Fréttatíminn - 03.06.2016, Blaðsíða 56

…viðtal 4 | amk… FÖSTUDAGUR 3. JÚNÍ 2016
Sólrún Lilja Ragnarsdóttir
solrunlilja@amk.is
Þegar ég upplifi að eitt-hvað sé að brenna, þá hef ég val um að hlaupa í burtu og spila mig stikkfrí eða bjóða mig
fram og gera eitthvað í málun-
um. Ég tók ákvörðun um að gera
hið síðarnefnda,“ segir Margrét
Gauja Magnúsdóttir, bæjarfulltrúi
í Hafnarfirði og varaþingmaður
Samfylkingarinnar, sem tilkynnti í
vikunni að hún ætlaði að bjóða sig
fram til varaformanns flokksins,
en kosið er í embættið á lands-
fundi sem fer fram um helgina.
Vill ekki vera heimilislaus
„Það var að koma skoðanakönnun
sem var mjög slæm fyrir flokkinn
– sýndi 6 prósent fylgi. Ég upplifi
ekki mikla stemningu hjá fólki
gagnvart Samfylkingunni, hvort
sem það er að mæta á landsfund
eða að taka þátt í að finna taktinn
aftur í flokknum,“ segir Margrét
Gauja sem er sannfærð um að
hægt sé að rífa fylgi flokksins upp.
Hún finnur það í hjarta sínu. „Ef
Samfylkingin deyr þá er ég póli-
tískt heimilislaus og ég er ekki til-
búin í það. Ég er jafnaðarmaður og
trúi á þessa hugsjón. Ég ætla ekki
að gefast upp og ég vona að ég geti
hrifið einhverja með mér. Svo fíla
ég líka að taka að mér erfið verk-
efni í brjáluðu mótlæti.“
Fyrir í framboði til varafor-
manns var Sema Erla Serdar, for-
maður framkvæmdastjórnar Sam-
fylkingarinnar, en Margrét Gauja
óttast ekki slag á milli. „Það er
frábært að flokksmenn, sem mæta
á fundinn, hafi val. Svo getur vel
verið að það komi fleiri framboð
í embættið. Það sýnir þá bara að
það einhver neisti þarna. Það þarf
bara að gera hann að báli.“
Kveikti neista að fara út á land
Fyrir tveimur árum fluttist Mar-
grét Gauja til Hafnar í Hornafirði
og hóf að sinna verkefnum fyrir
Fræðslunetið á Suðurlandi og
Framhaldsskóla Austur Skaftafells-
sýslu. Fór hún þá í tímabundið
leyfi frá bæjarstjórn Hafnarfjarð-
ar en hefur á þeim tíma nokkrum
sinnum dottið inn á þing sem
varaþingmaður og starfað í bak-
landi flokksins. „Það er búið að
vera gaman að kynnast því. Svo
er ég með Umbúðabyltinguna á
facebook og hef verið að reyna að
vekja athygli og áhuga því mál-
efni. Ég hef því notað tímann í að
einbeita mér að einstökum mál-
um. Það var líka mögnuð reynsla
fyrir mig að flytja út á land og hún
kveikti ákveðinn neista. Pólitískan
neista. Ég hef fengið að finna fyrir
því á eigin skinni að fólk sem býr
úti á landi hefur ekki tækifæri á
sömu þjónustu og þeir sem búa í
bænum.“
Skortur á sérhæfingu
Í því samhengi bendir Margrét
Gauja til dæmis á að hún sé að
vinna sem náms- og starfsráðgjafi
í framhaldsskólanum án þess að
hafa menntum sem slíkur. „Það er
mikill skortur á fólki og sérhæf-
ingu. Hér á Höfn í Hornafirði er
til dæmis ekki sálfræðingur eða
ljósmóðir. Þær aðstæður sem eru
hér í boði fyrir konur sem þurfa
að fæða börn eru okkur ekki bjóð-
andi,“ segir Margrét Gauja og það
er ljóst að henni verður heitt í
hamsi þegar hún ræðir þessi mál.
Kemur endurnærð til baka
Hún hefur engu að síður notið
þess að búa á Höfn. „Ég skal alveg
viðurkenna það að eftir að hafa
setið í átta ár í bæjarstjórn Hafnar-
fjarðar, verið varaþingmaður, hafa
fætt nokkur börn, þar af eitt í for-
stofunni heima hjá mér, og unnið
eins og skepna, þá var kærkomin
hvíld að koma til Hafnar í Horna-
firði og finna sig aftur. Ég mun
alltaf búa að því. Kem endurnærð
til baka með fullt af nýrri reynslu
í farteskinu,“ segir Margrét Gauja
sem snýr aftur í bæjarstjórn
Hafnarfjarðar í sumar. „Ég er búin
að hvíla mig nóg,“ bætir hún kím-
in við.
Fæddi barn í forstofunni
En blaðamaður getur ekki annað
en staldrað við það í upptaln-
ingunni hjá henni að hún hafi
fætt barn forstofunni heima hjá
sér og innir eftir sögunni af þeim
atburði. „Það var bara þannig að
ég fæddi dóttur mína í forstof-
unni heima hjá mér. Ég er óhemja
til verka og fæði börn mjög hratt.
byko.is
FERÐATASKA 26”
9.595kr.
41119949
Almennt verð:
15.995 kr.
FERÐATASKA 22”
7.995kr.
41119950
Almennt verð:
13.595 kr.
FERÐATASKA 18”
6.495kr.
41119951
Almennt verð:
10.895 kr.
EM-TILBOÐ
40% AFSLÁTTUR
Harðar ferðatöskur
Ég byrjaði að finna til og komst
einfaldlega ekki út fyrir dyrnar.
Náttúran tók einfaldlega völdin,
felldi mig á fjóra fætur og út kom
barn. Maðurinn minn náði ekki
einu sinni að grípa stelpugreyið,
en þetta fór samt allt vel. Hún er
ótrúlega skemmtilegur og sterk-
ur karakter, alveg í takt við það
hvernig hún fæddi sjálfa sig. Ég var
ekkert með í því partíi. En þetta
var mögnuð lífsreynsla. Saga sem
fylgir okkur alltaf og við ræðum
þetta reglulega. Ég hef alltaf þurft
að gera hlutina svolítið öðruvísi en
aðrir, get ekki sinu sinni fætt börn
eðlilega.“
Aðspurð hvort hún lumi þá
kannski á fleiri svipuðum sögum,
dregur hún aðeins í land. „Ég er
bara ósköp venjuleg kona sem býr
á Höfn í Hornafirði og er í bölvuðu
basli eins og allir aðrir. Að reyna
að ala upp þrjú börn og eiga fyrir
takkaskóm og kuldagöllum.“
Feðgin rifust um pólitík
Margrét Gauja fékk snemma áhuga
á pólitík en fann sig aldrei al-
mennilega í neinum flokki. „Pabbi
var í Sjálfstæðisflokknum og við
rifumst heiftarlega um pólitík. Ég
þekkti engan á vinstri vængnum
og vissi ekkert hvar ég var stað-
sett.“ Það var ekki fyrr en hún
eignaðist vini í Hafnarfirði og Há-
skóla Íslands sem höfðu svipaðar
skoðanir að hún áttaði sig á því
hvar hún átti heima. „Þau drógu
mig á fund því ég var alltaf að rífa
kjaft við kennarana. Svo fann ég
mig í Samfylkingunni, sem var þá
nýstofnuð. Þessi ákvörðun var svo-
lítið tekin fyrir mig.“
Vantar konur með reynslu
Síðan eru liðin fimmtán ár. En það
er líklega ágætt fyrir konu sem
ekki er orðin fertug að búa að svo
mikilli reynslu. Margrét Gauja seg-
ir einmitt vöntun á ungum konum
með reynslu í pólitík. „Nú erum
við að upplifa það að reynslumikl-
ar konur, eins og Katrín Júlíusdótt-
ir og Sóley Tómasdóttir, eru að
hætta í pólitík. Það hafði líka áhrif
á mína ákvörðun. Reynslan er svo
mikilvæg. Í henni felast ákveðin
völd og dýrmæti. Það lærir enginn
pólitík í skóla.“
Karókí með Kötu Júl
Margir muna eftir Margréti Gauju
sem krúttsprengjunni sem söng
Sólarsamba ásamt föður sínum,
Magnúsi Kjartanssyni, í Söngva-
keppni Sjónvarpsins árið 1988.
Sú reynsla varð þó ekki til þess
að vekja söngkonudrauma hjá
henni. Hún viðurkennir reyndar
að söngurinn sé í blóðinu. „Mér
finnst voða gaman að syngja. Syng
til dæmis í brúðkaupum hjá vinum
mínum og svo er ég í karókíhljóm-
sveit ásamt Katrínu Júlíusdóttur
og hef verið að syngja djass með
hljómsveit hér á Höfn, en það nær
ekkert lengra en það. Ég er ekkert
að fara að vinna við sönginn að
minnsta kosti.“
Fílar erfið verkefni
í brjáluðu mótlæti
Margrét Gauja vill verða næsti varaformaður Samfylkingarinnar og koma í veg fyrir að hún verði pólitískt
heimilislaus. Hún segist vera óhemja til verka og geri hlutina oft öðruvísi en aðrir. Hún fæddi til dæmis barn
í forstofunni heima hjá sér og gekk fæðingin svo hratt að dóttirin lenti á gólfinu
Ég upplifi ekki mikla stemn-
ingu hjá fólki gagnvart Sam-
fylkingunni, hvort sem það er að
mæta á landsfund eða að taka þátt í
að finna taktinn aftur í flokknum
Neistinn kviknaði Margrét Gauja segir það hafa kveikt hjá sér pólitískan neista að flytjast til Hafnar í Hornafirði og upplifa skort á
tækifærum landsbyggðarbúa. Mynd | Hari