Fréttatíminn - 24.09.2016, Page 21

| 21FRÉTTATÍMINN | Laugardagur 24. september 2016
GOTT
UM
HELGINA
Portrett
Portrett heitir sýning í Ljósmynda-
safni Reykjavíkur þar sem getur
að líta mannamyndir verðlauna-
hafa Hasselblad-verðlaunanna en
myndirnar koma úr safneign Ha-
sselblad stofnunarinnar í Svíþjóð.
Þarna má til dæmis sjá myndir
Irving Penn af Salvador Dali og
Marcel Ducham og ljósmyndir Nan
Goldin og Richard Avedon.
Hvar? Ljósmyndasafn Reykjavíkur
í Grófarhúsi.
Hvenær? Opnun í dag klukkan 15.
Hvað kostar? Alltaf frítt inn.
Glápum saman
Skemmtistaðurinn Húrra býður reglulega upp á lotugláp (e. binge watch)
á sunnudagskvöldum einu sinni í mánuði. Einn sérfróður aðili, eða list-
rænn glápstjóri, verður fenginn til að velja eitthvað gott í glápið. Kvöldin
ganga undir heitinu Myndbandakerfi fjölbýlishúsa.
Á sunnudag er það Hugleikur Dagsson, myndlistarmaður og uppi-
standari, sem tekur að sér að stýra þriðja glápinu og hann velur Batman
sjónvarpsþættina sígildu frá árinu 1966 til sýninga. Þeir skarta Adam
West sem Batman og Burt Ward sem hinum hundtrygga Robin, sem er
mjög hissa og æstur yfir öllu sem hetjan gerir.
Hvar? Húrra Tryggvagötu
Hvenær? Sunnudagskvöld kl. 20.
Hvað kostar? Ekkert, tilboð á barnum og snakk í boði hússins.
Samstarf íþróttakennarans og listamannsins
Listamenn þurfa oft góðan stuðning, að er gömul saga og ný. Edda Hall-
dórsdóttir listfræðingur ætlar að fjalla í opnum fyrirlestri um samband
langafa síns við Jóhannes Kjarval. Langafi hennar var Jón Þorsteinsson
íþróttakennari, mikill vinur og velgjörðarmaður listamannsins og átti
því vitanlega stórt safn verka eftir hann. Íþróttahús Jóns að Lindargötu
7 skipaði stóran sess í lífi og starfi Kjarvals en þar hafði hann vinnuað-
stöðu í fjölda ára, stór sýning á verkum hans var haldin þar árið 1942 og
jafnframt var Kjarval þar til heimilis hjá Jóni og Eyrúnu, konu hans, um
tveggja ára skeið.
Hvar? Kjarvalsstaðir
Hvenær? Laugardag, kl. 13.
Hvað kostar? Aðgöngumiði á safnið gildir. Frítt fyrir handhafa Menn-
ingarkorts Reykjavíkur.
Bublé á breiðtjaldi
Hjartaknúsarinn Michael Bublé
á það til að bræða hjörtu aðdá-
enda sinna á tónleikum alveg í
spað. Nú er hægt að njóta söngs
og sjarma þessa vinsæla söngv-
ara á hvíta tjaldinu í Reykjavík
því að til stendur að sýna tónleika
með kappanum. Milli númera á
söngskránni verður fylgst með
lífinu baksviðs á meðan á tón-
leikaferðalaginu stóð. Allt sýnt við
bestu aðstæður hvað varðar mynd
og hljóð.
Hvar? Háskólabíó
Hvenær? Sunnudag kl. 18.
Hvað kostar? 2500 kr.
Rolling Stones hylltir
Tónþyrstir Íslendingar virðast
seint ætla að mettast af hinum
ýmsum heiðurstónleikum sem
haldnir eru um þekkta tónlist-
armenn og tónlist þeirra. Nú er
komið að Rolling Stones hyllingu í
Eldborg í Hörpu. Þar kemur fram
stór hópur listamanna og flytur
öll bestu lög hljómsveitarinnar
á tónleikum. Af nógu er að taka,
enda um elstu og eina áhrifamestu
sveit veraldar að ræða. Dagskráin
gengur undir nafninu Forty Licks
og meðal þeirra sem koma fram
eru Stefán Jakobsson, Pétur Ben,
Þór Breiðfjörð, Agnes Björt Andra-
dóttir og Egill Ólafsson. Með þeim
leikur 10 manna hljómsveit undir
stjórn Tómasar Tómassonar.
Hvar? Harpa
Hvenær? Í kvöld klukkan 19.30.
Hvað kostar? 5990-11990
Óeirðin kortlögð
Myndlistarmaðurinn Unnar Örn hefur verið með hugann við sögu óeirð-
ar á Íslandi og það hvernig hún birtist í minni þjóðarinnar. Unnar er
áhugasamur um skilin milli opinberrar sögu og þess hvernig einstak-
lingarnir upplifa hana og muna. Sýninguna, sem verður opnuð í dag,
kallar Unnar Örn Þættir úr náttúrusögu óeirðar.
Hvar? Harbinger gallerí Freyjugötu.
Hvenær? Opnun í dag kl 16.
Hvað kostar? Það er frítt inn í þetta forvitnilega sýningarrými. Opið
fimmtudaga til laugardaga milli kl. 14-17.
Danir eru frægir fyrir Julefrokost matinn
og Íslendingar einfaldlega elska
Kaupmannahöfn. Ferðatímabil: 18.-20. nóv.,
25.-27. nóv, 2.-4. des og 9.-11. des. 2016.
Julefrokost í Köben
69.900 kr.Frá:
Berlín er dásamleg borg og einstök upplifun
á aðventunni. Borgin er fallega skreytt og
jólamarkaðir eru um alla borg.
Ferðatímabil: 1.-4. des. & 8.-11. des. 2016.
Aðventuferð til Berlínar

78.900 kr.Frá:
Dublin er alltaf jafn vinsæl að heimsækja
og tilvalið að gera jólainnkaupin í ekta
írskri stemmingu. Ferðatímabil: 24.-27. nóv.
og 1.-4. des. 2016.

Jólastemming í Dublin
69.900 kr.Frá:
AÐVENTU
GAMAN!
Gaman Ferðir fljúga með WOW air / www.gaman.is / gaman@gaman.is