976 vom vinningar
í flokkahappdrættunum dregnir út handvirkt en sú
aðferð var bæði mannfrek og tímafrek, gat tekið
heilan dag þegar mörg vinningsnúmer voru dregin
út. Árið 1975 var sett á laggimar nefnd allra
íslensku flokkahappdrættanna til að undirbúa
tölvuútdrátt. Nefndina skipuðu Kjartan Guðnason
og Ólafur Jóhannesson fyrir happdrætti SÍBS,
Baldvin Jónsson og Pétur Sigurðsson fyrir Happ-
drætti DAS og fyrir Happdrætti Háskólans Páll H.
Pálsson og Guðlaugur Þorvaldsson. Tæknilegur
ráðgjafí og samstarfsmaður nefndarinnar var dr.
Þorkell Helgason. Nefndin hélt allmarga fundi um
málið og dr. Þorkell fór utan við annan mann til
að kynna sér sem best þær aðferðir sem notaðar
vom við tölvuútdrátt. Samþykkt var að nota þá
aðferð sem viðhöfð var hjá sænska ríkishappdrætt-
inu.
Happdrætti Háskólans varð fyrst til að nota
þessa aðferð við útdrátt vinninga, fyrsti tölvu-
útdráttur fór fram hjá því happdrætti í október
1976 en 5. nóvember sama ár hjá happdrætti SÍBS.
Utdráttur með þessum hætti tók aðeins brot af