SÍBS fréttir - 01.12.1999, Page 31
fundi hans. Vel veit ég að sumir munu segja, að
ekki sé orði trúandi um þá ástarsögu, en við skulum
athuga málið. Þórgunna er frægust af frásögn Eyr-
byggju; hún kemur með írsk-suðureysku kaupskipi
til íslands, nánar tiltekið Hellissands á Snæfells-
nesi síðsumars árið 1000; fær vist á Fróðá, hjá
Þóroddi bónda og Þuríði og mun hafa ætlað að vera
þar um veturinn; ekki er sagt hvað hún ætlaðist
fyrir annars, en ég álykta af ýmsu að hún hafi ætlað
til Grænlands næsta sumar. En hún dó þá um
haustið. Það kemur fram í sögunni, að hún hafði
dálæti á mjög ungum mönnum, en þó er gefið í
skyn, að hún hafi verið komin yfir fimmtugt. Þetta
getur staðist, og þó naumlega í ljósi þess sem næst
verður rakið. En einnig má hugsa sér að bæst hafi
við aldur hennar í tveggja alda frásögnum.
í Eiríkssögu rauða segir frá því, að Leifur „varð
sæhafa til Suðureyja", og „Leifur lagði þokka á
konu þá er Þórgunna hét...En er Leifur bjóst brott,
beiddist Þórgunna að fara með honum“.... Leifur
neitaði, og bar einhverju við, sem vel má hafa verið
gild ástæða, en henni líkaði ekki vel. Segir hún þá,
að hún sé með barni. „Mun ég upp fæða sveininn
og senda þér til Grænlands. En koma ætla ég mér
til Grænlands áður en lýkur.“
Síðan segir Eiríkssaga: „Þessi sveinn kom til
Grænlands og nefndist Þorgils. Leifur tók við
honum að faðerni.“ Og er það sumra manna sögn,
að þessi Þorg. hafi komið til íslands fyrir
Fróðárundur um sumarið“ (árið 1000). Lesa sumir
fræðimenn úr þessari skammstöfun „Þorgils" en
aðrir „Þórgunna“, og tel ég það hiklaust réttara. I
þessu samhengi verður hin dularfulla koma
Þórgunnu til Hellissands skiljanleg og rökrétt í
fyrsta sinn. Hún stefnir á Grænland með þessari
ferð.
Það sem eftir er að skýra í þessu sögubroti, er
hið mikla miseldri þeirra Leifs og Þórgunnu. Þessi
Suðureyjaferð hlýtur að hafa verið farin um 995-
999, af ástæðum sem ég rek ekki hér. Leifur er þá
komungur maður, fæddur um 975-80. Við höfum
þegar heyrt um dálæti Þórgunnu á ungum mönn-
um, en fimmtugsaldur er fullhár, og annað eins og
50 fyrir 40 hefur oft skolast til í handritum, hafi
það ekki þegar orðið í sögnum sem um þetta gengu
við Breiðafjörð á 11. og 12. öld.
Þorsteinn Guðjónsson
Happdrættissaga
SENDING FRA
ÆÐRI MÁTTAR-
VÖLDUM
„Við bjuggum í einu litlu herbergi í lélegu húsi á
þessum tíma, höfðum búið þar í 5 ár. Maðurinn
minn var verkamaður og þekktur íþróttamaður,
keppti m.a. fyrir íslands hönd á Olympíuleik-
unum. Ég vann líka erfiðisvinnu fyrst í sjoppum
hér og þar um bæinn og sem vinnukona í húsum.
Svoleiðis störf áttu ekki vel við mig. Síðan komst
ég í fiskvinnu og það var það besta. Af hverju það
besta? Jú, fiskvinnan var klár erfiðisvinna en
þegar vinnudegi lauk var maður laus og ekkert
meira í kring um það. Þar voru allt svo hreinar
línur og ekkert vesen.
Svo var það einn daginn að maðurinn minn var
staddur hjá mágkonu sinni og heyrði lesna upp
vinningaskrá SÍBS í útvaipinu. Hann var svo
minnugur á tölur. Ég gat aldrei munað númerin
og vildi heldur ekki muna þau. Þegar hann kom
heim sagði hann við mig: „Mikið held ég að þetta
hafi verið númerið okkar sem kom upp.“ Svo fór
hann að gá en hann þurfti þess ekki, hann vissi
þetta alveg. Við höfðum fengið hæsta vinninginn
í happdrætti SÍBS. Ég gleymi þessu aldrei.
Vinningurinn kom eins og sending frá æðri
máttarvöldum. Það var auglýst falleg íbúð til sölu
vestur í bæ. Þegar við komum til að skoða hana
var okkur sagt að hún væri seld, fólkið ætlaði að
fara að ganga frá samningnum en ég sagði nú
samt að ef ekkert yrði af kaupunum þá værum við
næst.
Svo hætti fólkið við, salan gekk til baka og við
fengum íbúðina. Hún kostaði 210.000. Þvílík
breyting að komast úr herbergiskytrunni! Vinn-
ingurinn breytti lífi okkar og miðana hætti ég
aldrei við svo lengi sem ég lifi.“
Pharmaco
Hörgatúni 2, 210 Garðabær
Pósthólf 200, 212 Garðabær
Sími 565 8111, Telefax 565 6485
SÍBS-fréttir • 31