Fréttatíminn - 09.07.2016, Blaðsíða 10

10 | FRÉTTATÍMINN | Laugardagur 9. júlí 2016
Ég hitti vinkonurnar Zöhru og Maryam í fyrsta sinn í matarboði síðastliðinn vetur. Þær sögðu sögur og
hlógu og voru glaðar og létu eins
og flestar tvítugar stelpur láta. En
þær eru samt ekki eins og flestar
tvítugar stelpur.
Zahra hefur búið á Íslandi frá því
hún fékk hér hæli fyrir tæpum
fjórum árum. Þá höfðu hún, móðir
hennar og systir, verið á flótta frá
Afganistan síðan faðir hennar var
myrtur fyrir rangar stjórnmála-
skoðanir. Zahra ólst því upp sem
flóttamaður í Íran þar til hún, móð-
ir hennar og systir, fengu ásamt
þremur öðrum afgönskum konum
og börnum þeirra hæli á Íslandi.
Þetta voru fyrstu afgönsku konurn-
ar til að fá hæli hér á landi.
Frá því að Zahra kom til lands-
ins fyrir tæpum fjórum árum
hefur hún lært íslensku, tekið
stúdentspróf, stundað nám í há-
skólanum, lært að keyra bíl og
eignast vini. Hún segir Ísland vera
draumalandið sitt. Hér hefur hún
í fyrsta sinn fengið tækifæri til að
hugsa um framtíðina. Hana dreym-
ir um að verða læknir og draumur-
inn getur ræst.
Maryam getur aftur á móti ekki
látið sig dreyma um neitt, hvað
þá framtíðina. Hún hefur, líkt
og Zahra, lifað sem flóttamaður
mest alla sína ævi. Þegar hún var
fjögurra ára flúði móðir hennar,
Tapikey, með hana til Írans undan
ógnarstjórn talíbana í Kabúl. Síðan
hafa þær verið á flakki milli Írans
og Afganistan. Þegar Maryam var
sextán ára vildi valdamikill afg-
anskur stríðsherra taka hana sem
konu og þá ákvað móðir hennar að
flýja með dóttur sína til Evrópu.
Þær sóttu um hæli á Íslandi eft-
ir að hafa verið synjað í Svíþjóð.
Ástæðan fyrir synjuninni var sú að
þær voru skilgreindar sem „efna-
hagslegir f lóttamenn“ í leit að
„betra lífi“. Maryam hefur aldrei
skilið þessa niðurstöðu sænska
kerfisins því hún og móðir henn-
ar eru einfaldlega að leita að „lífi“.
Þegar við hittumst í vetur hafði
hælisumsókn þeirra líka verið synj-
að á Íslandi en lögfræðingur þeirra
hafði kært synjunina og þær biðu í
von og óvon eftir nýrri niðurstöðu.
Maryam hefur lifað við slíka óvissu
um framtíðina allt sitt líf og móð-
ir hennar hefur lifað í ótta um af-
drif Maryam frá því hún fæddist.
Á flótta frá einu landi til annars,
úti á hafi á gúmmíbáti, í vöruflutn-
ingabílum og fótgangandi með
stöðugar áhyggjur af dóttur sinni
þar til hún endaði hér, á Íslandi.
Í dag er Tapikey með svo mikla
áfallastreituröskun að hún er kom-
in með alvarleg minnisglöp.
Á þeim ellefu mánuðum sem
mæðgurnar hafa verið á Íslandi
hefur myndast vinátta með-
al Zöhru og Maryam. Þegar af-
gönsku konurnar hittast er það
oftar en ekki við eldhúsborðið þar
sem sögurnar sjóða meðan deig-
ið er hnoðað. Þegar við hittumst í
matarboðinu höfðu vinkonurnar,
ásamt systrum og mæðrum, verið í
eldhúsi Zöhru í þrjá daga að undir-
búa veisluna. Þær elduðu rétt sem
er klassík á öllum veisluborðum
Afgana, Manto. Manto eru litlar
soðnar deigbollur sem eru fylltar
með kjöti og grænmeti. Nafn rétt-
arins er samsett úr orðunum „ég“
og „þú“ og þýðir VIÐ.
VIÐ því þennan rétt eldar enginn
einn. Ekki bara vegna þess að
það er auðveldara að vinna hann
saman heldur líka vegna þess að
það er svo miklu skemmtilegra.
Rétturinn er sá eini sem samein-
ar stórfjölskylduna í eldamennsku,
bæði karla og konur. Zahra og Mar-
yam ákváðu að elda Manto því
rétturinn er tákn sameiningar og
samstöðu.
Vinkonurnar eiga ótal minningar
úr æsku tengdar Manto en hafa líka
skapað nokkrar góðar við eldhús-
borð á Íslandi. En þær verða því
miður ekki fleiri því á næstu dög-
um mun íslenska ríkið vísa Mar-
yam og móður hennar úr landi. Af
hverju? Af því að kæran var ekki
tekin gild og mál þeirra er kom-
ið á borð lögreglunnar. Af því að
kerfið segir þær víst vera öruggar í
Afganistan. Af því að það er ekkert
bara VIÐ. Af því að þar sem erum
VIÐ, verða alltaf líka HINIR.
Halla Harðardóttir
VIÐ OG HINIR
Köllunarklettsvegi 1, 104 Reykjavík. Sími: 531 3300. ritstjórn@frettatiminn.is
Útgefandi: Gunnar Smári Egilsson. Ritstjórar: Gunnar Smári Egilsson og Þóra Tómasdóttir.
Fréttastjóri: Þóra Kristín Ásgeirsdóttir. Ritstjórnarfulltrúi: Höskuldur Daði Magnússon. Dreifing: Póstdreifing. Framkvæmdastjóri
og auglýsingastjóri: Valdimar Birgisson. Fréttatíminn er gefinn út af Morgundegi ehf. og er prentaður í 83.000 eintökum í Landsprenti.
Það er allt í lagi. Pappelina vill láta ganga yfir
sig á skítugum skónum. Hún er nefnilega úr plasti.
Pappelina virkar því best þar sem mikið álag er
á gólfinu. Tilvalinn félagi í forstofuna eða eldhúsið.
Svo vill hún líka fara í þvottavél.
Plastmotturnar frá Pappelinu hafa farið sigurför
um heiminn og eru nú loksins fáanlegar á Íslandi.
Kíktu á úrvalið í verslun Kokku eða á kokka.is.
J
Ó
N
S
S
O
N
&
L
E
’M
A
C
K
S

•

jl
.i
s

•

S
ÍA
Á skítugum
skónum?
Það er llt í lagi. Pappelin vill láta ganga yfir
sig á skítugum skónum. Hún er nefnilega úr plasti.
Pappelina virkar því best þar sem mikið álag er
á gó finu. Tilvalinn félagi í forstofuna e a eldhúsið.
Svo vill hún líka f ra í þvottavél.
Plastmotturnar frá P ppelinu hafa a ið sigurför
um h iminn g eru nú loksins fáanlegar á Íslandi.
Kíktu á úrvalið í verslun Ko ku eða á kokka.is.
J
Ó
N
S
S
O
N
&
L
E
’M
A
C
K
S

•

jl
.i
s

•

S
ÍA
Á skítugum
skónum?
Það er allt í lagi. Pa pelina vil láta ganga yfir
sig á skítugum skónum. Hún er nefnilega úr plasti.
Pa pelina virkar því best þar sem mikið álag er
á gólfinu. Tilvali n félagi í forstofuna eða eldhúsið.
Svo vill hún líka fara í þvottavél.
Pl stmotturnar frá Pa pel nu hafa farið sigurför
um heimi n og eru nú loksins fáanlegar á Íslandi.
Kíktu á úrvalið í verslun Ko u eða á ko ka.is.
J
Ó
N
S
S
O
N
&
L
E
’M
A
C
K
S

•

jl
.i
s

•

S
ÍA
Hausverkurinn eftir EM 2016